മ​രി​ച്ച 14 കാ​ര​ന് എ​ങ്ങ​നെ പേ​വി​ഷ​ബാ​ധ​യേറ്റു ? ​ വാ​യി​ല്‍നി​ന്നു നു​ര​യും പ​ത​യും വന്നു, നാ​ട്ടു​കാ​ര്‍ നോ​ക്കി​നി​ല്‍​ക്കെ നായ ചത്തു; പ്ര​ദേ​ശം ഭീ​തിയില്‍ ​

ചേ​ര്‍​ത്ത​ല: പേ​വി​ഷബാ​ധ​യേ​റ്റ് 14 കാ​ര​ന്‍ മ​രി​ച്ച അ​ര്‍​ത്തു​ങ്ക​ലി​ല്‍ സ്‌​കൂ​ള്‍ വ​ള​പ്പി​ല്‍ ദു​രൂ​ഹ​സാ​ഹ​ച​ര്യ​ത്തി​ല്‍ നായ ച​ത്ത നിലയിൽ.

വാ​യി​ല്‍നി​ന്നു നു​ര​യും പ​ത​യും വ​ന്നാ​ണ് നാ​ട്ടു​കാ​ര്‍ നോ​ക്കി​നി​ല്‍​ക്കെയാണ് നായ ച​ത്ത​ത്. മ​രി​ച്ച 14 കാ​ര​ന് എ​ങ്ങ​നെ പേ​വി​ഷ​ബാ​ധ​യേ​റ്റ​തെ​ന്നു ക​ണ്ടെ​ത്താ​നാ​കാ​ത്ത സാ​ഹ​ച​ര്യ​ത്തി​ല്‍ ഈ ​സം​ഭ​വ​ത്തോ​ടെ പ്ര​ദേ​ശം ഭീ​തി​യി​ലാ​യി​രി​ക്കു​ക​യാ​ണ്.

നായയെ ആ​രെ​ങ്കി​ലും വ​ള​ര്‍​ത്തി​യി​രു​ന്ന​താ​ണോ​യെ​ന്നു ക​ണ്ടെ​ത്താ​ന്‍ ശ്ര​മം തു​ട​ങ്ങി​യി​ട്ടു​ണ്ട്. നായയു​ടെ ശ​രീ​രം പോ​സ്റ്റ്മോ​ര്‍​ട്ടം ചെ​യ്യാ​നും പ​രി​ശോ​ധ​ന​ക​ള്‍​ക്കു​മാ​യി ശ്ര​മ​ങ്ങ​ള്‍ തു​ട​ങ്ങി​യി​ട്ടു​ണ്ട്.

ക​ഴി​ഞ്ഞ 16നു ​അ​ര്‍​ത്തു​ങ്ക​ല്‍ സ്രാ​മ്പി​ക്ക​ല്‍ രാ​ജേ​ഷി​ന്‍റെ മ​ക​ന്‍ നി​ര്‍​മ​ല്‍ രാ​ജേ​ഷ് (14) പേ​വി​ഷ​ബാ​ധ​യെ തു​ട​ര്‍​ന്നു ആ​ല​പ്പു​ഴ മെ​ഡി​ക്ക​ല്‍ കോ​ള​ജി​ല്‍ ചി​കി​ത്സ​യി​ലി​രി​ക്കെ​യാ​ണ് മ​രി​ച്ച​ത്.

മ​ര​ണ​ശേ​ഷം ന​ട​ത്തി​യ പ​രി​ശോ​ധ​ന​ക​ളി​ലാ​ണ് പേ​വി​ഷ​ബാ​ധ​യെ​ന്നു ക​ണ്ടെ​ത്തി​യ​ത്. അ​തേ​സ​മ​യം വീ​ട്ടി​ല്‍ വ​ള​ര്‍​ത്തി​യി​രു​ന്ന നായയ്ക്കു പേ​വി​ഷ​ബാ​ധ​യി​ല്ലെ​ന്നും ക​ണ്ടെ​ത്തി​രു​ന്നു.

പേ​വി​ഷ​ബാ​ധ​യു​ടെ ഉ​റ​വി​ടം എ​വി​ടെ​യെ​ന്നു​ള്ള അ​ധി​കൃ​ത​രു​ടെ പ​രി​ശോ​ധ​ന​യ്ക്കി​ട​യി​ലാ​ണ് പു​തി​യ സം​ഭ​വം.

സ്കൂ​ളി​ല്‍ കി​ട​ന്നു ച​ത്ത പ​ട്ടി​ക്കു പേ​വി​ഷ​ബാ​ധ​യേ​റ്റി​ട്ടു​ണ്ടെ​ന്നാ​ണ് ല​ക്ഷ​ണ​ങ്ങ​ളി​ല്‍നി​ന്നു​ള്ള പ്രാ​ഥ​മി​ക നി​ഗ​മ​നം. ഇ​തോ​ടെ ച​ത്ത​ നായവ​ഴി മ​റ്റു മൃ​ഗ​ങ്ങ​ളി​ലേ​ക്കും ഇ​തു പ​ക​ര്‍​ന്നി​രി​ക്കാ​മെ​ന്ന​തും ജ​ന​ങ്ങ​ളി​ല്‍ ഭീ​തി പ​ട​ര്‍​ത്തി​യി​ട്ടു​ണ്ട്.