കൊടുങ്ങല്ലൂർ: അഴീക്കോടിന്‍റെ തീരദേശമേഖലയിൽ ഇന്നുപുലർച്ചെയുണ്ടായ ശക്തമായ ചുഴലിക്കാറ്റിൽ വീടുകൾ തകരുകയും മരങ്ങൾ കടപുഴകി വീഴുകയും വാഹനങ്ങൾക്ക് കേടുപാടുകൾ സംഭവിക്കുകയും ചെയ്തു. അഴീക്കോട് പുത്തൻപള്ളി, അഴീക്കോട് ജെട്ടി എന്നീ പ്രദേശങ്ങളിലാണ് ചുഴലിക്കാറ്റ് നാശം വിതച്ചത്.
അഴീക്കോട് വാകച്ചാൽ മാടത്തിങ്കൽ നകുലൻ, രാമൻകുളത്ത് ഹംസ, അഴീക്കോട് ജെട്ടിക്കു സമീപം പൊയ്യാറ സോമൻ എന്നിവരുടെ വീടുകളാണ് ഭാഗികമായി തകർന്നത്. മിക്കതും മരങ്ങൾ വീണാണ് വീടുകൾ നാശം സംഭവിച്ചത്. അഴീക്കോട് രാജ ഹാളും തകർന്നു. ഈരേഴത്ത് ഷിജുവിന്‍റെ ഓട്ടോടാക്സിയും മരംവീണ് തകർന്നു.
