മൃഗശാലയില് നിന്ന് ഫോട്ടോയെടുത്ത അച്ഛനും മകള്ക്കും നേരെ പാഞ്ഞടുക്കുന്ന ആന, കുഞ്ഞിനെയുമെടുത്ത് ഞൊടിയിടയില് വേലിക്കെട്ടിനു കീഴിലൂടെ രക്ഷപ്പെടാന് ശ്രമിക്കുന്ന അച്ഛന്. സോഷ്യല് മീഡിയയില് വൈറലായിക്കൊണ്ടിരിക്കുന്ന ഒരു വീഡിയോയിലെ രംഗമാണിത്. സാന്ഡിയാഗോ മൃഗശാലയില് നിന്നാണ് വീഡിയോ പുറത്തുവന്നിരിക്കുന്നത്. ഏഷ്യന് ആഫ്രിക്കന് ആനകളുള്ള മൃഗശാലയിലേക്കാണ് ജോസ് ഇമ്മാനുവല് എന്ന ഇരുപത്തിയഞ്ചുകാരന് രണ്ടു വയസുകാരി മകളെയും കൊണ്ടുപോയത്. മൃഗങ്ങളുടെ വാസസ്ഥലത്തേക്ക് അതിക്രമിച്ചു കയറുകയായിരുന്നു ജോസ്. ആന വരുന്നതു കാണുന്നതോടെ വേലിക്കെട്ടിനു പുറത്തുനില്ക്കുന്ന ആളുകള് ഉച്ചത്തില് നിലവിളിക്കുന്നുണ്ട്. ഇതുകേട്ടയുടന് വേലിക്കെട്ടിനപ്പുറത്തേക്ക് കടക്കാന് ശ്രമിക്കുന്നുണ്ടെങ്കിലും ഇടയ്ക്കു വച്ച് കുഞ്ഞ് താഴെ വീഴുന്നുമുണ്ട്. കുഞ്ഞിന് അപകടഭീഷണി ഉണ്ടാക്കിയതിന്റെ പേരില് ജോസ് ഇമ്മാനുവലിനെതിരെ പോലീസ് കേസ് രജിസ്റ്റര് ചെയ്യുകയും ചെയ്തു. ഫോട്ടോയെടുക്കാനാണ് വേലിക്കെട്ടുകള് കടന്ന് മൃഗങ്ങളുടെ അടുത്തേക്ക് പോയതെന്നാണ് ജോസ് പോലീസുകാരോട് പറഞ്ഞത്. ഒരുലക്ഷം ഡോളര് ജാമ്യത്തുകയിലാണ് ഇയാളെ വിട്ടയച്ചത്.
Read Moreമൃഗശാലയില് രണ്ടു വയസുകാരി മകളുമായി യുവാവിന്റെ ഫോട്ടോഷൂട്ട് ! ഇത് കണ്ട് കലി പൂണ്ട് പാഞ്ഞടുത്ത് ആന; വീഡിയോ വൈറലാകുന്നു…
