യുവതിയും രണ്ടു മക്കളും കുളത്തിൽ മരിച്ച നിലയിൽ; കൂ​ട്ടി​ക്കെ​ട്ടി​യ നി​ല​യിൽ‌ നാട്ടുകാരാണ് മൃതദേഹം കണ്ടത്; തേ​ക്കി​ൻ​കാ​ട് ര​തീ​ഷി​ന്‍റെ ഭാ​ര്യ പ​ദ്മാ​വ​തിയേയും മക്കളേയുമാണ് മരിച്ച നിലയിൽ കണ്ടെത്തിയത്

കൊ​ടു​വാ​യൂ​ർ: വെ​മ്പലൂ​രി​ൽ അ​മ്മ​യേ​യും ര​ണ്ടു​ പെ​ണ്‍​മ​ക്ക​ളേ​യും കു​ള​ത്തി​ൽ മ​രി​ച്ച​ നി​ല​യി​ൽ ക​ണ്ടെ​ത്തി. പൂ​ശാ​രി​മേ​ട് തേ​ക്കി​ൻ​കാ​ട് ര​തീ​ഷി​ന്‍റെ ഭാ​ര്യ പ​ദ്മാ​വ​തി (33), മ​ക്ക​ളാ​യ ശ്രീ​ല​ക്ഷ്മി (ഏ​ഴ്), ശ്രീ​ലേ​ഖ (അ​ഞ്ച്) എ​ന്നി​വ​രാ​ണ് മ​രി​ച്ച​ത്. കൂ​ട്ടി​ക്കെ​ട്ടി​യ നി​ല​യി​ൽ ഇ​ന്നു ​രാ​വി​ലെ​യാ​ണ് സ​മീ​പ​വാ​സി​ക​ൾ മൃ​ത​ദേ​ഹ​ങ്ങ​ൾ കു​ള​ത്തി​ൽ ക​ണ്ട​ത്. പു​തു​ന​ഗ​രം പോ​ലീ​സി​ൽ വി​വ​രം അ​റി​യി​ച്ച​തി​നെ തു​ട​ർ​ന്നു ഫ​യ​ർ​ഫോ​ഴ്സ് എത്തി മൃ​ത​ദേ​ഹം പുറത്തെടുക്കുകയായിരുന്നു.

ഞാ​യ​റാ​ഴ്ച പു​ല​ർ​ച്ചെ മുതൽ പ​ദ്മാ​വ​തി​യേ​യും മ​ക്ക​ളെ​യും കാണാനില്ലായിരുന്നു. ഭ​ർ​ത്താ​വ് ര​തീ​ഷ് ന​ല്കി​യ പ​രാ​തി​യി​ൽ പോ​ലീ​സ് അ​ന്വേ​ഷ​ണം ന​ട​ത്തു​ന്ന​തി​നി​ടെ​യാ​ണ് ഇ​ന്നു​ രാ​വി​ലെ മൃ​ത​ദേ​ഹം ക​ണ്ടെ​ത്തി​യ​ത്. ആ​ത്മ​ഹ​ത്യയാണെന്നാണ് പോലീസിന്‍റെ പ്രാഥമിക നിഗമനം. പോ​സ്റ്റ്​മോ​ർ​ട്ട​ത്തി​നു​ശേ​ഷ​മേ കൂടുതൽ കാര്യങ്ങൾ വ്യക്തമാകൂ എന്ന് പോലീസ് അറിയിച്ചു.

വ​ട​ക്ക​ഞ്ചേ​രി തേ​നി​ടു​ക്ക് പു​ഷ്പ​ച്ചാ​ൽ സ്വ​ദേ​ശി വേ​ലാ​യു​ധ​ൻ-ശി​ലോ​മ​ണി ദ​ന്പ​തി​ക​ളു​ടെ മകളാണ് മ​രി​ച്ച പ​ദ്മാ​വ​തി. ശനിയാഴ്ച മകളെ ഫോണിൽ വിളിച്ചപ്പോൾ ഭർത്താവ് മർദ്ദിച്ചുവെന്നും കാലിൽ മുറിവേറ്റുവെന്നും പറഞ്ഞതായി മാതാവ് ശിലോമണി പോലീസിന് മൊഴി നൽകി. പാ​ല​ക്കാ​ട് എ​സ്പി പ്ര​തീ​ഷ്കു​മാ​ർ സ്ഥ​ല​ത്തെ​ത്തി. കു​ഴ​ൽ​മ​ന്ദം സി​ഐ സി​ദ്ധി​ഖി​ന്‍റെ നേ​തൃ​ത്വ​ത്തി​ൽ അ​ന്വേ​ഷ​ണം പുരോഗമിക്കുന്നു.