ഒ​രു ദി​വ​സം നീ​ണ്ടു​നി​ന്ന തി​ര​ക്ക​ഥ​യ്ക്ക് ആ​ന്‍റി​ക്ലൈ​മാ​ക്സൊ​രു​ക്കി സംവിധായകൻ ര​ഞ്ജി​ത്ത്; ‘ക്ലൈമാക്സിൽ ട്വിസ്റ്റ്’ ര​ഞ്ജി​ത്ത് പുറത്ത്!

ബൈ​ജു ബാ​പ്പു​ട്ടി

കോ​ഴി​ക്കോ​ട്: കോ​ഴി​ക്കോ​ട്ട് ഏ​ക​ദേ​ശം സീ​റ്റ് ഉ​റ​പ്പി​ച്ച സം​വി​ധാ​യ​ക​ൻ ര​ഞ്ജി​ത്തിനു കു​രു​ക്കാ​യ​ത് രാ​ഷ്‌​ട്രീ​യ നീ​ക്ക​ങ്ങ​ളി​ൽ വ​ന്ന ട്വി​സ്റ്റ്. ഏ​താ​ണ്ട് സി​നി​മാ​ക്ക​ഥ പോ​ലെ ത​ന്നെ​യാ​യി കോ​ഴി​ക്കോ​ട് സീ​റ്റി​നെ​ക്കു​റി​ച്ചു​ള്ള ച​ർ​ച്ച​ക​ളും നീ​ക്ക​ങ്ങ​ളും.

“ഇ​ന്ത്യ​ൻ റു​പ്പി’ എ​ന്ന ര​ഞ്ജി​ത്ത് സി​നി​മ​യി​ൽ കോ​ഴി​ക്കോ​ട് ന​ഗ​ര​ത്തി​ൽ റി​യ​ൽ എ​സ്റ്റേ​റ്റ് ബി​സി​ന​സ് ന​ട​ത്തി ഒ​രു രാ​ത്രി​കൊ​ണ്ട് കോ​ടീ​ശ്വ​ര​നാ​കു​ന്ന ക​ഥാ​പാ​ത്ര​ത്തെ​യാ​ണ് പൃ​ഥ്വിരാ​ജ് അ​വ​ത​രി​പ്പി​ച്ചി​രു​ന്ന​ത്. പി​ന്നീ​ട് കാ​ര്യ​ങ്ങ​ൾ ത​കി​ടം​മ​റി​യു​ന്ന​താ​യി​രു​ന്നു ക​ഥാ​ത​ന്തു.

ഇ​തി​നു​സ​മാ​ന​മാ​യി​രു​ന്നു ക​ഴി​ഞ്ഞ ദി​വ​സം ര​ഞ്ജി​ത്തി​ന്‍റെ ജീ​വി​ത​ത്തി​ലും അ​ര​ങ്ങേ​റി​യ​ത്. ലൊ​ക്കേ​ഷ​നും കോ​ഴി​ക്കോ​ട് ത​ന്നെ.കോ​ഴി​ക്കോ​ട് നോ​ർ​ത്തി​ൽ സം​വി​ധാ​യ​ക​ൻ ര​ഞ്ജി​ത്ത് ഇ​ട​തു​മു​ന്ന​ണി സ്ഥാ​നാ​ർ​ഥി​യാ​വ​കു​മെ​ന്ന വാ​ർ​ത്ത പു​റ​ത്തു​വ​ന്ന് ഒ​രു ദി​വ​സ​ത്തി​ന​കം മ​ത്സ​രി​ക്കാ​നി​ല്ലെ​ന്ന​റി​യി​ച്ച് ര​ഞ്ജി​ത്ത്.

മ​ത്സ​രി​ക്കു​ന്നോ എ​ന്ന് പാ​ർ​ട്ടി അ​ന്വേ​ഷി​ച്ച​താ​യും പാ​ർ​ട്ടി പി​ന്തു​ണ​യു​ണ്ടെ​ങ്കി​ൽ മ​ത്സ​രി​ക്കു​മെ​ന്നും അ​റി​യി​ച്ച ര​ഞ്ജി​ത്ത് ഇ​ന്ന​ലെ നി​ല​പാ​ട് മാ​റ്റു​ക​യാ​യി​രു​ന്നു. ഇ​ട​തു​ മു​ന്ന​ണി​ക്ക് ശ​ക്ത​മാ​യ വേ​രോ​ട്ട​മു​ള്ള മ​ണ്ഡ​ല​മാ​ണ് കോ​ഴി​ക്കോ​ട് നോ​ർ​ത്ത്. ക​ഴി​ഞ്ഞ മൂ​ന്നു​ത​വ​ണ ഇ​വി​ടെ വി​ജ​യി​ച്ച​ത് സി​പി​എ​മ്മി​ലെ എ.​ പ്ര​ദീ​പ് കു​മാ​റാ​ണ്.

പ്രി​സം പ​ദ്ധ​തി​പോ​ലു​ള്ള നൂ​ത​ന ആ​ശ​യ​ങ്ങ​ൾ മ​ണ്ഡ​ല​ത്തി​ൽ ന​ട​പ്പി​ലാ​ക്കി കൈ​യ​ടി നേ​ടി​യ പ്ര​ദീ​പി​നെ മാ​റ്റി ര​ഞ്ജി​ത്തി​നെ മ​ത്സ​രി​പ്പി​ക്കു​ന്ന​തി​ൽ പാ​ർ​ട്ടി​ക്ക​ക​ത്തു​ത​ന്നെ എ​തി​ര​ഭി​പ്രാ​യ​മു​യ​ർ​ന്നി​രു​ന്നു. ഇ​തോ​ടെ സ​മ്മ​ർ​ദ​മേ​റി​യ ര​ഞ്ജി​ത്ത് സ്വ​യം പി​ന്മാ​റി​യ​താ​ണെ​ന്നാ​ണ് വി​വ​രം.

ജി​ല്ല​യി​ലെ സി​പി​എം വി​ഭാ​ഗീ​യ​ത​യാ​ണ് കോ​ഴി​ക്കോ​ട് നോ​ർ​ത്തി​ൽ ര​ഞ്ജി​ത്തി​ന്‍റെ പേ​രു​യ​ർ​ന്നുവ​രാ​ൻ ഇ​ട​യാ​യ​തെ​ന്നാ​ണ് സൂ​ച​ന. പ്ര​ദീ​പ് കു​മാ​റി​നെ ഒ​തു​ക്കാ​ൻ പാ​ർ​ട്ടി​യി​ലെ ഒ​രു വി​ഭാ​ഗം ഒ​രു​ക്കി​യ തി​ര​ക്ക​ഥ​യാ​യി​രു​ന്നു ര​ഞ്ജി​ത്തി​ന്‍റെ സ്ഥാ​നാ​ർ​ഥി​ത്വം. സ്ഥാ​നാ​ർ​ഥി ച​ർ​ച്ച​പോ​ലും തു​ട​ങ്ങു​ന്ന​തി​നു മു​ന്പാ​ണ് ര​ഞ്ജി​ത്തി​ന്‍റെ പേ​രു​യ​ർ​ന്നു​വ​ന്ന​ത്.

വാ​ർ​ത്ത നി​ഷേ​ധി​ക്കാ​തെ ര​ഞ്ജി​ത്തും മാ​ധ്യ​മ​ങ്ങ​ൾ​ക്കു​മു​ൻ​പി​ൽ പ്ര​ത്യ​ക്ഷ​പ്പെ​ട്ട​തോ​ടെ സ്ഥാ​നാ​ർ​ഥി​ത്വം ഉ​റ​പ്പി​ച്ച നി​ല​യി​ലാ​യി​രു​ന്നു നീ​ക്ക​ങ്ങ​ൾ. പി​ന്നീ​ടാ​ണ് പാ​ർ​ട്ടി​ഫോ​റ​ങ്ങ​ൾ​ക്കു പു​റ​ത്ത് രൂ​പ​പ്പെ​ട്ട കെ​ണി സി​പി​എം മ​ന​സി​ലാ​ക്കു​ന്ന​ത്.

ര​ഞ്ജി​ത്തു​മാ​യി മു​ന്നോ​ട്ടു​പോ​യാ​ൽ വി​ഭാ​ഗീ​യ​ത ക്ഷ​ണി​ച്ചു​വ​രു​ത്ത​ലാ​കും ഫ​ലം എ​ന്ന് തി​രി​ച്ച​റി​ഞ്ഞ സി​പി​എം ഇ​ന്ന​ലെ ചേ​ർ​ന്ന ജി​ല്ലാ സെ​ക്ര​ട്ടേ​റി​യ​റ്റി​ൽ അ​വ​ത​രി​പ്പി​ച്ച ആ​ദ്യ​ഘ​ട്ട സ്ഥാ​നാ​ർ​ഥി പ​ട്ടി​ക​യി​ൽ കോ​ഴി​ക്കോ​ട് നോ​ർ​ത്തി​ലേ​ക്ക് പ്ര​ദീ​പ് കു​മാ​റി​ന്‍റെ പേ​രു​മാ​ത്ര​മാ​ണ് ചേ​ർ​ത്ത​ത്.

ഒ​രു ദി​വ​സം നീ​ണ്ടു​നി​ന്ന തി​ര​ക്ക​ഥ​യ്ക്ക് ആ​ന്‍റി​ക്ലൈ​മാ​ക്സൊ​രു​ക്കി ര​ഞ്ജി​ത്തും പ്ര​ദീ​പ് കു​മാ​റാ​ണ് ഉ​ചി​തം എ​ന്ന നി​ല​പാ​ടെ​ടു​ത്തു.