എരുമേലി പോലീസ് സ്റ്റേഷനിലെത്തിയാൽ വീട്ടിൽ കയറിയപോലെ; പോ​ലീ​സും ജ​ന​ങ്ങ​ളും ത​മ്മി​ൽ ഉൗ​ഷ്മ​ള ബ​ന്ധം സൃ​ഷ്ടി​ക്കു​കയാണ് ഇതിലൂടെ ശ്രമിക്കുന്നതെന്ന് പോലീസ്

​എ​രു​മേ​ലി: എ​രു​മേ​ലി പോ​ലീ​സ് സ്റ്റേ​ഷ​നി​ലെ​ത്തി​യാ​ൽ വീ​ട്ടി​ൽ ചെ​ന്ന് ക​യ​റു​ന്ന​തുപോ​ലെ ഇ​നി തോ​ന്നും. തറവാട് വീടിന്‍റെ പ്രൗ​ഢിയി​ൽ അ​ണി​ഞ്ഞൊ​രു​ങ്ങി​ക്കൊ​ണ്ടി​രി​ക്കു​ക​യാ​ണ് എ​രു​മേ​ലി പോ​ലീ​സ് സ്റ്റേ​ഷ​ൻ.പോ​ലീ​സും ജ​ന​ങ്ങ​ളും ത​മ്മി​ൽ ഉൗ​ഷ്മ​ള ബ​ന്ധം സൃ​ഷ്ടി​ക്കു​ക കൂ​ടി​യാ​ണ് പു​തി​യ രൂ​പ​മാ​റ്റ​ത്തി​ന് പി​ന്നി​ൽ. 25 ല​ക്ഷ​ത്തി​ൽ പ​രം രൂ​പ ചെ​ല​വി​ട്ടാ​ണ് ഗൃ​ഹാ​ന്ത​രീ​ഷം തു​ളു​ന്പു​ന്ന നി​ർ​മാ​ണം.

പോ​ലീ​സ് സ്റ്റേ​ഷ​നി​ലേ​ക്ക് റോ​ഡി​ൽ നി​ന്നും പ്ര​വേ​ശി​ക്കു​ന്ന ഭാ​ഗ​ത്ത് ത​റ​വാ​ട്ടി​ലേ​ക്ക് പ്ര​വേ​ശി​ക്കു​ന്ന പ്ര​തീ​തി നി​റ​യ്ക്കു​ന്ന ക​വാ​ടം ആ​ണ് നി​ർ​മി​ച്ചു​കൊ​ണ്ടി​രി​ക്കു​ന്ന​ത്. സ്റ്റേ​ഷ​ന്‍റെ മു​ന്നി​ൽ വീ​ടി​ന്‍റെ പൂ​മു​ഖം പോ​ലെ തോ​ന്നി​പ്പി​ക്കു​ന്ന ചാ​വ​ടി​യു​ടെ​യും ഇ​ളം തി​ണ്ണ​യു​ടെ​യും നി​ർ​മാ​ണം പൂ​ർ​ത്തി​യാ​കാ​റാ​യി. വ​യോ​ധി​ക​ർ​ക്കും ഭി​ന്ന​ശേ​ഷി​ക്കാ​ർ​ക്കും അം​ഗ​പ​രി​മി​ത​ർ​ക്കും ക്ലേ​ശ​മി​ല്ലാ​തെ പ്ര​വേ​ശി​ക്കാ​ൻ റാ​ന്പും നി​ർ​മി​ച്ചു​കൊ​ണ്ടി​രി​ക്കു​ന്നു.

സി​ഐ, എ​സ്ഐ, എ​ന്നി​വ​രു​ടെ ഉ​ൾ​പ്പ​ടെ എ​ല്ലാ മു​റി​ക​ളും മോ​ടി​പി​ടി​പ്പി​ച്ചു​കൊ​ണ്ടി​രി​ക്കു​ന്നു. പോ​ലീ​സു​കാ​ർ​ക്കും ജ​ന​ങ്ങ​ൾ​ക്കും പ്ര​തി​ക​ൾ​ക്കും ആ​ധു​നി​ക ശൗ​ചാ​ല​യ​ങ്ങ​ളും പൂ​ർ​ത്തി​യാ​കാ​റാ​യി. പ​ഴ​ക്കം ചെ​ന്ന കെ​ട്ടി​ട ഭാ​ഗ​ങ്ങ​ളും പൊ​ട്ടി​പ്പൊ​ളി​ഞ്ഞ ഭാ​ഗ​ങ്ങ​ളും പൊ​ളി​ച്ചു പു​ന​ർ നി​ർ​മി​ച്ചു തു​ട​ങ്ങി. മ​ഴ ന​ന​യാ​തെ പ​രേ​ഡ് ന​ട​ത്താ​വു​ന്ന വി​ശാ​ല​മാ​യ മു​റ്റ​വും നി​ർ​മി​ക്കു​ന്നു​ണ്ട്. മു​റ്റ​ത്ത് ടൈ​ലു​ക​ൾ പാ​കി മ​നോ​ഹ​ര​മാ​ക്കി​യി​ട്ടു​ണ്ട്. പെ​യി​ന്‍റിം​ഗ് ജോ​ലി​ക​ളും പൂ​ർ​ത്തി​യാ​കാ​റാ​യി.

പ​ഴ​ക്ക​മേ​റി​യ ഇ​ല​ക്ട്രി​ക് വ​യ​റിം​ഗു​ക​ൾ നീ​ക്കി പു​തി​യ​ത് സ്ഥാ​പി​ച്ചു​കൊ​ണ്ടി​രി​ക്കു​ന്നു. ലോ​ക്ക് അ​പ് മു​റി​ക​ൾ​ക്ക് ഇ​ടു​ങ്ങി​യ സ്ഥ​ല​പ​രി​മി​തി​യി​ൽ നി​ന്നും മോ​ച​നം ന​ൽ​കി. ക​ംപ്യൂട്ട​ർ റൂം ​ശീ​തീ​ക​രി​ക്കു​ന്നു​മു​ണ്ട്. ശ​ബ​രി​മ​ല തീ​ർ​ഥാ​ട​ന കാ​ല​ത്തി​ന് മു​ന്പ് നി​ർ​മാ​ണം പൂ​ർ​ത്തി​യാ​കു​ന്ന​തോ​ടെ കെ​ട്ടി​ലും മ​ട്ടി​ലും എ​രു​മേ​ലി സ്റ്റേ​ഷ​ൻ സം​സ്ഥാ​ന​ത്തെ പോ​ലീ​സ് സ്റ്റേ​ഷ​നു​ക​ളി​ൽ ഏ​റെ വ്യ​ത്യ​സ്ത​മാ​കു​മെ​ന്നാ​ണ് ക​രു​തു​ന്ന​ത്.