Set us Home Page

ഗംഭീരമായി കല്യാണഷോപ്പിംഗ് നടത്തി വീട്ടില്‍ തിരിച്ചെത്തിയപ്പോള്‍ എന്തോ മറന്നതു പോലെ ഒരു തോന്നല്‍ ! അഞ്ചു വയസ്സുകാരി വടകരയിലെ ഷോപ്പിംഗ് മാളില്‍ പെട്ടുപോയതിങ്ങനെ

കല്യാണഷോപ്പിംഗ് ആഘോഷമാക്കി കുടുംബം വീട്ടില്‍ തിരികെയെത്തിയത് അഞ്ചു വയസുള്ള പെണ്‍കുട്ടിയെ മാളില്‍ മറന്ന്. വടകര സ്വദേശിയായ കുട്ടിയെയാണ് മാളില്‍ മറനന്ന് കുടുബം വീട്ടിലേക്ക് പോയത്. കോഴിക്കോട്ടെ ഹൈലറ്റ് മാലില്‍ ശനിയാഴ്ചയാണ് സംഭവം. ബന്ധുവിന്റെ കല്യാണത്തിന് വസ്ത്രങ്ങള്‍ എടുക്കാനെത്തിയ കുടുംബമാണ് അഞ്ചു വയസുകാരിയെ മാളില്‍ മറന്നത്.

എട്ട് കുട്ടികളായിരുന്നു വിവാഹ വസ്ത്രം എടുക്കാനെത്തിയ സംഘത്തിലുണ്ടായിരുന്നത്. വീട്ടിലെത്തിയപ്പോഴാണ് ഇവര്‍ കുട്ടി കൂടയില്ലായെന്ന് അറിയുന്നത് പൊലീസ് വിളിക്കുമ്പോളാണ്. കുട്ടിയുടെ പിതാവ് വിദേശത്തായതിനാല്‍ സഹോദരിയുടെ കൂടെയാണ് ഷോപ്പിംഗ് മാളിലെത്തിയത്. രാത്രി 11ന് മാള്‍ അടയ്ക്കുമ്പോള്‍ സുരക്ഷ ജീവനക്കാരാണ് കുട്ടിയെ കണ്ടത്. ഉടന്‍ തന്നെ ഇവര്‍ വനിത ഹെല്‍പ് ലൈനില്‍ വിവരമറിയിച്ചു. പൊലീസെത്തി വിവരം അന്വേഷിച്ചപ്പോള്‍ കുട്ടിക്ക് സ്‌കൂളിന്റെ പേരുമാത്രമേ അറിയുകയുണ്ടായിരുന്നുള്ളൂ.

ഇതേതുടര്‍ന്ന് കുറ്റ്യാടി എസ്.ഐ. സ്‌കൂളിലെ അധ്യാപകര്‍ വഴി കുട്ടിയുടെ പിതാവിന്റെ സഹോദരന്റെ ഫോണ്‍നമ്പര്‍ സംഘടിപ്പിച്ചു. പോലീസ് കുട്ടിയുടെ പിതാവിന്റെ സഹോദരനുമായി ഫോണില്‍ സംസാരിക്കുമ്പോഴാണ് ഷോപ്പിംഗ് കഴിഞ്ഞ് സംഘം വീട്ടില്‍ തിരിച്ചെത്തിയത്. തുടര്‍ന്നാണ് കുട്ടി കാറില്‍ ഇല്ലാത്തവിവരം ഇവര്‍ അറിയുന്നത്. രാത്രി രണ്ടുമണിയോടെ ഉമ്മയും ബന്ധുക്കളുമെത്തി വനിതാ സ്റ്റേഷനില്‍നിന്ന് കുട്ടിയെ കൂട്ടിക്കൊണ്ടുപോയി.

രാഷ്ട്രദീപിക വാര്‍ത്തകള്‍ ഫേസ്ബുക്കില്‍ പിന്തുടരാന്‍ ഞങ്ങളുടെ പേജ് ലൈക്ക് ചെയ്യൂ...

https://www.facebook.com/RashtraDeepika/

LATEST NEWS