മുംബൈ: തങ്ങളുടെ വാര്ഷികശമ്പളം വര്ധിപ്പിക്കണമെന്ന വിരാട് കോഹ്്ലിയുടെയും മഹേന്ദ്രസിംഗ് ധോണിയുടെയും വാക്കുകള് ബിസിസിഐ കേട്ടിരിക്കുന്നു. താരങ്ങളുടെ പ്രതിഫലം ഉയര്ത്തുന്നതു സംബന്ധിച്ച അനൗദ്യോഗിക തീരുമാനം ബിസിസിഐ ഭരണസമിതി എടുത്തതായാണ് വിവരം. ഭരണസമിതി ചെയര്മാന് വിനോദ് റായി, ഡയാന എഡുള്ജി, എന്നിവരുടെ കൂടിക്കാഴ്ചയില് കോഹ്്ലിയുടെയും സംഘത്തിന്റെയും വാര്ഷിക ശന്പളം ഉയര്ത്താന് തീരുമാനിച്ചു. ഒന്നു രണ്ടു ദിവസത്തിനുള്ളില് ഔദ്യോഗിക പ്രഖ്യാപനം ഉണ്ടാകും. പുതിയ ശമ്പളം ഏവരിലും അദ്ഭുതമുണ്ടാക്കുമെന്നാണ് അറിവ്. കാരണം,ഗ്രേഡ് എ താരങ്ങള്ക്ക് 12 കോടി രൂപ വരെയാകും പ്രതിവര്ഷ ശമ്പളം എന്നാണ് സൂചന. അതായത്. ഒരു മാസം ഒരു താരത്തിനു ലഭിക്കുന്നത് ഒരു കോടി രൂപ. നിലവില് ഗ്രേഡ് എ താരങ്ങള്ക്കു ലഭിക്കുന്നത് രണ്ടു കോടി രൂപയും ഗ്രേഡ് ബി താരങ്ങള്ക്ക് ഒരു കോടി രൂപയും ഗ്രേഡ് സി താരങ്ങള്ക്ക് 50 ലക്ഷം രൂപയുമാണ്. ഈ തുക, ഓസ്ട്രേലിയ, ഇംഗ്ലണ്ട്,…
Read MoreCategory: Sports
ഏഷ്യൻ പവർലിഫ്റ്റിംഗ്: ഇന്ത്യ വിജയക്കൊയ്ത്തു തുടങ്ങി
ആലപ്പുഴ: ആലപ്പുഴയിൽ ആരംഭിച്ച ഏഷ്യൻ പവർലിഫ്റ്റിംഗ് ചാന്പ്യൻഷിപ്പിന്റെ ആദ്യദിനം 62 പോയിന്റോടെ ആതിഥേയരായ ഇന്ത്യ കുതിപ്പ് തുടങ്ങി. ഏഴ് മത്സരങ്ങൾ പൂർത്തീകരിച്ചപ്പോൾ മൂന്ന് സ്വർണവും രണ്ട് വെള്ളിയും ഒരു വെങ്കല മെഡലും നേടിയാണ് ഇന്ത്യയുടെ കുതിപ്പ്. കസാക്കിസ്ഥാൻ, സിംഗപ്പൂർ, ഇന്തോനേഷ്യ, ജപ്പാൻ എന്നീ രാജ്യങ്ങൾ ഒന്നു വീതം മെഡലുമായി പിന്നിലുണ്ട്. മാസ്റ്റേഴ്സ് 59 കിലോഗ്രാം വിഭാഗത്തിൻ ശ്രീനിവാസനും, സബ്ജൂണിയർ 59 കിഗ്രാം വിഭാഗത്തിൽ അരുണ് ജേക്കബും, മാസ്റ്റേഴ്സ് ഫോർ 59 കെ. വിഭാഗത്തിൽ മോഹൻദത്തും ഇന്ത്യക്കായി സ്വർണം നേടി. സബ്ജൂണിയർ 59 കിഗ്രാം വിഭാഗത്തിൽ ഇന്ത്യയുടെ തന്നെ മിഹിർ സോണിക്കാണ് വെള്ളി. ഓപ്പണ് മെൻ 59 കിലോഗ്രാം വിഭാഗത്തിൽ ഇന്ത്യയുടെ മുഹമ്മദ് വെങ്കലവും മാസ്റ്റേഴ്സ് വണ് 59 കിലോഗ്രാം വിഭാഗത്തിൽ ഇന്ത്യയുടെ എൻ. ഈശ്വരൈ വെള്ളിയും നേടി. ഒന്പതുവരെ നടക്കുന്ന മത്സരങ്ങളിൽ 18 രാജ്യങ്ങളിൽനിന്ന് 200 താരങ്ങൾ…
Read Moreബേസിൽ തമ്പി ഇന്ത്യൻ ടീമിൽ
മുംബൈ: ശ്രീലങ്കയ്ക്കെതിരായ ട്വന്റി-20 മത്സരത്തിനുള്ള ഇന്ത്യൻ ടീമിൽ മലയാളി താരം ബേസിൽ തമ്പി ഇടംപിടിച്ചു. വിരാട് കോഹ്ലിക്ക് വിശ്രമം അനുവദിച്ചതിനെ തുടർന്ന് ഉപനായകൻ രോഹിത് ശർമയാണ് ടീമിനെ നയിക്കുന്നത്.തമിഴ്നാട് താരം വാഷിംഗ്ടൺ സുന്ദറും ബേസിൽ തമ്പിക്കൊപ്പം ടീമിൽ ഇടംപിടിച്ചു. രഞ്ജി ക്രിക്കറ്റിലെയും ഐപിഎലിലെയും മികച്ച പ്രകടനമാണ് ഫാസ്റ്റ് ബൗളറായ ബേസിൽ തമ്പിയെ ഇന്ത്യൻ സീനിയർ ടീമിലെത്തിച്ചത്.
Read Moreലങ്ക 373ന് പുറത്ത്; ഇന്ത്യയ്ക്ക് കൂറ്റൻ ലീഡ്
ന്യൂഡൽഹി: മൂന്നാം ക്രിക്കറ്റ് ടെസ്റ്റിൽ ശ്രീലങ്കയ്ക്കെതിരേ ഇന്ത്യയ്ക്ക് കൂറ്റൻ ഒന്നാം ഇന്നിംഗ്സ് ലീഡ്. ലങ്കയുടെ ഒന്നാം ഇന്നിംഗ്സ് 373 റണ്സിൽ അവസാനിച്ചു. ഇതോടെ ഇന്ത്യയ്ക്ക് 163 റണ്സിന്റെ ലീഡ് ലഭിച്ചു. 164 റണ്സ് നേടിയ നായകൻ ദിനേശ് ചാണ്ഡിമലാണ് ഒടുവിൽ പുറത്തായത്. 356/9 എന്ന നിലയിലാണ് ലങ്ക നാലാം ദിനം തുടങ്ങിയത്. ഇന്ന് അവർ 17 റണ്സ് കൂടി കൂട്ടിച്ചേർത്തു. മൂന്നാം ദിനം ആഞ്ചലോ മാത്യൂസുമായി ചേർന്ന് നായകൻ ചാണ്ഡിമൽ ലങ്കയെ ഫോളോ ഓണ് ഭീഷണിയിൽ നിന്നും കരകയറ്റിയിരുന്നു. മാത്യൂസ് 111 റണ്സുമായി മൂന്നാം ദിനം പുറത്തായിരുന്നു. ഇന്ത്യയ്ക്ക് വേണ്ടി ഇഷാന്ത് ശർമ, ആർ.അശ്വിൻ എന്നിവർ മൂന്ന് വീതം വിക്കറ്റുകൾ നേടി. ജഡേജയ്ക്കും ഷമിക്കും രണ്ടു വിക്കറ്റ് വീതം ലഭിച്ചു. രണ്ടാം ഇന്നിംഗ്സ് ബാറ്റിംഗ് തുടങ്ങിയ ഇന്ത്യ ഒടുവിൽ വിവരം ലഭിക്കുന്പോൾ 12/1 എന്ന നിലയിലാണ്. ഒൻപത്…
Read Moreസമനിലതെറ്റി ആരാധകർ; സമനില വിടാതെ ബ്ലാസ്റ്റേഴ്സ്
കൊച്ചി: ഒടുവിൽ കാത്തുകാത്തിരുന്ന ആ ഗോളെത്തി. എന്നിട്ടും കേരളത്തിന്റെ കൊമ്പൻമാർക്ക് സമനിലപ്പൂട്ടുപൊട്ടിക്കാനായില്ല. മൂന്നാം ഹോം മത്സരത്തിലും കേരള ബ്ലാസ്റ്റേഴ്സിനു സമനില. മുംബൈ സിറ്റിയാണ് ഇത്തവണ കേരളത്തെ സമനിലയിൽ പൂട്ടിയത്. സി.കെ വിനീത് മാച്ചിംഗ് ഓഡർ വാങ്ങിപ്പുറത്തുപോയതും കേരളത്തിനു തിരിച്ചടിയായി. ഗോൾ അടിക്കാത്തതിനു വിമർശനശരം ഏറ്റുവാങ്ങിയ ബ്ലാസ്റ്റേഴ്സ് തുടക്കം മുതൽ ആക്രമണ ഫുട്ബോളാണ് നടപ്പാക്കിയത്. ഇതിനു പ്രതിഫലമെന്നോണം ഇയാൻ ഹ്യൂമിനു പകരം ആദ്യ ഇലവനിൽ സ്ഥാനംപിടിച്ച സിഫ്നോസ് കേരളത്തെ മുന്നിലെത്തിച്ചു. ആരാധകർ കാത്തുകാത്തിരുന്ന ഗോൾ. മധ്യനിരയിൽ കളിനിയന്ത്രിച്ച ബെർബറ്റോവ് വലതു പാർശ്വത്തിലേക്ക് നീട്ടിയ പന്ത് ഓടിപ്പിടിച്ച മലയാളിതാരം റിനോ ആന്റോയുടെ കിടിലൻ ക്രോസ്. അരപ്പൊക്കത്തിൽ ഉയർന്നുവന്ന പന്തിനെ സിഫ്നോസ് കളരിമുറയിൽ ലക്ഷ്യത്തിലേക്കു പറഞ്ഞയച്ചു. കൊച്ചിയുടെ ഹൃദയം ഒരു നിമിഷം സ്തംഭിച്ചു. പിന്നെ മഞ്ഞക്കടൽ ഓഖി ചുഴലിയായി ആർത്തലച്ചു. സീസണിലെ ബ്ലാസ്റ്റേഴ്സിന്റെ ആദ്യ ഗോൾ. ഗാലറിയുടെ പിന്തുണയോടെ വീണ്ടും മുംബൈ…
Read Moreശ്വാസംകിട്ടാതെ ലങ്ക; ഡൽഹി വേദിയാക്കിയതിനെ ചോദ്യം ചെയ്തു
ന്യൂഡല്ഹി: വായുമലിനീകരണം രൂക്ഷമായ ഡൽഹി, ടെസ്റ്റ് മത്സരത്തിനായി തെരഞ്ഞെടുത്തതിനെ ചോദ്യം ചെയ്ത് ശ്രീലങ്കൻ ക്രിക്കറ്റ് ബോർഡ്. ഡൽഹി വേദിയായി തെരഞ്ഞെടുത്തതിൽ വിശദീകരണം നൽകണമെന്ന് ലങ്കൻ ബോർഡ് ബിസിസിഐയോട് ആവശ്യപ്പെട്ടു. ശ്രീലങ്കൻ താരങ്ങൾ നേരത്തെ അശുദ്ധവായു സംബന്ധിച്ച് അമ്പയറോട് പരാതിപ്പെട്ടിരുന്നു. ഫീല്ഡ് ചെയ്യാന് ബുദ്ധിമുട്ടാണെന്നാണ് ശ്രീലങ്കന് നായകന് ദിനേഷ് ചാണ്ഡിമാൽ അമ്പയറോട് പരാതിപ്പെട്ടത്. ലങ്കൻ ക്യാപ്റ്റൻ കളിക്കാരുമായി കളം വിടുകയും ചെയ്തു. ഇതേ തുടർന്ന് ഉച്ചഭക്ഷണത്തിനു ശേഷം 17 മിനിറ്റു നേരെ കളി തടസപ്പെട്ടു. പിന്നീട് അമ്പയറും മാച്ച് റഫറിയും കളിക്കാരുമായി സംസാരിച്ച ശേഷമാണ് ഇവർ മടങ്ങിയെത്തിയത്. ലങ്കന് താരങ്ങള് മാസ്ക് ഉപയോഗിച്ചാണ് ഫീൽഡിലെത്തിയത്. പിന്നീട് 127 ാം ഓവറിലും ഇതേ പ്രശ്നത്തിൽ കളി തടസപ്പെട്ടു. ലക്മാൽ ബൗളിംഗ് പൂർത്തിയാക്കാതെ മടങ്ങിയതോടെയാണ് കളി മുടങ്ങിയത്. ഇതോടെ ഗ്രൗണ്ട് അമ്പയർമാർ ചാണ്ഡിമാലുമായും എയ്ഞ്ചലോ മാത്യൂസുമായും സംസാരിച്ചു. ലങ്കൻ മാനേജർ അസങ്ക…
Read Moreഅണ്ടര് 19 ഐസിസി ലോകകപ്പ്: പൃഥ്വി ഷാ നയിക്കും
ന്യൂഡല്ഹി: അടുത്തവര്ഷത്തെ അണ്ടര് 19 ഐസിസി ക്രിക്കറ്റ് ലോകകപ്പിനുള്ള 16 അംഗ ടീമിനെ, ഇന്ത്യയുടെ ഭാവിവാഗ്ദാനമായ മുംബൈ ബാറ്റ്സ്മാന് പ്രൃഥ്വി ഷാ നയിക്കും. 16 ടീമുകള് പങ്കെടുക്കുന്ന ടൂര്ണമെന്റ് ജനുവരി പതിമൂന്നു മുതല് ഫെബ്രുവരി 3 വരെ ന്യൂസിലന്ഡില് നടക്കും. ലോകകപ്പിനു വേണ്ടിയുള്ള ടീം തെരഞ്ഞെടുപ്പ് ഓള് ഇന്ത്യാ ജൂണിയര് സെലക്ഷന് കമ്മിറ്റി പൂര്ത്തിയാക്കിയതായി ബിസിസിഐ ആക്ടിംഗ് സെക്രട്ടറി അമിതാഭ് ചൗധരി മാധ്യമങ്ങളെ അറിയിച്ചു. കഴിഞ്ഞ എഡിഷനിലെ റണ്ണര് അപ്പായ ഇന്ത്യ 2000,2008,2012 വര്ഷങ്ങളില് അണ്ടര് 19 ലോകകപ്പ് ടൈറ്റില് സ്വന്തമാക്കിയിരുന്നു. കഴിഞ്ഞ വര്ഷം ബംഗ്ലാദേശില് നടന്ന ടൂര്ണമെന്റില് വെസ്റ്റ് ഇന്ഡീസിനോടാണ് ഇന്ത്യ പരാജയപ്പെട്ടത്. ഇന്ത്യക്ക് ഏറെ പ്രതീക്ഷയുള്ള ഈ ടൂര്ണമെന്റിനു മുന്നോടിയായുള്ള പരിശീലനക്യാമ്പ് ബംഗളൂരുവില് എട്ടു മുതല് 22 വരെ നടക്കുമെന്ന് ചൗധരി അറിയിച്ചു. പ്രൃഥ്വിയും ബംഗാള് താരം പോറലുംഇപ്പോള് രഞ്ജിയില് പങ്കെടുത്തുകൊണ്ടിരിക്കുന്നതിനാല് 12 മുതല്…
Read Moreഇന്ത്യ 536/7 ഡിക്ലയേർഡ്; ലങ്കയ്ക്ക് മോശം തുടക്കം
ന്യൂഡല്ഹി: വെടിക്കെട്ട് ബാറ്റിംഗുമായി ഇന്ത്യന് ബാറ്റ്സ്മാന്മാര് മുന്നേറിയപ്പോള് ഫിറോസ്ഷാ കോട്ലയില് ഇന്ത്യക്ക് കൂറ്റന് സ്കോര്. ഒന്നാം ഇന്നിംഗ്സില് ഏഴിന് 536 എന്ന നിലയില് ഇന്ത്യ ഡിക്ലയര് ചെയ്തു. രണ്ടാം ദിനം ഇന്നിംഗ്സ് ആരംഭിച്ച ശ്രീലങ്ക തുടക്കത്തിലേ തകര്ച്ചയിലേക്ക് നീങ്ങുകയാണ്. ആറ് ഓവറില് രണ്ട് വിക്കറ്റ് നഷ്ടത്തില് 18 റണ്സെന്ന നിലയിലാണ് ലങ്ക. റണ്ണൊന്നുമെടുക്കാതെ കരുണരത്നയും ഒരു റണ്സെടുത്ത ധനഞ്ജയ ഡിസില്വയുമാണ് പുറത്തായത്. മുഹമ്മദ് ഷമിക്കും ഇഷാന്ത് ശര്മയ്ക്കുമാണ് വിക്കറ്റ് ലഭിച്ചത്. നേരത്തേ, വിരാട് കോഹ്ലിയുടെ ഇരട്ട സെഞ്ചുറി മികവിലാണ് ഇന്ത്യ മികച്ച സ്കോര് പടുത്തുയര്ത്തിയത്. 287 പന്തില് 25 ബൗണ്ടറിയുടെ അകമ്പടിയോടെ 243 റണ്സെടുത്ത് കോഹ്ലി പുറത്തായി. തുടര്ച്ചയായി രണ്ടാമത്തെയും കരിയറില് ആറാമത്തെയും ഇരട്ടസെഞ്ചുറിയാണ് കോഹ്ലി ഫിറോസ്ഷാ കോട്ലയില് പൂര്ത്തിയാക്കിയത്. അര്ദ്ധസെഞ്ചുറി നേടിയ രോഹിത് ശര്മ കോഹ്ലിക്ക് മികച്ച പിന്തുണ നല്കുകയും ചെയ്തു. കോഹ്ലിയുടേതുള്പ്പെടെ മൂന്നു വിക്കറ്റുകളാണ്…
Read Moreറിക്കാര്ഡ് ഇരട്ടശതകം: ലാറയെയും മറികടന്ന് കോഹ്ലി
ന്യൂഡല്ഹി: ബാറ്റിംഗില് റിക്കാര്ഡുകള് ഭേദിച്ച് മുന്നേറിയിരുന്ന ക്രിക്കറ്റ് ഇതിഹാസം സച്ചിന് തെന്ഡുല്ക്കറുടെ അതേപാതയിലാണ് ഇന്ത്യന് ക്യാപ്റ്റന് വിരാട് കോഹ്ലിയും. ശ്രീലങ്കയ്ക്കെതിരായി ഫിറോസ് ഷാ കോട്ലയില് നടന്ന മൂന്നാം ടെസ്റ്റില് ആറാം ഇരട്ട സെഞ്ചുറി നേടിയ കോഹ്ലി പുതിയ റിക്കാര്ഡ് കുറിച്ചു. നായകനെന്ന നിലയില് ഏറ്റവും കൂടുതല് ഇരട്ട സെഞ്ചുറി നേടുന്ന റിക്കാര്ഡാണ് അദ്ദേഹം സ്വന്തം പേരിലാക്കിയത്. വെസ്റ്റ് ഇന്ഡീസിന്റെ മുന് താരം ബ്രയാന് ലാറയുടെ റിക്കാര്ഡാണ് അദ്ദേഹം തകര്ത്തത്. ലാറ നായകനായിരിക്കെ അഞ്ച് ഇരട്ട സെഞ്ചുറിയാണ് നേടിയത്. ഇതോടൊപ്പം ആറ് ഇരട്ട സെഞ്ചുറി വീതം നേടിയിട്ടുള്ള മുന് ഇന്ത്യന് താരങ്ങളായ സച്ചിന്റെയും സേവാഗിന്റെയും ഒപ്പമാണ് കോഹ്ലിയുള്ളത്.
Read Moreഗോളടിക്കാതെ ജംഷഡ്പുരും കോൽക്കത്തയും സമനിലയിൽ
ജംഷഡ്പുർ: ജംഷഡ്പുർ എഫ്സിക്ക് ഐഎസ്എലിൽ തുടർച്ചയായ മൂന്നാം ഗോൾരഹിത സമനില. സ്വന്തം തട്ടകത്തിൽ ജംഷഡ്പുർ നിലവിലെ ചാമ്പ്യൻമാരായ കോൽക്കത്തയുമായാണ് ഗോൾരഹിത സമനിലയിൽ പിരിഞ്ഞത്. ഇതോടെ പോയിന്റ് പട്ടികയിൽ ജംഷഡ്പുർ അഞ്ചാം സ്ഥാനത്തായി. മൂന്നു പോയിന്റാണ് ജംഷഡ്പുരിനുള്ളത്. കോൽക്കത്ത ഒമ്പതാം സ്ഥാനത്താണ്. കോൽക്കത്തയ്ക്ക് ഒരു തോൽവിയും ഒരു സമനിലയും ഉൾപ്പെടെ രണ്ടു പോയിന്റാണുള്ളത്.
Read More