ടാ​പ്പിം​ഗ് തൊ​ഴി​ലാ​ളി വെ​ട്ടേ​റ്റു മ​രി​ച്ചു; കൊ​ല​പാ​ത​കം ഇ​ന്ന് രാ​വി​ലെ ടാ​പ്പിം​ഗി​നി​ട​യി​ൽ ; പ്രതി ബൈക്കിൽ രക്ഷപ്പെട്ടതായി നാട്ടുകാർ

തൊ​ടു​പു​ഴ: ടാ​പ്പിം​ഗ് തൊ​ഴി​ലാ​ളി റ​ബ​ർ തോ​ട്ട​ത്തി​ൽ വെ​ട്ടേ​റ്റു മ​രി​ച്ചു. വ​ണ്ണ​പ്പു​റം സ്വ​ദ​ശി​യും കാ​ളി​യാ​ർ എ​സ്റ്റേ​റ്റി​ൽ താ​മ​സ​ക്കാ​ര​നു​മാ​യ കോ​ട​ന്ത​റ​യി​ൽ സ​ദാ​ന​ന്ദ​ൻ (60) ആ​ണ് വെ​ട്ടേ​റ്റു മ​രി​ച്ച​ത്. കോ​ടി​ക്കു​ളം- നെ​യ്യ​ശേ​രി റോ​ഡി​ൽ പാ​റ​ത്ത​ട്ട​യി​ലാ​ണ് സം​ഭ​വം. സ​ദാ​ന​ന്ദ​ൻ ഇ​വി​ടെ സ്വ​കാ​ര്യ വ്യ​ക്തി​യു​ടെ റ​ബ​ർ​തോ​ട്ട​ത്തി​ൽ ടാ​പ്പിം​ഗ് ന​ട​ത്തു​ന്നു​ണ്ടാ​യി​രു​ന്നു. ഇ​ന്ന് രാ​വി​ലെ ഏ​ഴ​ര​യോ​ടെ​യാ​ണ് ജോ​ലി​ക്കി​ട​യി​ൽ സ​ദാ​ന​ന്ദ​ന് വെ​ട്ടേ​റ്റ​ത്.

ബൈ​ക്കി​ലെ​ത്തി​യ അ​ക്ര​മി വെ​ട്ടി​പ്പ​രി​ക്കേ​ൽ​പ്പി​ക്കു​ക​യാ​യി​രു​ന്നു. സ​ദാ​ന​ന്ദ​ന്‍റെ നി​ല​വി​ളി കേ​ട്ട് സ​മീ​പ​ത്തു​ണ്ടാ​യി​രു​ന്ന​വ​ർ ഓ​ടി​യെ​ത്തി​യ​പ്പോ​ഴേ​ക്കും അ​ക്ര​മി ബൈ​ക്കി​ൽ ര​ക്ഷ​പെ​ട്ടു. നാ​ട്ടു​കാ​ർ സ​ദാ​ന​ന്ദ​നെ ഉ​ട​ൻ ത​ന്നെ മു​ത​ല​ക്കോ​ട​ത്തെ സ്വ​കാ​ര്യ ആ​ശു​പ​ത്രി​യി​ലെ​ത്തി​ച്ചെ​ങ്കി​ലും മ​രി​ച്ചു.

പി​ന്നി​ൽ നി​ന്നു​ള്ള വെ​ട്ടേ​റ്റ് ക​ഴു​ത്തി​ന് ഗു​രു​ത​ര പ​രി​ക്കേ​റ്റി​രു​ന്നു. കാ​ളി​യാ​ർ എ​സ്റ്റേ​റ്റി​ൽ നി​ന്ന് പി​രി​ഞ്ഞെ​ങ്കി​ലും എ​സ്റ്റേ​റ്റ് ല​യ​ത്തി​ൽ താ​മ​സി​ക്കു​ക​യാ​യി​രു​ന്നു. കാ​ളി​യാ​ർ സി​ഐ പി.​എ.​യൂ​ന​സി​ന്‍റെ നേ​തൃ​ത്വ​ത്തി​ൽ പോ​ലീ​സ് കൊ​ല​പാ​ത​കി​ക്കാ​യി അ​ന്വേ​ഷ​ണം ആ​രം​ഭി​ച്ചു.