നാട്ടുകാരെ ഭീതിയിലാഴ്ത്തിയ ന​ഗ്ന​മോ​ഷ്ടാ​വ്! മോ​ഷ്ടി​ച്ച ബൈ​ക്കു​ക​ളി​ൽ ക​റ​ക്കം; സ്ത്രീ​ക​ളെ ഭ​യ​പ്പെ​ടു​ത്താ​ൻ ന​ഗ്നനായി മോ​ഷ​ണ​ത്തി​നി​റ​ങ്ങും; മോ​ഷ​ണ​ത്തി​ന് ആദ്യ ജ​യിൽ ശിക്ഷ എം​ബി​എ പ​ഠ​ന​ത്തി​നി​ടെ

നെ​യ്യാ​റ്റി​ൻ​ക​ര: നാ​ട്ടു​കാ​രെ​യാ​കെ മാ​സ​ങ്ങ​ളാ​യി ഭീ​തി​യി​ലാ​ഴ്ത്തി​യി​രു​ന്ന ന​ഗ്ന​മോ​ഷ്ടാ​വ് പി​ടി​യി​ൽ. ക​ന്യാ​കു​മാ​രി ആ​റു​ദേ​ശം എ​സ്ടി മ​ങ്കാ​ട് പു​ല്ലാ​ന്നി​വി​ള വീ​ട്ടി​ൽ എ​ഡ്വി​ൻ ജോ​സി(28) നെ​യാ​ണ് തി​രു​വ​ന​ന്ത​പു​രം റൂ​റ​ൽ എ​സ്പി യു​ടെ ഷാ​ഡോ ടീ​മും നെ​യ്യാ​റ്റി​ൻ​ക​ര സ​ബ് ഡി​വി​ഷ​നി​ലെ പോ​ലീ​സ് ഉ​ദ്യോ​ഗ​സ്ഥ​രും ചേ​ർ​ന്ന് ന​ട​ത്തി​യ ഉൗ​ർ​ജി​ത​മാ​യ അ​ന്വേ​ഷ​ണ​ത്തി​ൽ അ​റ​സ്റ്റ് ചെ​യ്ത​ത്.

മോ​ഷ്ടി​ച്ച ബൈ​ക്കു​ക​ളി​ലെ​ത്തു​ന്ന പ്ര​തി പൂ​ർ​ണ​ന​ഗ്ന​നാ​യാ​ണ് മോ​ഷ​ണ​കൃ​ത്യം ന​ട​ത്തു​ന്ന​തെ​ന്ന് പോ​ലീ​സ് പ​റ​ഞ്ഞു. അ​ടി​വ​സ്ത്രം ത​ല​യി​ൽ മൂ​ടി വ​രു​ന്ന​തും ഇ​യാ​ളു​ടെ രീ​തി​യാ​ണ്. സാ​ധാ​ര​ണ​ക്കാ​രു​ടെ വീ​ടു​ക​ളി​ലാ​ണ് കൂ​ടു​ത​ലും മോ​ഷ​ണം ന​ട​ത്തി​യി​ട്ടു​ള്ള​ത്. പി​ൻ​വാ​തി​ൽ തു​റ​ന്ന് അ​ക​ത്തു​ക​യ​റു​ന്ന ഇ​യാ​ൾ വീ​ട്ടു​കാ​രു​ടെ ക​ഴു​ത്തി​ലെ മാ​ല​ക​ൾ അ​തി​വി​ദ​ഗ്ധ​മാ​യി വ​യ​ർ​ക​ട്ട​ർ ഉ​പ​യോ​ഗി​ച്ച് മു​റി​ച്ചെ​ടു​ക്കും.

പ​ല​യി​ട​ത്തും വീ​ട്ടു​കാ​ർ ഉ​ണ​ർ​ന്ന് മോ​ഷ്ടാ​വി​നെ പി​ടി​ക്കാ​ൻ ശ്ര​മി​ച്ചി​ട്ടു​ണ്ടെ​ങ്കി​ലും നി​രാ​ശ​യാ​യി​രു​ന്നു ഫ​ലം. മോ​ഷ്ടി​ക്കു​ന്ന ബൈ​ക്കു​ക​ളും മൊ​ബൈ​ലു​ക​ളു​മാ​ണ് ഇ​യാ​ൾ ഉ​പ​യോ​ഗി​ക്കു​ക. പി​ടി​ക്ക​പ്പെ​ടു​മെ​ന്ന് ഉ​റ​പ്പാ​യാ​ൽ ഇ​വ​യും ഉ​പേ​ക്ഷി​ക്കും.

തി​രു​വ​ന​ന്ത​പു​രം റൂ​റ​ൽ ജി​ല്ലാ പോ​ലീ​സ് മേ​ധാ​വി അ​ശോ​ക് കു​മാ​റി​ന്‍റെ നി​ർ​ദേ​ശ​പ്ര​കാ​രം നെ​യ്യാ​റ്റി​ൻ​ക​ര ഡി​വൈ​എ​സ്പി ബി. ​ഹ​രി​കു​മാ​ർ, ഷാ​ഡോ ടീം ​ചു​മ​ത​ല​യു​ള്ള ജി​ല്ലാ ക്രൈം​ബ്രാ​ഞ്ച് ഡി​വൈ​എ​സ്പി അ​ശോ​ക​ൻ, സി​ഐ​മാ​രാ​യ ബി​നു, അ​ജി​ത്കു​മാ​ർ, പ്ര​ദീ​പ്കു​മാ​ർ, എ​സ്ഐ​മാ​രാ​യ വി​ജ​യ​കു​മാ​ർ, പ്ര​സാ​ദ്, വി​നീ​ഷ്, മൃ​ദു​ൽ​കു​മാ​ർ, സ​തീ​ഷ്കു​മാ​ർ, ശ്രീ​കു​മാ​ർ എ​ന്നി​വ​രു​ടെ നേ​തൃ​ത്വ​ത്തി​ൽ ഷാ​ഡോ ടീം ​എ​സ്ഐ സി​ജു കെ.​എ​ൽ നാ​യ​ർ, ടീം ​അം​ഗ​ങ്ങ​ളാ​യ പോ​ൾ​വി​ൻ, പ്ര​വീ​ണ്‍ ആ​ന​ന്ദ്, അ​ജി​ത്, സു​നി​ലാ​ൽ എ​ന്നി​വ​രാ​ണ് പ്ര​തി​യെ പി​ടി​കൂ​ടി​യ​ത്.

എം​ബി​എ പ​ഠ​ന​ത്തി​നി​ടെ മോ​ഷ​ണ​ത്തി​ന് ജ​യിൽ ശിക്ഷ

നെ​യ്യാ​റ്റി​ൻ​ക​ര: ത​മി​ഴ്നാ​ട്ടി​ൽ തി​രു​വ​ട്ടാ​റി​ലെ സ്വ​കാ​ര്യ കോ​ള​ജി​ൽ എം​ബി​എ​യ്ക്ക് പ​ഠി​ക്കു​ന്ന​തി​നി​ട​യി​ലാ​ണ് മോ​ഷ​ണ​ക്കു​റ്റ​ത്തി​ന് എ​ഡ്വി​ൻ ജോ​സ് ആ​ദ്യം ജ​യി​ലി​ലാ​യ​ത്. ജ​യി​ൽ ശി​ക്ഷ ക​ഴി​ഞ്ഞ് വി​ദേ​ശ​ത്തേ​യ്ക്ക് ക​ട​ന്നു. തി​രി​കെ​യെ​ത്തി പാ​റ​ശാ​ല​യി​ലെ സ്വ​കാ​ര്യ കോ​ള​ജി​ൽ നി​യ​മ​പ​ഠ​ന​ത്തി​ന് പ്ര​വേ​ശ​നം നേ​ടി. പ​ഠ​നം തു​ട​രു​ന്പോ​ഴും രാ​ത്രി​കാ​ല​ങ്ങ​ളി​ൽ മോ​ഷ​ണം ഉ​ഷാ​റാ​യി തു​ട​ർ​ന്നു.

തെ​ക്ക​ൻ കേ​ര​ള​ത്തി​ൽ മാ​ത്ര​മ​ല്ല എ​ഡ്വി​ൻ മോ​ഷ​ണം ന​ട​ത്തി​യി​ട്ടു​ള്ള​ത്. ക​ന്യാ​കു​മാ​രി ജി​ല്ല​യി​ലെ ക​ളി​യി​ക്കാ​വി​ള, നി​ദ്ര​വി​ള, കൊ​ല്ലം​കോ​ട്, ക​രും​ക​ൽ, പു​തു​ക്ക​ട പോ​ലീ​സ് സ്റ്റേ​ഷ​നു​ക​ളി​ലും ഇ​യാ​ൾ​ക്കെ​തി​രെ കേ​സു​ക​ളു​ണ്ട്. നെ​യ്യാ​റ്റി​ൻ​ക​ര താ​ലൂ​ക്കി​ലെ സം​സ്ഥാ​ന അ​തി​ർ​ത്തി ഗ്രാ​മ​ങ്ങ​ളി​ൽ നാ​ട്ടു​കാ​രും പോ​ലീ​സും പ​ല രാ​ത്രി​ക​ളി​ലും ഉ​റ​ക്ക​മൊ​ഴി​ഞ്ഞ് കാ​ത്തി​രു​ന്നി​ട്ടു​ണ്ട്.

ഇ​യാ​ൾ ഉ​പേ​ക്ഷി​ച്ചു പോ​കു​ന്ന ബൈ​ക്കു​ക​ളും മൊ​ബൈ​ലു​ക​ളു​മെ​ല്ലാം മോ​ഷ്ടി​ക്ക​പ്പെ​ട്ട​വ​യാ​യ​തി​നാ​ൽ ഒ​രി​ക്ക​ലും ക​ള്ള​നെ തി​രി​ച്ച​റി​യു​ന്ന​തി​നു​ള്ള അ​ട​യാ​ള​ങ്ങ​ളും ല​ഭി​ച്ചി​ല്ല. നെ​ടി​യാം​കോ​ട് ഭാ​ഗ​ത്ത് ഒ​രു വീ​ട്ടി​ൽ ന​ഗ്ന​മോ​ഷ്ടാ​വി​ന്‍റെ ചി​ത്രം ര​ഹ​സ്യ കാ​മ​റ​യി​ൽ പ​തി​ഞ്ഞു. പ​ക്ഷെ, ത​മി​ഴ്നാ​ട്ടു​കാ​ര​നാ​യ പ്ര​തി​യെ തി​രി​ച്ച​റി​നാ​യി​ല്ല.

പ​ഠ​നാ​വ​ശ്യ​ത്തി​നാ​യി മു​ണ്ട​പ്ലാ​വി​ള ജം​ഗ്ഷ​നി​ൽ വാ​ട​ക​യ്ക്കാ​ണ് എ​ഡ്വി​ന്‍റെ താ​മ​സം. രാ​ത്രി​യി​ൽ സ്ഥി​ര​മാ​യി പു​റത്തു പോ​കും. പു​ല​ർ​ച്ചെ മാ​ത്ര​മേ മ​ട​ങ്ങി​യെ​ത്താ​റു​ള്ളൂ. അ​വ​ധി ദി​വ​സ​ങ്ങ​ളി​ൽ ടൈ​ൽ​സി​ന്‍റെ​യും മാ​ർ​ബി​ളി​ന്‍റെ​യും പ​ണി​ക്ക് പോ​കും.

ഇ​ത്ത​ര​ത്തി​ൽ ജോ​ലി ചെ​യ്തി​രു​ന്ന​തി​ന്‍റെ അ​ടു​ത്ത വീ​ടു​ക​ളി​ലാ​ണ് മോ​ഷ​ണം ന​ട​ത്തി​യി​ട്ടു​ള്ള​തെ​ന്നും അ​ന്വേ​ഷ​ണ​ത്തി​ൽ തെ​ളി​ഞ്ഞു. ഒ​റ്റ​യ്ക്കാ​ണ് മോ​ഷ​ണ​ത്തി​നു പോ​വു​ക. മോ​ഷ​ണ​ത്തി​നി​ട​യി​ൽ സ്ത്രീ​ക​ൾ ഉ​ണ​ർ​ന്നാ​ൽ പേ​ടി​ക്ക​ട്ടെ എ​ന്നു ക​രു​തി​യാ​ണ് ന​ഗ്ന​സ​ഞ്ചാ​ര​മെ​ന്നും ഇ​യാ​ൾ പ​റ​ഞ്ഞ​താ​യി പോ​ലീ​സ് അ​റി​യി​ച്ചു.

ത​മി​ഴ്നാ​ട്ടി​ലെ ജ​യി​ലി​ൽ നി​ന്നി​റ​ങ്ങി​യ ശേ​ഷം ഇ​ക്ക​ഴി​ഞ്ഞ ജ​നു​വ​രി മു​ത​ലാ​ണ് മോ​ഷ​ണ​ത്തി​ൽ വീ​ണ്ടും സ​ജീ​വ​മാ​യ​ത്. കു​ന്ന​ത്തു​കാ​ൽ, മാ​ണി​നാ​ട് പ്ര​ദേ​ശ​ങ്ങ​ളി​ൽ രാ​ത്രി​യി​ൽ ന​ഗ്ന​മോ​ഷ്ടാ​വി​നെ നാ​ട്ടു​കാ​ർ ക​ണ്ടെ​ങ്കി​ലും മോ​ഷ​ണ​ങ്ങ​ൾ ന​ട​ക്കാ​ഞ്ഞ​തി​നാ​ൽ ആ​രും പോ​ലീ​സി​ൽ പ​രാ​തി​പ്പെ​ട്ടി​ല്ല.

അ​തേ സ​മ​യം നെ​ടി​യാം​കോ​ട്, മൊ​ട്ട​ക്കാ​വ് എ​ന്നി​വി​ട​ങ്ങ​ളി​ൽ മോ​ഷ​ണ​ത്തി​നി​ടെ നാ​ട്ടു​കാ​ർ ഓ​ടി​ച്ച സം​ഭ​വ​വു​മു​ണ്ടാ​യി. നെ​ടി​യാം​കോ​ട് ചാ​ന​ൽ​ക്ക​ര​യി​ൽ ബു​ള്ള​റ്റ് മോ​ഷ്ടി​ച്ച​പ്പോ​ഴാ​ണ് പു​റം​ലോ​കം ഇ​യാ​ളെ​ക്കു​റി​ച്ച് ആ​ദ്യ​മാ​യി അ​റി​യി​നി​ട​യാ​ക്കി​യ​ത്.

കു​ന്ന​ത്തു​കാ​ൽ വ​ണ്ടി​ത്ത​ട​ത്തി​ൽ മാ​ല പൊ​ട്ടി​ച്ചെ​ടു​ക്കാ​നു​ള്ള ശ്ര​മ​ത്തി​നി​ട​യി​ൽ പെ​ണ്‍​കു​ട്ടി ഉ​ണ​ർ​ന്ന് നി​ല​വി​ളി​ച്ച​പ്പോ​ൾ ഇ​യാ​ൾ ഓ​ടി​ര​ക്ഷ​പ്പെ​ട്ടു. അ​ടു​ത്ത​ദി​വ​സം കോ​ട്ടു​കോ​ണ​ത്തെ മൂ​ന്നു വീ​ടു​ക​ളി​ൽ​നി​ന്നാ​യി മൊ​ബൈ​ൽ ഫോ​ണും പ​ണ​വും മാ​ല​യും മോ​ഷ്ടി​ച്ചു.

കാ​ര​ക്കോ​ണ​ത്തി​നു സ​മീ​പം പ്ലാ​ങ്കു​ളം, ഉ​ച്ച​ക്ക​ട​യ്ക്ക് സ​മീ​പം വെ​ണ്‍​കു​ളം എ​ന്നി​വി​ട​ങ്ങ​ളി​ൽ ഗൃ​ഹ​നാ​ഥ​ന്മാ​രെ ആ​ക്ര​മി​ക്കാ​ൻ ശ്ര​മി​ച്ച​തോ​ടെ നാ​ട്ടു​കാ​ർ കൂ​ടു​ത​ൽ ഭീ​തി​യി​ലാ​യി. മ​ത്തം​പാ​ല​യി​ൽ സ്വ​കാ​ര്യ ധ​ന​കാ​ര്യ സ്ഥാ​പ​ന​ത്തി​ലെ ജീ​വ​ന​ക്കാ​ര​ന്‍റെ വീ​ട്ടി​ൽ ക​യ​റി​യ എ​ഡ്വി​ൻ സ്ഥാ​പ​ന​ത്തി​ന്‍റെ താ​ക്കോ​ലു​മാ​യി ക​ട​ന്നു. സ്ഥാ​പ​ന​ത്തി​ൽ ക​യ​റി​യെ​ങ്കി​ലും അ​പാ​യ​മ​ണി മു​ഴ​ങ്ങി​യ​തി​നാ​ൽ ഉ​ദ്യ​മം ഫ​ലി​ച്ചി​ല്ല.