കെ​ട്ടി​ട​ങ്ങ​ളി​ലെ തീ​പി​ടു​ത്തം വ്യാപകമാകുന്നു;  സുരക്ഷാ പരിശോധനകൾ കർശനമാക്കി ഫയർഫോഴ്സ്

കു​ന്നം​കു​ളം: പ​ട്ട​ണ​ത്തി​ൽ നി​ല​നി​ൽ​ക്കു​ന്ന കെ​ട്ടി​ട​ങ്ങ​ളി​ൽ സു​ര​ക്ഷ​യു​ടെ ഭാ​ഗ​മാ​യി ഫ​യ​ർ​ഫോ​ഴ്സ് വി​ഭാ​ഗം പ​രി​ശോ​ധ​ന​ക​ൾ ആ​രം​ഭി​ച്ചു. കെ​ട്ടി​ട​ങ്ങ​ളി​ലെ സു​ര​ക്ഷാ​ക്ര​മീ​ക​ര​ണ​ങ്ങ​ളു​ടെ ഭാ​ഗ​മാ​യാ​ണ് കു​ന്നം​കു​ളം അ​ഗ്നിര​ക്ഷാ സേ​ന അം​ഗ​ങ്ങ​ൾ പ​രി​ശോ​ധ​ന​ക​ൾ ആ​രം​ഭി​ച്ചി​ട്ടു​ള്ള​ത്. സം​സ്ഥാ​ന​ത്തെ ദു​ര​ന്ത​നി​വാ​ര​ണ നി​യ​മ​പ്ര​കാ​രം എ​ല്ലാ കെ​ട്ടി​ട​ങ്ങ​ളെ​യും നി​യ​മ​ത്തി​ന് പ​രി​ധി​യി​ൽ ഉ​ൾ​പ്പെ​ടു​ത്തി​യി​ട്ടു​ണ്ട്.

ന​ഗ​ര​ങ്ങ​ളി​ൽ 16 മീ​റ്റ​റി​ൽ കൂ​ടു​ത​ൽ ഉ​യ​ര​മു​ള്ള കെ​ട്ടി​ട​ങ്ങ​ളി​ലാ​ണ് അ​ഗ്നി​ര​ക്ഷാ സം​വി​ധാ​ന​ങ്ങ​ൾ ഉ​റ​പ്പു​വ​രു​ത്തു​ന്ന​ത്. കെ​ട്ടി​ട​ങ്ങ​ളു​ടെ പ​രി​ശോ​ധ​ന​ക​ൾ പൂ​ർ​ത്തീ​ക​രി​ച്ച ശേ​ഷം കെ​ട്ടി​ട​ങ്ങ​ളു​ടെ വി​ശ​ദാം​ശ​ങ്ങ​ൾ, നി​ല​വി​ലു​ള്ള സൗ​ക​ര്യ​ങ്ങ​ൾ എ​ന്നി​വ ജി​ല്ലാ കേ​ന്ദ്ര​ങ്ങ​ളി​ലേ​ക്കും അ​വി​ടെ​നി​ന്ന് സം​സ്ഥാ​ന​ത​ല​ത്തി​ലേ​ക്ക് അ​റി​യി​ക്ക​ണ​മെ​ന്നും നി​ർ​ദ്ദേ​ശ​ങ്ങ​ളു​ണ്ട്.

സം​സ്ഥാ​ന​ത്ത് പ​ല​യി​ട​ങ്ങ​ളി​ലും കെ​ട്ടി​ട​ങ്ങ​ളി​ലെ തീ​പി​ടു​ത്തം സാ​ധാ​ര​ണ​മാ​യ സാ​ഹ​ച​ര്യ​ത്തി​ലാ​ണ് ഇ​ത്ത​ര​മൊ​രു പ​രി​ശോ​ധ​ന​ക​ൾ​ക്ക് അ​ഗ്നി​ര​ക്ഷാ​സേ​ന വി​ഭാ​ഗ​ങ്ങ​ൾ ത​യ്യാ​റാ​യി​രി​ക്കു​ന്ന​ത്. കു​ന്നം​കു​ളം പ​ട്ട​ണ​ത്തി​ലെ പ​ല കെ​ട്ടി​ട​ങ്ങ​ളും അ​ഗ്നി സു​ര​ക്ഷാ സം​വി​ധാ​ന​ങ്ങ​ൾ ഇ​ല്ലാ​തെ​യാ​ണ് പ്ര​വ​ർ​ത്തി​ക്കു​ന്ന​ത് എ​ന്നാ​ണ് പ​രാ​തി. ഇ​ത് പ​രി​ഹ​രി​ക്കു​ന്ന​തി​ന് ആ​വ​ശ്യ​മാ​യ ക്ര​മീ​ക​ര​ണ​ങ്ങ​ൾ ഏ​ർ​പ്പെ​ടു​ത്തു​ന്ന​തി​നും നി​ർ​ദ്ദേ​ശ​ങ്ങ​ളും ന​ൽ​കു​ന്നു​ണ്ട്.

കു​ന്നം​കു​ളം പ​ട്ട​ണ​ത്തി​ലെ വി​വി​ധ ഓ​ഡി​റ്റോ​റി​യ​ങ്ങ​ൾ, സി​നി​മാ തീ​യ​റ്റ​റു​ക​ൾ എ​ന്നി​വ​യി​ൽ പ​രി​ശോ​ധ​ന​ക​ൾ ന​ട​ന്നു. നേ​ര​ത്തേ​ത​ന്നെ അ​ഗ്നി​ര​ക്ഷാ​സേ​ന വി​ഭാ​ഗ​ങ്ങ​ൾ ന​ൽ​കി​യ നി​ർ​ദ്ദേ​ശ​ങ്ങ​ൾ പ​ല കെ​ട്ടി​ട ഉ​ട​മ​ക​ളും പാ​ലി​ച്ചി​ട്ടി​ല്ലെ​ന്നും സു​ര​ക്ഷാ​സം​വി​ധാ​ന​ങ്ങ​ൾ ഇ​വ​ർ ഒ​രു​ക്കി ന​ൽ​കു​ന്നി​ല്ലെ​ങ്കി​ൽ ക​ടു​ത്ത ന​ട​പ​ടി​ക​ൾ ഉ​ണ്ടാ​കു​മെ​ന്നും ഫ​യ​ർ സ്റ്റേ​ഷ​ൻ ഓ​ഫീ​സ​ർ വൈ​ശാ​ഖ് പ​റ​ഞ്ഞു.

മാ​ന​ദ​ണ്ഡ​ങ്ങ​ൾ പാ​ലി​ക്കാ​തെ നി​യ​മ​വി​രു​ദ്ധ​മാ​യി പ്ര​വ​ർ​ത്തി​ക്കു​ന്ന കെ​ട്ടി​ട​ങ്ങ​ളു​ടെ ലൈ​സ​ൻ​സ് റ​ദ്ദാ​ക്കു​ന്ന ന​ട​പ​ടി​ക​ൾ സ്വീ​ക​രി​ക്കാ​ൻ ന​ഗ​ര​സ​ഭ​യോ​ട് നി​ർ​ദ്ദേ​ശി​ച്ചി​ട്ടു​ണ്ട്. പു​തി​യ സാ​ഹ​ച​ര്യ​ത്തി​ൽ സ​ർ​ക്കാ​ർ നി​യ​മ​ങ്ങ​ൾ ക​ർ​ശ​ന​മാ​ക്കി​യ​തോ​ടെ ന​ഗ​ര​സ​ഭ​യു​മാ​യി സ​ഹ​ക​രി​ച്ചു​കൊ​ണ്ട് കെ​ട്ടി​ട​ങ്ങ​ളി​ൽ കൂ​ടു​ത​ൽ പ​രി​ശോ​ധ​ന​ക​ൾ ന​ട​ത്തു​ന്ന​തി​നും ആ​വ​ശ്യ​മാ​യ ഭേ​ദ​ഗ​തി​ക​ൾ നി​ർ​ദ്ദേ​ശി​ക്കു​ന്ന​തി​നും ആ​ണ് ഫ​യ​ർ വി​ഭാ​ഗ​ത്തി​ന്‍റെ തീ​രു​മാ​നം.