കോ​വി​ഡി​ൽ കു​രു​ങ്ങി വീ​ണ്ടും തൃ​ശൂ​ർ; ആവശ്യമായ മുൻകരുതലുമായി ആരോഗ്യവകുപ്പ്

സ്വ​ന്തം ലേ​ഖ​ക​ൻ
തൃ​ശൂ​ർ: നീ​ണ്ട ഇ​ട​വേ​ള​യ്ക്കു ശേ​ഷം തൃ​ശൂ​രി​ൽ വീ​ണ്ടും കോ​വി​ഡ് കേ​സു​ക​ൾ സ്ഥി​രീ​ക​രി​ച്ച​തോ​ടെ ജി​ല്ല ആ​ശ​ങ്ക​യി​ൽ. വിദേശത്തുനിന്നും മറ്റു സംസ്ഥാനങ്ങളിൽനിന്നും മ​ട​ങ്ങി​യെ​ത്തു​ന്ന​വ​ർ​ക്ക് രോ​ഗ​ബാ​ധ​യു​ണ്ടാ​കാ​ൻ സാ​ധ്യ​ത​യു​ണ്ടെ​ന്ന​തി​നാ​ൽ ജി​ല്ല​യി​ൽ ആ​രോ​ഗ്യ​വ​കു​പ്പ് ആ​വ​ശ്യ​മാ​യ മു​ൻ​ക​രു​ത​ലു​ക​ൾ എ​ടു​ത്തി​ട്ടു​ണ്ട്.

തു​ട​ർ​ച്ച​യാ​യി ഏ​താ​നും ദി​വ​സം കോ​വി​ഡ് കേ​സു​ക​ളൊ​ന്നും പോ​സി​റ്റീ​വ് അ​ല്ലാ​ത്ത​തു​കൊ​ണ്ട് തൃ​ശൂ​ർ ജി​ല്ല പ​തി​യെ സാ​ധാ​ര​ണ നി​ല​യി​ലേ​ക്ക് വ​രി​ക​യാ​യി​രു​ന്നു. ആ​രോ​ഗ്യ​വ​കു​പ്പും സ​ർ​ക്കാ​രും ന​ൽ​കു​ന്ന മു​ന്ന​റി​യി​പ്പു​ക​ളും നി​ർ​ദ്ദേ​ശ​ങ്ങ​ളും വ​രെ ലം​ഘി​ക്കു​ന്ന നി​ല​യി​ലേ​ക്ക് വ​രെ കാ​ര്യ​ങ്ങ​ൾ എ​ത്തി​ത്തു​ട​ങ്ങി​യി​രു​ന്നു.

ഇ​നി കോ​വി​ഡ് പോ​സി​റ്റീ​വ് കേ​സു​ക​ൾ ഉ​ണ്ടാ​കി​ല്ലെ​ന്ന ധാ​ര​ണ​യി​ൽ റോ​ഡു​ക​ളി​ലി​റ​ങ്ങി​യും സാ​മൂ​ഹി​ക അ​ക​ലം പാ​ലി​ക്കാ​തെ​യും ജി​ല്ല​യി​ലെ വി​വി​ധ സ്ഥ​ല​ങ്ങ​ളി​ൽ ആ​ളു​ക​ൾ കോ​വി​ഡി​ന് മു​ൻ​പു​ള്ള കാ​ല​ത്തെ പോ​ലെ ആ​കാ​ൻ തു​ട​ങ്ങി​യി​രു​ന്നു.

അ​തി​നി​ടെ​യാ​ണ് ഗ​ൾ​ഫി​ൽ​നി​ന്നു തി​രി​ച്ചെ​ത്തി​യ ര​ണ്ടു​പേ​ർ​ക്ക് കോ​വി​ഡ് പോ​സി​റ്റീ​വാ​യ​ത്. ഇ​തോ​ടെ ജി​ല്ല വീ​ണ്ടും കോ​വി​ഡി​ന്‍റെ കു​രു​ക്കി​ലാ​യി. കൂ​ടു​ത​ൽ പ്ര​വാ​സി​ക​ൾ വ​രും ദി​വ​സ​ങ്ങ​ളി​ൽ ജി​ല്ല​യി​ലെ​ത്തും.

വി​ദേ​ശ​ത്തു​നി​ന്ന് എ​ത്തി​യ​വ​രെ നേ​രെ ആ​രോ​ഗ്യ വ​കു​പ്പി​ന്‍റെ മേ​ൽ​നോ​ട്ട​ത്തി​ലു​ള്ള നി​രീ​ക്ഷ​ണ​കേ​ന്ദ്ര​ത്തി​ലേ​ക്കു മാ​റ്റി​യി​രി​ക്കു​ക​യാ​ണ്. എ​ന്നാ​ൽ ഇതര സം​സ്ഥാ​ന​ങ്ങ​ളി​ൽ​നി​ന്നു വ​ന്ന​വ​രെ വീ​ടു​ക​ളി​ൽ 14 ദി​വ​സ​ത്തെ നി​രീ​ക്ഷ​ണ​ത്തി​നു വി​ട്ടി​രി​ക്കു​ക​യാ​ണ്.

സ​ർ​ക്കാ​രി​ന്‍റെ ക്വാ​റ​ന്‍റൈ​ൻ നി​ർ​ദേ​ശം പാ​ലി​ച്ചാ​ൽ വ്യാ​പ​നം ഉ​ണ്ടാ​കി​ല്ലെ​ന്ന പ്ര​തീ​ക്ഷ​യി​ലാ​ണ് അ​ധി​കൃ​ത​ർ. അ​തീ​വ ജാ​ഗ്ര​ത​യോ​ടെ​യാ​ണ് ആ​രോ​ഗ്യ​വ​കു​പ്പും പോ​ലീ​സും കാ​ര്യ​ങ്ങ​ൾ കൈ​കാ​ര്യം ചെ​യ്യു​ന്ന​ത്.

ജി​ല്ല​യി​ലു​ള്ള​വ​ർ കോ​വി​ഡ് ലോ​ക്ഡൗ​ണ്‍ നി​ബ​ന്ധ​ന​ക​ൾ ക​ർ​ശ​ന​മാ​യി പാ​ലി​ക്ക​ണ​മെ​ന്നും ഒ​രു കാ​ര​ണ​വ​ശാ​ലും മാ​സ്ക് ധ​രി​ക്കാ​തെ പു​റ​ത്തു​പോ​ക​രു​തെ​ന്നും പു​റ​ത്തു​പോ​യി വ​ന്നാ​ൽ കൈ​ക​ളും മു​ഖ​വു​മെ​ല്ലാം സോ​പ്പു​പ​യോ​ഗി​ച്ച് ക​ഴു​ക​ണ​മെ​ന്നും പൊ​തു​ഇ​ട​ങ്ങ​ളി​ൽ ശു​ചി​ത്വം പാ​ലി​ക്ക​ണ​മെ​ന്നും ആ​രോ​ഗ്യ​വ​കു​പ്പ് ആ​വ​ർ​ത്തി​ച്ച് മു​ന്ന​റി​യി​പ്പ് ന​ൽ​കു​ന്നു​ണ്ട്.