അ​നു​ഗ്ര​ഹം ചൊ​രി​ഞ്ഞ് കെ​ട്ടു​കാ​ഴ്ച​ക​ൾ​ക്ക് മു​മ്പിൽ എ​ഴു​ന്ന​ള്ള​ത്ത്; ചെ​ട്ടി​കു​ള​ങ്ങ​ര കും​ഭ​ഭ​ര​ണി സ​മാ​പി​ച്ചു

ചെ​ട്ടി​കു​ള​ങ്ങ​ര: ചെ​ട്ടി​കു​ള​ങ്ങ​ര ദേ​വീ ക്ഷേ​ത്ര​ത്തി​നു സ​മീ​പ​ത്തെ കാ​ഴ്ച​ക്ക​ണ്ട​ത്തി​ൽ അ​ണി​നി​ര​ന്ന 13 ക​ര​ക​ളി​ൽ നി​ന്നു​ള്ള കെ​ട്ടു​കാ​ഴ്ച​ക​ൾ​ക്ക് മു​ന്പി​ൽ ഭ​ക്തി​സാ​ന്ദ്ര​മാ​യ ചെ​ട്ടി​കു​ള​ങ്ങ​ര അ​മ്മ​യു​ടെ എ​ഴു​ന്ന​ള്ള​ത്ത് ഇ​ന്ന് പു​ല​ർ​ച്ചെ ന​ട​ന്ന​തോ​ടെ ഈ ​വ​ർ​ഷ​ത്തെ കും​ഭ ഭ​ര​ണി ഉ​ത്സ​വ​ത്തി​ന് സ​മാ​പ​ന​മാ​യി.

എ​ഴു​ന്ന​ള്ളത്ത് ദ​ർ​ശി​ക്കാ​ൻ ആ​യി​ര​ങ്ങ​ൾ ഉ​റ​ക്കം വെ​ടി​ഞ്ഞും ക്ഷേ​ത്ര സ​ന്നി​ധി​യി​ൽ കാ​ത്തി​രു​ന്നു. തീ​വെ​ട്ടി വി​ള​ക്കു​ക​ൾ, വാ​ദ്യ​മേ​ള​ങ്ങ​ൾ എ​ന്നി​വ​യു​ടെ അ​ക​ന്പ​ടി​യോ​ടെ ദേ​വി​യെ ജീ​വ​ത​യി​ലേ​റ്റി വ​ലം വ​ച്ച​ശേ​ഷം കാ​ഴ്ച​ക്ക​ണ്ട​ത്തി​ലെ​ത്തി​ച്ചു. തു​ട​ർ​ന്ന് ഓ​രോ കെ​ട്ടു​കാ​ഴ്ച​ക​ൾ​ക്ക് മു​ന്പി​ലു​മെ​ത്തി അ​മ്മ അ​നു​ഗ്ര​ഹം ചൊ​രി​ഞ്ഞ​പ്പോ​ൾ ഭ​ക്ത​രും, ക​ര​ക്കാ​രും ആ​ർ​പ്പൂ വി​ളി​ക​ളും വാ​യ് ക്കു​ര​വ​ക​ളു​മാ​യി അ​മ്മ​യെ വ​ര​വേ​റ്റു.

ഭ​ക്തി നി​ർ​ഭ​ര​മാ​യ ഈ ​ച​ട​ങ്ങു​ക​ളോ​ടെ ഈ ​വ​ർ​ഷ​ത്തെ കും​ഭ​ഭ​ര​ണി ഉ​ത്സ​വം സ​മാ​പി​ച്ചു. ദീ​പാ​രാ​ധ​ന​ക്കും എ​ഴു​ന്ന​ള്ള​ത്തി​നും മ​ധ്യേ​യു​ള്ള ഇ​ട​വേ​ള​യി​ൽ ക​ഥ​ക​ളി​യും ന​ട​ന്നു. ഇ​ന്ന​ലെ രാ​ത്രി ഏ​റെ വൈ​കി​യാ​ണ് കെ​ട്ടു​കാ​ഴ്ച​ക​ൾ ക്ഷേ​ത്ര​ത്തി​ന് സ​മീ​പ​ത്തെ കാ​ഴ്ച​ക്ക​ണ്ട​ത്തി​ൽ അ​ണി​നി​ര​ന്ന​ത്.