മിടുമിടുക്കൻ സോമൻ… ഗി​ന്ന​സ് റി​ക്കാ​ർ​ഡി​ൽ ലോ​ക ഗ​ജ​രാ​ജ​നാ​വാനുള്ള ഒ​രു​ക്ക​ത്തി​ൽ “ആ​ന​മു​ത്ത​ച്ഛ​ൻ’ സോ​മ​ൻ

കാ​ട്ടാ​ക്ക​ട: ഗി​ന്ന​സ് റി​ക്കാ​ർ​ഡി​ൽ ലോ​ക ഗ​ജ​രാ​ജ പ​ട്ടം നേ​ടാ​ൻ “ആ​ന മു​ത്ത​ച്ഛ​ൻ’ സോ​മ​ൻ കാ​ത്തി​രി​ക്കു​ന്നു. കോ​ട്ടൂ​ർ കാ​പ്പു​കാ​ട് ആ​ന പു​ന​ര​ധി​വാ​സ കേ​ന്ദ്ര​ത്തി​ലെ സോ​മ​ൻ എ​ന്ന കൊ​മ്പ​നാ​ന​യാ​ണ് രാജ്യത്ത് ഇ​പ്പോ​ൾ ജീ​വി​ച്ചി​രി​ക്കു​ന്ന ഏ​റ്റ​വും പ്രാ​യം​കൂ​ടി​യ ആ​ന എ​ന്ന റി​ക്കാ​ർ​ഡ് സ്വ​ന്ത​മാ​ക്കാ​നി​രി​ക്കു​ന്ന​ത്.

കൊ​ല​കൊ​മ്പ​ൻ​മാ​രെ​പ്പോ​ലും ച​ട്ടം​പ​ഠി​പ്പി​ക്കു​ന്ന​തി​ന് പ​രി​ശീ​ല​നം ല​ഭി​ച്ച താ​പ്പാ​ന​യാ​ണ് എ​ൺ​പ​തു ക​ഴി​ഞ്ഞ സോ​മ​ൻ. ഇന്ത്യയിൽ ഇ​ന്ന് ജീ​വി​ച്ചി​രി​ക്കു​ന്ന ഏ​റ്റ​വും പ്രാ​യം​കൂ​ടി​യ ആ​ന സോ​മ​നാ​ണെ​ന്നാ​ണ് ക​ണ​ക്കാ​ക്കു​ന്ന​ത്.

ഇ​ത് പ​രി​ഗ​ണി​ച്ചാ​ണ് ഗി​ന്ന​സ് റി​ക്കാ​ർ​ഡി​ൽ​ഇ​ടം നേ​ടാ​നു​ള്ള പ​രി​ശോ​ധ​ന​ക​ൾ ന​ട​ക്കു​ന്ന​ത്. പ​രി​ശോ​ധ​ന​ക​ളി​ൽ അ​നു​കൂ​ലതീ​രു​മാ​ന​മു​ണ്ടാ​യാ​ൽ സോ​മ​ൻ ലോ​ക​ഗ​ജ​രാ​ജ പ​ട്ട​ത്തി​നു​ട​മ​യാ​വു​മെ​ന്ന് വ​ന​ം​വ​കു​പ്പ് അ​ധി​കൃ​ത​ർ പ​റ​യു​ന്നു.

ദേ​വ​സ്വം ബോ​ർ​ഡി​ന്‍റെ ഉ​ട​മ​സ്ഥ​ത​യി​ൽ 82 വ​യ​സു​ണ്ടാ​യി​രു​ന്ന ദാ​ക്ഷാ​യ​ണി​യെ​യാ​ണ് ഏ​റ്റ​വും പ്രാ​യ​മു​ള്ള ആ​ന​യാ​യി ക​ണ​ക്കാ​ക്കി​യി​രു​ന്ന​ത്.

പ​ണ​ച്ചെ​ല​വു കാ​ര​ണം ദാ​ക്ഷാ​യ​ണി​ക്കാ​യി ഗി​ന്ന​സ് അ​വ​കാ​ശം ഉ​ന്ന​യി​ക്കാ​ൻ ദേ​വ​സ്വം ബോ​ർ​ഡ് ത​യാ​റാ​യി​ല്ല. ദാ​ക്ഷാ​യ​ണി ച​രി​ഞ്ഞ​തി​നെ തു​ട​ർ​ന്നാ​ണ് സോ​മ​നെ ഗി​ന്ന​സ് ബു​ക്കി​ൽ ഉ​ൾ​പ്പെ​ടു​ത്തു​ന്ന​തി​നാ​യി ഫോ​റ​സ്റ്റ് ഡെ​വ​ല​പ്മെ​ന്‍റ് ഏ​ജ​ൻ​സി തീ​രു​മാ​നി​ച്ച​ത്.

ഇ​തി​നാ​യി വ​ലി​യ തു​ക വേ​ണ്ടി​വ​രു​മെ​ന്ന് അ​സി​സ്റ്റ​ന്‍റ് വൈ​ൽ​ഡ് ലൈ​ഫ് വാ​ർ​ഡ​ൻ പ​റ​ഞ്ഞു. നി​ല​വി​ൽ ഏ​ഷ്യ​ൻ, ആ​ഫ്രി​ക്ക​ൻ ആ​ന​ക​ളി​ൽ ഏ​റ്റ​വും പ്രാ​യ​മു​ള്ള​ത് സോ​മ​നാ​ണ്.

ഇ​ട​ഞ്ഞ ആ​ന​യെ അ​നു​സ​രി​പ്പി​ക്കാ​ൻ അ​സാ​മാ​ന്യ വ​ഴ​ക്ക​വും ക​രു​ത്തു​മു​ള്ള സോ​മ​നെ കോ​ന്നി ആ​ന​ക്കൊ​ട്ടി​ലി​ൽ നി​ന്നാ​ണ് കാ​പ്പു​കാ​ട് എ​ത്തി​ച്ച​ത്.