ചെരിപ്പിന് മാത്രം അയിത്തം കൽപിക്കുന്ന ഒരു ഗ്രാമം. ഗ്രാമത്തിൽ നഗ്നപാദരായി നടക്കുന്ന ആളുകൾ. ആധുനിക സാങ്കേതിക വിദ്യയൊക്കെ ഈ ഗ്രാമത്തിലുണ്ട്. പക്ഷേ ചെരിപ്പിന് മാത്രം അയിത്തം. ചെരിപ്പിടാത്ത ഒരു ഗ്രാമം എന്ന് പുകൾപ്പെട്ട തമിഴ്നാട്ടിലെ വെള്ളഗവി എന്ന ഗ്രാമത്തിനാണ് ഈ പ്രത്യേകത. ഗ്രാമത്തിന്റെ അതിർത്തി വരെ പാദരക്ഷകൾ അണിയുകയും ഗ്രാമത്തിനുള്ളിൽ കയറുമ്പോൾ ചെരിപ്പ് അഴിച്ചുവയ്ക്കുകയും ചെയ്യുന്ന വിചിത്ര ആചാരമുള്ള വെള്ളഗവി ഇപ്പോൾ സാഹസിക സഞ്ചാരികളുടെ ഇഷ്ടകേന്ദ്രം കൂടിയാണ്. കാലമെത്ര മുന്നോട്ട് പോയാലും കേൾക്കുമ്പോൾ വിശ്വസിക്കുവാൻ പ്രയാസം തോന്നുന്ന പല ആചാരങ്ങളും ഇന്നും നമ്മുടെ നാട്ടിൽ നിലനിൽക്കുന്നുണ്ട്. തലമുറകളിലൂടെ കൈമാറി വന്ന ശീലങ്ങളും ആചാരങ്ങളും പുറമേ നിന്നു നോക്കുന്നവർക്ക് എല്ലായ്പ്പോഴും അമ്പരപ്പായിരിക്കും നൽകുക. അത്തരമൊരു ഗ്രാമത്തിന്റെ വിശേഷത്തിലൂടെ… കൊടൈക്കനാലിന് അടുത്താണ് വെള്ളഗവി ഗ്രാമം. തമിഴ്നാട്ടിൽ മധുര ജില്ലയിൽ സ്ഥിതി ചെയ്യുന്ന ഒരു ചെറിയ തനി തമിഴ്നാടൻ കാർഷിക ഗ്രാമമാണ്…
Read MoreCategory: Today’S Special
അഞ്ചുവർഷത്തെ പ്രണയത്തിൽ നിന്ന് പിൻമാറി യുവാവ്; കാമുകനായ കൗൺസിലറുടെ ജനനേന്ദ്രിയം മുറിച്ചുമാറ്റി കാമുകിയായ വനിതാ ഡോക്ടർ
പട്ന: ബിഹാറിൽ വാർഡ് കൗൺസിലറായ ആൺസുഹൃത്തിന്റെ ജനനേന്ദ്രിയം മുറിച്ചുമാറ്റിയ 25കാരിയായ വനിതാ ഡോക്ടർ അറസ്റ്റിൽ. മധുര ബ്ലോക്കിലെ വാർഡ് നമ്പർ 12 ലെ കൗൺസിലറായ യുവാവിനാണു ദുരനുഭവമുണ്ടായത്. ഇയാളെ ചികിത്സയ്ക്കായി പട്ന മെഡിക്കൽ കോളജ് ആശുപത്രിയിൽ (പിഎംസിഎച്ച്) പ്രവേശിപ്പിച്ചു. യുവാവിനെ തന്റെ വീട്ടിലേക്ക് വിളിച്ചുവരുത്തിയാണ് യുവതി അക്രമം ചെയ്തത്. കഴിഞ്ഞ അഞ്ചു വർഷമായി ഇരുവരും പ്രണയത്തിലായിരുന്നു. എന്നാൽ വിവാഹം ചെയ്യാൻ യുവാവ് സമ്മതിച്ചില്ല. ഇതേത്തുടർന്നുണ്ടായ പ്രകോപനത്തിലാണു യുവതി കാമുകന്റെ ജനനേന്ദ്രിയും മുറിച്ചുമാറ്റിയത്. രക്തത്തിൽ കുളിച്ചു കിടക്കുകയായിരുന്ന യുവാവിന്റെ നിലവിളി കേട്ടെത്തിയ അയൽവാസികളാണ് ആശുപത്രിലെത്തിച്ചത്. യുവതിക്കെതിരേ പോലീസ് കൊലക്കുറ്റത്തിനു കേസെടുത്തു.
Read Moreപിരമിഡുകളുടെ എണ്ണത്തിൽ മുന്പൻ സുഡാൻ; നൈൽ നദിയുടെ കിഴക്കൻ തീരത്തു സുഡാനിൽ കാണപ്പെടുന്നത് ചെറിയ പിരമിഡുകൾ
പിരമിഡുകളെക്കുറിച്ചു കേൾക്കുന്പോൾ, മനസിൽ ആദ്യം കടന്നുവരുന്ന രാജ്യം ഈജിപ്റ്റായിരിക്കും, കൂറ്റൻ പിരമിഡുകൾക്കു പേരുകേട്ട രാജ്യം! എന്നാൽ ഏറ്റവും കൂടുതൽ പിരമിഡുകൾ ഉള്ള രാജ്യം ഈജിപ്റ്റല്ല. അത് സുഡാൻ ആണ്. 118 പിരമിഡുകളാണ് ഈജിപ്റ്റിൽ കണ്ടെത്തിയിട്ടുള്ളതെങ്കിൽ സുഡാന്റെ വിശാലമായ മരുപ്രദേശങ്ങളിൽ അവയുടെ എണ്ണം 220-240 വരും. നൈൽ നദിയുടെ കിഴക്കൻ തീരത്തു സുഡാനിൽ കാണപ്പെടുന്ന നുബിയൻ മെറോ പിരമിഡുകൾ താരതമ്യേനെ ചെറുതാണ്. ബിസി 2500-എഡി 300 കാലഘട്ടത്തിൽ കുഷൈറ്റ് ഭരണകാലത്താണ് നുബിയൻ പിരമിഡുകൾ നിർമിച്ചത്. കുത്തനെയുള്ള വശങ്ങളും മൂർച്ചയുള്ള കോണുകളും ഉൾക്കൊള്ളുന്നതാണ് നുബിയൻ മെറോ പിരമിഡ്. ഈജിപ്റ്റിലെന്നപോലെ സുഡാനിലും രാജകീയ ശവകുടീരങ്ങളാണ് പിരമിഡുകൾ. കുഷൈറ്റ് ഭരണാധികാരികളുടെ ജീവിതത്തിലേക്കും ആചാരാനുഷ്ഠാനങ്ങളിലേക്ക് ഇവ വെളിച്ചം വീശുന്നു.
Read Moreസമത്വസുന്ദര കാഴ്ചയ്ക്ക് സാക്ഷിയായി മഴയും..! ചങ്ങനാശേരിയിലെ എസ്ബിയില് പെണ്കുട്ടികളും അസംപ്ഷനില് ആണ്കുട്ടികളും എത്തി; കാമ്പസുകളില് ആഹ്ലാദവരവേല്പ്…
ചങ്ങനാശേരി: കോരിച്ചൊരിഞ്ഞ മഴയാരവത്തിനൊപ്പം കാമ്പസുകളില് ആഹ്ലാദം. എസ്ബി, അസംപ്ഷന് ഓട്ടോണമസ് കോളജുകളിലെത്തിയ വിദ്യാര്ഥികള്ക്ക് ഊഷ്മള വരവേല്പ്. മയില്പ്പീലി നല്കി എസ്ബി കോളജില് പെണ്കുട്ടികളെ വരവേറ്റപ്പോള് മധുരം നല്കിയാണ് അസംപ്ഷനില് ആണ്കുട്ടികളെ സ്വീകരിച്ചത്. ഒരുനൂറ്റാണ്ടിലധികം ബിരുദപഠനത്തിന് ആണ്കുട്ടികള്ക്കുമാത്രം സ്വന്തമായിരുന്ന എസ്ബി കോളജില് പ്രവേശനം നേടിയ പെണ്കുട്ടികളും 74വര്ഷമായി വനിതകള്ക്കുമാത്രം സ്വന്തമായിരുന്ന അസംപ്ഷന് കോളജില് ആണ്കുട്ടികളും എത്തിയത് ഇരുകലാലയങ്ങളുടേയും ചരിത്രത്തിന്റെ പുത്തന്വഴിത്തിരിവായി. ചങ്ങനാശേരി അതിരൂപതയുടെ മേല്നോട്ടത്തില് പ്രവര്ത്തിക്കുന്ന മധ്യതിരുവിതാംകൂറിലെ പ്രശസ്ത കലാലയങ്ങളാണ് എസ്ബി, അസംപ്ഷന് കോളജുകള്. എസ്ബിയിലെ ബിരുദ കോഴ്സുകളുടെ പ്രവേശനോത്സവം മാര് കാവുകാട്ടു ഹാളില് ചേര്ന്ന സമ്മേളനത്തില് പൂര്വവിദ്യാഥിനി മിനി ആന്റണി ഉദ്ഘാടനം ചെയ്തു. പ്രിന്സിപ്പല് ഫാ. റെജി പ്ലാത്തോട്ടം, വൈസ് പ്രിന്സിപ്പല്മാരായ റവ.ഡോ. റ്റെഡി കാഞ്ഞൂപ്പറമ്പില്, ഡോ. സിബി ജോസഫ് എന്നിവര് പ്രസംഗിച്ചു. അസംപ്ഷന് കോളജിലെ പ്രവേശനോത്സവം ഇന്ഡോര്കോര്ട്ടില് എംജി സര്വകലാശാലാ മുന് വൈസ്ചാന്സലര് ഡോ. സിറിയക്…
Read Moreപത്ത് വർഷമായി വധുവിനെ അന്വേഷിക്കുന്നു; ആരും തന്നെ വിവാഹം ചെയ്യാൻ തയാറാകുന്നില്ല; വധുവിനെ കണ്ടെത്താൻ സഹായിക്കണം… ജനസന്പർക്ക പരിപാടിയിൽ അപേക്ഷയുമായി യുവാവ്
അയൽസംസ്ഥാനമായ കർണാടകയിൽ പ്രായം 35 കഴിഞ്ഞിട്ടും അവിവാഹിതരായി തുടരുന്നവർ അനവധി യുവാക്കളുണ്ട്. കൃഷി ജീവനോപാധിയായി സ്വീകരിച്ചവരാണ് കല്യാണം നടക്കാത്ത ചെറുപ്പക്കാരിൽ ഏറെയും. കർഷകരെ വിവാഹം കഴിക്കാൻ പെൺകുട്ടികൾ തയാറാകാത്തതാണ് ഇവരുടെ വിവാഹസ്വപ്നങ്ങൾ തല്ലിക്കെടുത്തുന്നത്. അതിനിടെ ഒരു കർഷക യുവാവ് വധുവിനെ കണ്ടെത്താൻ സഹായിക്കണമെന്നാവശ്യപ്പെട്ട് ജനസന്പർക്ക പരിപാടിയിൽ അപേക്ഷയുമായി എത്തിയിരിക്കുകയാണ്. കൊപ്പാൾ സ്വദേശിയായ സംഗപ്പയാണ് അധികൃതർക്ക് അപേക്ഷ നൽകിയത്. കഴിഞ്ഞ 10 വർഷമായി വധുവിനെ അന്വേഷിക്കുകയാണെന്നും ഒരു പെൺകുട്ടിയും തന്നെ വിവാഹം ചെയ്യാൻ തയാറാകുന്നില്ലെന്നും സംഗപ്പ പറയുന്നു. ദീർഘകാലം വധുവിനെ അന്വേഷിച്ചിട്ടും കിട്ടാത്തതിനാൽ മാനസികാരോഗ്യത്തെ ബാധിച്ചെന്നും വധുവിനെ കണ്ടെത്താൻ ആരെങ്കിലും സഹായിക്കണമെന്നും സംഗപ്പ അപേക്ഷിക്കുന്നു. സംഗപ്പയുടെ പരാതിയിൽ എന്തു നടപടിയെടുക്കണമെന്നറിയാതെ കുഴങ്ങിയിരിക്കുകയാണ് അധികൃതർ. കർണാടകയിൽ കർഷകയുവാക്കൾക്കു വധുവിനെ കിട്ടാത്തത് ഒരു സാമൂഹ്യപ്രശ്നമായി മാറിയതോടെ ചെറുപ്പക്കാർ സംഘടിച്ച് വ്യത്യസ്തമായ പ്രതികരണപരിപാടികളുമായി രംഗത്തെത്തിയിരുന്നു. ധാർവാഡിലെ ഒരുസംഘം യുവാക്കൾ പെൺകുട്ടികളെ ബോധവത്കരിക്കണമെന്നാവശ്യപ്പെട്ട് തഹസിൽദാർക്ക്…
Read Moreമേലനങ്ങാതെ സുഖിക്കല്ലേ, രോഗങ്ങൾ പണി തരും..! ഞെട്ടിക്കുന്ന പഠനറിപ്പോര്ട്ട് പുറത്ത്
കായികാധ്വാനവുമായി ബന്ധപ്പെട്ട് ലോകാരോഗ്യ സംഘടന പുറത്തുവിട്ട പഠനറിപ്പോര്ട്ട് ഞെട്ടിക്കുന്നതാണ്. ലോകമെമ്പാടുമുള്ള പ്രായപൂര്ത്തിയായ 180 കോടി ജനങ്ങള്ക്കു കായികാധ്വാനം ഇല്ലാത്തതു മൂലം വിവിധ രോഗങ്ങള് വരാന് സാധ്യതയുണ്ടെന്നു റിപ്പോര്ട്ടില് വ്യക്തമാക്കുന്നു. പഠനറിപ്പോർട്ടിൽ ഇതുസംബന്ധിച്ച കണക്കുകളുമുണ്ട്. 2021ലെ കണക്കുകള് പ്രകാരം ലോകത്തെ പ്രായപൂര്ത്തിയായ ജനതയുടെ മൂന്നിലൊന്നുപേർ മതിയായ കായികാധ്വാനം ഇല്ലാത്തതുകൊണ്ടുള്ള വെല്ലുവിളികള് നേരിടുകയാണ്. 2030ഓടെ ഇത് 35 ശതമാനത്തിലെത്തുമെന്നും കണക്കുകള് ചൂണ്ടിക്കാട്ടുന്നു. പ്രായപൂര്ത്തിയായ ഒരാള് ആഴ്ചയില് മിതമായ തോതില് 150 മിനിറ്റോ കഠിനമായ രീതിയില് 75 മിനിറ്റോ കായികാധ്വാനത്തില് ഏര്പ്പെടണം. ശാരീരികാധ്വാനം ഇല്ലാത്തത് ഹൃദയാഘാതം, പക്ഷാഘാതം, ടൈപ്പ് 2 പ്രമേഹം, മറവിരോഗം, സ്തനാര്ബുദം അടക്കമുള്ള രോഗങ്ങൾക്കു സാധ്യത കൂട്ടുന്നു. ഉയര്ന്ന കായികാധ്വാനത്തിലൂടെ അര്ബുദം, ഹൃദ്രോഗം എന്നിവയെ ഒരുപരിധിവരെ അകറ്റിനിര്ത്താനും മാനസികാരോഗ്യം ആര്ജിക്കാനും സാധിക്കുമെന്നു ലോകാരോഗ്യ സംഘടന മേധാവി ഡോ. ടെഡ്രോസ് അദാനം ഗെബ്രിയോസിസ് ചൂണ്ടിക്കാട്ടുന്നു. ഉയര്ന്ന വരുമാനമുള്ള ഏഷ്യാപസഫിക് മേഖലയിലും…
Read Moreമുൻ ജന്മപുണ്യം! ഈ ജന്മത്തിൽ എനിക്ക് അദ്ദേഹത്തെ ഭർത്താവായി ലഭിച്ചു, മുത്തച്ഛന്റെ പ്രായമുള്ള ആളാണ് തന്റെ ഭർത്താവ്; വീഡിയോ പങ്കുവച്ച് പെൺകുട്ടി
പ്രണയത്തിന് കണ്ണില്ല മൂക്കില്ല എന്ന് പറയുന്നത് പോലെ തന്നെ പ്രായവുമില്ല. ഇത് ശരിവയ്ക്കുന്ന ഒരു വീഡിയോയാണ് ഇപ്പോൾ സോഷ്യൽ മീഡിയയിൽ പ്രചരിച്ചുകൊണ്ടിരിക്കുന്നത്. ഒരു വയോധികന്റെയും അയാളെക്കാൾ വളരെ പ്രായം കുറഞ്ഞ ഒരു പെൺകുട്ടിയുടെയും പ്രണയത്തെ കുറിച്ച് കാണിക്കുന്ന വീഡിയോയാണിത്. ഗുഡ്ഡി കുമാരി എന്നാണ് പെൺകുട്ടിയുടെ പേര്. ഈ വീഡിയോയിൽ അവൾ പറയുന്നത് “എൻ്റെ മുൻ ജന്മത്തിൽ ഞാൻ ചെയ്ത നല്ലതെന്താണെന്ന് എനിക്കറിയില്ല, ഈ ജന്മത്തിൽ എനിക്ക് നിന്നെപ്പോലെ ഒരു ഭർത്താവിനെ ലഭിച്ചു” എന്നാണ്. പെൺകുട്ടിയുടെ ഇൻസ്റ്റാഗ്രാം പ്രൊഫൈലിൽ വൃദ്ധന്റെ പിന്നിൽ നിന്ന് “ഞാൻ നിന്നെ സ്നേഹിക്കുന്നു” എന്ന് പറയുന്ന മറ്റൊരു വീഡിയോയുമുണ്ട്. എന്നാൽ ഈ രണ്ട് വീഡിയോകൾ അല്ലാതെ വൃദ്ധനൊപ്പമുള്ള മറ്റൊരു ഫോട്ടോയോ വീഡിയോയോ പെൺകുട്ടി പങ്കുവച്ചിട്ടില്ല. അതേസമയം മുത്തച്ഛന്റെ പ്രായമുള്ള ഒരാളെ പങ്കാളിയായിട്ട് സ്വീകരിച്ചതെന്ന് പറയുന്ന ഈ വീഡിയോ പൂർണമായും വ്യാജമാണെന്നും ഇത് പ്രചരിപ്പിക്കാനായി പെൺകുട്ടി കെട്ടിച്ചമച്ചതാണെന്നും…
Read Moreസ്ത്രീധനം നിരസിച്ച് വരൻ: ജോലി ലഭിച്ച് കഴിഞ്ഞാൽ ശമ്പളം മാതാപിതാക്കൾക്ക് നൽകാനും വധുവിനോട് ആവശ്യപ്പെട്ടു; കൈയടിച്ച് സോഷ്യൽ മീഡിയ
രാജ്യത്ത് സ്ത്രീധന സമ്പ്രദായം തടയാൻ നിയമങ്ങളുണ്ടെന്നാലും യഥാർഥ മാറ്റം അവനവനിൽ നിന്നുമാണ് തുടങ്ങേണ്ടത്. ഇത്തരത്തിൽ രാജസ്ഥാനിലെ സിക്കാർ ജില്ലയിലെ ദന്ത രാംഗഢിലെ ജയ് നാരായണൻ ജഖർ എന്ന വരൻ വധുവിൽ നിന്ന് സ്ത്രീധനം സ്വീകരിക്കാതെ ധീരമായ ഒരു ചുവടുവയ്പ്പ് നടത്തിയിരിക്കുകയാണ്. ജോലി ലഭിച്ച ശേഷം സമ്പാദിക്കുന്ന വരുമാനം മാതാപിതാക്കൾക്ക് അയച്ചുകൊടുക്കാനാണ് ഇയാൾ ഭാര്യയോട് അവശ്യപ്പെട്ടത്. സ്ത്രീധനരഹിതമായ ഈ വിവാഹത്തിന് സംസ്ഥാനമൊട്ടാകെ അഭിനന്ദനം ഏറ്റുവാങ്ങുകയാണ്. വരൻ ജയ് നാരായൺ ജാഖർ പൊതുക്ഷേമ വകുപ്പിൽ ജൂനിയർ എഞ്ചിനീയറായി (ജെഇ) ജോലി ചെയ്യുകയാണ്. വധു അനിത വർമ ബിരുദാനന്തര ബിരുദധാരിയാണ്. അനിതയുടെ മാതാപിതാക്കളാണ് അവളെ നന്നായി വളർത്തിയതെന്നും ബിരുദാനന്തര ബിരുദം നേടാൻ സഹായിച്ചെന്നും വരൻ പറഞ്ഞു. വിദ്യാഭ്യാസം നേടുന്നത് ഇന്നത്തെ കാലത്ത് സമ്പത്തിനേക്കാൾ കുറവല്ലെന്നും അദ്ദേഹം കൂട്ടിച്ചേർത്തു.സ്ത്രീധന രഹിത വിവാഹമാണ് വരന്റെ വീട്ടുകാർ ആദ്യം നിർദേശിച്ചത് എന്ന് അനിതയും വ്യക്തമാക്കി. “എന്റെ മുത്തച്ഛന്റെയും…
Read Moreഅക്ഷരനഗരിക്ക് പിറന്നാൾ മധുരം; കോട്ടയത്തിന് ഇന്ന് 75-ാം പിറന്നാൾ
കോട്ടയം ജില്ലയ്ക്ക് ഇന്ന് 75-ാം പിറന്നാള്. 1949 ജൂലൈ ഒന്നിന് ജില്ല നിലവില് വരുമ്പോള് കോട്ടയം, ഇടുക്കി, പത്തനംതിട്ട പ്രദേശങ്ങള് ഉള്പ്പെട്ടിരുന്നു. ഇന്നത്തെ കോട്ടയം ജില്ലയ്ക്ക് പൗരാണികമായൊരു ചരിത്രമുണ്ട്. തിരുവിതാംകൂറിന്റെ വടക്കന് ഡിവിഷന്റെ ആസ്ഥാനം 1880ല് ചേര്ത്തലയില്നിന്ന് കോട്ടയത്തേയ്ക്ക് മാറ്റിയതും ആധുനിക കോട്ടയം പടുത്തുയര്ത്തിയതും ടി. മാധവറാവു ദിവാന് പേഷ്കാരായിരുന്ന കാലത്താണ്. ആധുനിക കോട്ടയത്തിന്റെ ശില്പിയായി അറിയപ്പെടുന്നത് ടി. മാധവറാവുവാണ്. പോലീസ് സ്റ്റേഷന്, കോടതി, പബ്ലിക് ലൈബ്രറി, ജില്ലാ ആശുപത്രി എന്നിവയുടെയൊക്കെ സ്ഥാപകന് ഇദ്ദേഹമാണ്. വൈവിധ്യങ്ങളിലും നേട്ടങ്ങളിലും തനതായൊരു ചരിത്രം കോട്ടയത്തിനുണ്ട്. ദീപിക ഉള്പ്പെടെ മുന്നിര പത്രങ്ങളുടെയും ആഴ്ചപ്പതിപ്പുകളുടെയും മാസികളുടെയും തറവാട്. കെ.ആര്. നാരായണന്, പി.കെ. വാസുദേവന് നായര്, ഉമ്മന് ചാണ്ടി, കെ.എം. മാണി, ആര്.വി. തോമസ്, പി.ടി. ചാക്കോ, എ.ജെ. ജോണ്, അക്കാമ്മ ചെറിയാന് തുടങ്ങി പ്രമുഖരുടെ നാട്. രാമപുരത്ത് വാര്യരും ഡിസി കിഴക്കേമുറിയും വൈക്കം…
Read Moreതളരാത്ത മനസുമായി ജീവിതം നെയ്തെടുക്കുന്ന 53-കാരി; ഈറ്റപ്പൊളിയിൽ തീർക്കുന്ന കുട്ടയും മുറവും കൂടയുമായി ഇമ്മിണി വല്യ സന്തോഷത്തിൽ അമ്മിണി
അന്യം നിന്നു പോകുന്ന കുലത്തൊഴിലുകളെ ഓർമപ്പെടുത്തുകയാണ് ഇടുക്കിയെ ഉപ്പുതറയിലെ കണ്ണംപടി കോവിൽവരയിൽ അമ്മിണി എന്ന വയോധിക. പ്രായമൊക്കെ വെറും സംഖ്യ മാത്രമാണെന്നാണ് അമ്മിണി അമ്മയുടെ വാദം. ഈറ്റപ്പൊളിയിൽ ജീവിതം നെയ്തെടുക്കുകയാണ് ഇവർ. കുട്ട, മുറം, പനമ്പ്, വെറ്റില ചെല്ലം, കൂട തുടങ്ങിയവ നെയ്ത് വിറ്റാണ് ഇപ്പോഴും അമ്മിണിയുടെ ജീവിതം. അച്ഛൻ വെള്ളാനും അമ്മ ചെറിയയും പഠിപ്പിച്ചുതന്ന നെയ്ത്ത് പതിനഞ്ചാം വയസിൽ അമ്മിണി സ്വന്തമായി ഏറ്റെടുത്തു. തലമുറ കൈമാറി തന്ന കരുത്തുമായാണ് അമ്മിണി വഞ്ചിവയലിൽനിന്നു വിവാഹിതയായി കണ്ണംപടിയിൽ എത്തിയത്. അപ്പോഴും നെയ്ത്ത് ജോലി കൈവിട്ടില്ല. ഭർത്താവ് രാമനും നെയ്ത്തിൽ പ്രാവീണ്യം ഉണ്ടായിരുന്നത് അമ്മിണിക്കു തുണയായി. ഒരുമിച്ചു കാട്ടിൽ പോയി ഈറ്റ വെട്ടിക്കൊണ്ടു വരും. അകവും പുറവും വേർതിരിച്ച് പൊളിച്ച ശേഷം അടുക്കളയുടെ ചേരിനു മുകളിലിട്ട് ഉണക്കും. പിന്നീട് ചീകി മിനുക്കി ഒരുമിച്ചിരുന്ന് വസ്തുക്കൾ നെയ്തെടുക്കും. ആകർഷകമായ കരകൗശല വസ്തുക്കളും…
Read More