ചാ​ല​ക്കു​ടി മോ​ഷ​ണം; മോ​ഷ​ണ​ത്തി​നു​പി​ന്നി​ൽ അ​തി​വി​ദ​ഗ്ധ സം​ഘം;  പൂട്ടുപൊളിക്കൽ സംഘത്തെക്കുറിച്ച് പോലീസ് പറ‍യുന്നതിങ്ങനെ…

ചാ​ല​ക്കു​ടി: പ​ടി​ഞ്ഞാ​റെചാ​ല​ക്കു​ടി മൂ​ഞ്ഞേ​ലി​യി​ൽ പൂ​ട്ടി​ക്കി​ട​ന്ന വീ​ട് കു​ത്തി​ത്തുറ​ന്ന് 50 പ​വ​ൻ മോ​ഷ്ടി​ച്ച സം​ഭ​വ​ത്തി​ൽ പോ​ലീ​സ് അ​ന്വേ​ഷ​ണം ഊ​ർ​ജി​ത​മാ​ക്കി. അ​ന്യ​സം​സ്ഥാ​ന മോ​ഷ്ടാ​ക്ക​ളെ കേ​ന്ദ്രീ​ക​രി​ച്ചാ​ണ് അ​ന്വേ​ഷ​ണം നീ​ങ്ങു​ന്ന​ത്. ഡി​വൈ​എ​സ്പി കെ. ​ലാ​ൽ​ജി​യു​ടെ നേ​തൃ​ത്വ​ത്തി​ൽ പ്ര​ത്യേ​ക അ​ന്വേ​ഷ​ണ സം​ഘം രൂ​പീ​ക​രി​ച്ചാ​ണ് അ​ന്വേ​ഷ​ണം.

ഏ​ത് ഉ​റ​പ്പു​ള്ള ആ​ധു​നി​ക താ​ഴും അ​തി​വി​ദ​ഗ്ധ​മാ​യി അ​റു​ത്തു​മാ​റ്റിയശേഷം പി​ന്നീ​ട് ഒ​രു സം​ശ​യ​വും തോ​ന്നാ​ത്ത രീ​തി​യി​ൽ അ​തേ​പ​ടി വ​യ്ക്കു​ന്ന അ​ന്ത​ർസം​സ്ഥാ​ന മോ​ഷ​ണ​സം​ഘ​മാ​ണ് ചാ​ല​ക്കു​ടി ക​വ​ർ​ച്ച​യ്ക്കു പി​ന്നി​ലെ​ന്നു പോ​ലീ​സ് സം​ശ​യി​ക്കു​ന്നു. അ​ടു​ത്തി​ടെ മാ​ള​യി​ൽ ന​ട​ന്ന വ​ൻക​വ​ർ​ച്ച​യു​മാ​യി ചാ​ല​ക്കു​ടി ക​വ​ർ​ച്ച​യ്ക്കു സാ​മ്യ​മു​ള്ള​തി​നാ​ൽ ര​ണ്ടി​ലും ഒ​രേ​സം​ഘ​മാ​ണ് ഉ​ൾ​പ്പെ​ട്ടി​ട്ടു​ള്ള​തെന്നും പോ​ലീ​സ് ക​രു​തു​ന്നു.

മാ​ള​യി​ലെ കവർച്ചയിൽ പ്ര​തി​ക​ളെ ഇ​തു​വ​രെ​യും പി​ടി​കൂ​ടാ​ൻ പോ​ലീ​സി​നു സാ​ധി​ച്ചി​ട്ടി​ല്ല. പ​ക​ൽസ​മ​യ​ങ്ങ​ളി​ൽ വീ​ടു​ക​ൾ നി​രീ​ക്ഷി​ക്കു​ക​യും ആ​ളി​ല്ലാ​ത്ത ത​ക്കം​നോ​ക്കി മോ​ഷ​ണം ന​ട​ത്തു​ക​യു​മാ​ണ് ഇ​വ​ർ ചെ​യ്യു​ന്ന​ത്. ആ​ധു​നി​ക സ​ജ്ജീ​ക​ര​ണ​മു​ള്ള പൂ​ട്ടു​ക​ളും വാ​തി​ലു​ക​ളും തു​റ​ക്കു​ന്ന​തി​ൽ നേ​ര​ത്തെ പ​രി​ശീ​ല​നം നേ​ടി​യ സം​ഘ​മാ​ണ് വീ​ടു​ക​ളി​ലെത്തി എ​ളു​പ്പ​ത്തി​ൽ താ​ഴ് അ​റു​ത്തു​മാ​റ്റി വീ​ടു​ക​ളി​ൽ ക​യ​റു​ന്ന​തെ​ന്നു പോ​ലീ​സ് പ​റ​യു​ന്നു.

ചാ​ല​ക്കു​ടി മോ​ഷ​ണ​ത്തി​ന്‍റെ പ​ശ്ചാ​ത്ത​ല​ത്തി​ൽ സ​മീ​പ​ത്തെ വീ​ടു​ക​ളി​ലെ സി​സി​ടി​വി കാ​മ​റദൃ​ശ്യ​ങ്ങ​ളും, മൊ​ബൈ​ൽ ട​വ​റും കേ​ന്ദ്രീ​ക​രി​ച്ച് പോ​ലീ​സ് അ​ന്വേ​ഷ​ണം തു​ട​ങ്ങി.