പ്ര​ള​യ​ത്തി​ന്‍റെ ബാ​ക്കി​പ​ത്ര​മാ​യി നാ​ടെ​ങ്ങും മാ​ലി​ന്യ​ക്കൂ​ന്പാ​രം; പു​റ​മ്പോക്കുകളിലും വ​ഴി​യോ​ര​ങ്ങ​ളി​ലും മാ​ലി​ന്യം ത​ള്ളു​ന്നു

സ്വ​ന്തം ലേ​ഖ​ക​ൻ
തൃ​ശൂ​ർ: മ​ഹാ​പ്ര​ള​യ​ത്തി​ന്‍റെ ബാ​ക്കി​പ​ത്ര​മാ​യി നാ​ടെ​ങ്ങും മാ​ലി​ന്യ​ക്കൂ​ന്പാ​രം. വെ​ള്ളം ക​യ​റി ന​ന​ഞ്ഞു കു​തി​ർ​ന്ന നി​ര​വ​ധി വ​സ്തു​ക്ക​ൾ വീ​ടു​ക​ൾ വൃ​ത്തി​യാ​ക്കു​ന്ന​തി​ന്‍റെ ഭാ​ഗ​മാ​യി എ​ടു​ത്തു മാ​റ്റി വ​ഴി​യോ​ര​ങ്ങ​ളി​ലും പു​റ​ന്പോ​ക്കു​ക​ളി​ലും ത​ള്ളി​ക്കൊ​ണ്ടി​രി​ക്കു​ക​യാ​ണ്. ഓ​രോ വീ​ടു​ക​ളി​ൽ നി​ന്നും വ​ൻ​തോ​തി​ലാ​ണ് ഇ​ത്ത​ര​ത്തി​ൽ മാ​ലി​ന്യം പു​റ​ന്ത​ള്ളു​ന്ന​ത്.

ന​ന​ഞ്ഞു കു​തി​ർ​ന്ന കി​ട​ക്ക​ക​ൾ, വ​സ്ത്ര​ങ്ങ​ൾ, പു​സ്ത​ക​ങ്ങ​ൾ, ഫ്രി​ഡ്ജ് ഉ​ൾ​പ്പെ​ടെ​യു​ള്ള ഇ​ല​ക്ട്രോ​ണി​ക് ഉ​പ​ക​ര​ണ​ങ്ങ​ൾ, മ​ര​ത്തി​ന്‍റെ ഫ​ർ​ണീ​ച്ച​റു​ക​ൾ തു​ട​ങ്ങി വീ​ടു​ക​ളി​ലെ പ​ല നി​ത്യോ​പ​യോ​ഗ സാ​ധ​ന​ങ്ങ​ളും വെ​ള്ളം ക​യ​റി ന​ശി​ച്ചി​ട്ടു​ണ്ട്. ഇ​വ​യെ​ല്ലാം ഇ​പ്പോ​ൾ വീ​ടി​നു പു​റ​ത്തേ​ക്ക് വ​ലി​ച്ചെ​റി​യാ​നേ വീ​ട്ടു​കാ​ർ​ക്ക് ക​ഴി​യു​ന്നു​ള്ളു. കേ​ര​ളം മു​ഴു​വ​ൻ ഇ​തു ത​ന്നെ​യാ​ണ് അ​വ​സ്ഥ. ഓ​രോ ദി​വ​സം ക​ഴി​യും തോ​റും മാ​ലി​ന്യ​ക്കൂ​ന്പാ​രം കൂ​ടു​ത​ലാ​യി​ക്കൊ​ണ്ടി​രി​ക്കു​ക​യാ​ണ്.

മാ​ലി​ന്യ​സം​സ്ക​ര​ണം നേ​ര​ത്തെ ത​ന്നെ വ​ലി​യ പ്ര​ശ്ന​മാ​യി​രു​ന്ന കേ​ര​ള​ത്തി​ൽ ഇ​പ്പോ​ൾ മാ​ലി​ന്യ​സം​സ്ക​ര​ണം പ്ര​ള​യാ​ന​ന്ത​ര​മു​ള്ള ഏ​റ്റ​വും വ​ലി​യ ബാ​ധ്യ​ത​യും കീ​റാ​മു​ട്ടി​യു​മാ​യി തീ​ർ​ന്നി​രി​ക്കു​ക​യാ​ണ്. നി​ല​വി​ലു​ള്ള മാ​ലി​ന്യ സം​സ്ക​ര​ണ പ​ദ്ധ​തി​ക​ളും സം​വി​ധാ​ന​ങ്ങ​ളും തീ​ർ​ത്തും അ​പ​ര്യാ​പ്ത​മാ​കു​ന്ന രീ​തി​യി​ലേ​ക്കാ​ണ് കാ​ര്യ​ങ്ങ​ൾ നീ​ങ്ങു​ന്ന​ത്. വെ​ള്ളം ക​യ​റി​യ വീ​ടു​ക​ളു​ടെ ശു​ചീ​ക​ര​ണം കേ​ര​ള​മെ​ന്പാ​ടും ന​ട​ക്കു​ന്നു​ണ്ട്.

ഓ​രോ ദി​വ​സ​വും മാ​ലി​ന്യ​ങ്ങ​ൾ ലോ​ഡ് ക​ണ​ക്കി​നാ​ണ് പു​റ​ന്ത​ള്ള​പ്പെ​ടു​ന്ന​ത്. ന​ന​ഞ്ഞു കു​തി​ർ​ന്ന​വ​യാ​യ​തു​കൊ​ണ്ടു​ത​ന്നെ കൂ​ട്ടി​യി​ട്ട് ക​ത്തി​ക്കാ​ൻ പോ​ലും നി​വൃ​ത്തി​യി​ല്ലാ​ത്ത സ്ഥി​തി​യി​ലാ​ണ്. തൃ​ശൂ​ർ ജി​ല്ല​യി​ൽ പ്ര​ള​യം ക​ന​ത്ത ആ​ഘാ​തം സൃ​ഷ്ടി​ച്ച ചാ​ല​ക്കു​ടി​യി​ലും മ​റ്റി​ട​ങ്ങ​ളി​ലും മാ​ലി​ന്യ​പ്ര​ശ്നം അ​തീ​വ ഗു​രു​ത​ര​മാ​യി തു​ട​രു​ക​യാ​ണ്.ആ​ക്രി​ക​ച്ച​ട​വ​ക്കാ​ർ ഇ​ത്ത​രം മാ​ലി​ന്യ​മ​ല​യി​ൽ നി​ന്ന് ത​ങ്ങ​ൾ​ക്കാ​വ​ശ്യ​മു​ള്ള​ത് തി​ര​യാ​നെ​ത്തു​ന്നു​ണ്ടെ​ങ്കി​ലും ഒ​ന്നും എ​ടു​ക്കാ​ൻ ക​ഴി​യു​ന്ന ത​ര​ത്തി​ല​ല്ലെ​ന്ന് അ​വ​ർ പ​റ​യു​ന്നു.

പ്ലാ​സ്റ്റി​ക് മാ​ലി​ന്യം മാ​ത്ര​മേ കൊ​ണ്ടു​പോ​കാ​ൻ ക​ഴി​യൂ എ​ന്നാ​ണ​വ​രു​ടെ പ​ക്ഷം. വീ​ടു​ക​ളി​ൽ നി​ന്നും പു​റ​ന്ത​ള്ള​പ്പെ​ടു​ന്ന മാ​ലി​ന്യ​ത്തി​ന് പു​റ​മെ ക​നാ​ലു​ക​ളി​ലും മ​റ്റും വെ​ള്ളം ഇ​റ​ങ്ങി​യ​പ്പോ​ൾ അ​ടി​ഞ്ഞു​കൂ​ടി​യ പ്ലാ​സ്റ്റി​ക് അ​ട​ക്ക​മു​ള്ള മാ​ലി​ന്യ​ങ്ങ​ളും പ്ര​ശ്ന​ങ്ങ​ൾ സൃ​ഷ്ടി​ക്കു​ന്നു​ണ്ട്. ശു​ചീ​ക​ര​ണ​ത്തോ​ടൊ​പ്പം മാ​ലി​ന്യ​സം​സ്ക​ര​ണ​വും കൂ​ടി ന​ട​ന്നെ​ങ്കി​ൽ മാ​ത്ര​മേ ഇ​പ്പോ​ഴ​ത്തെ ഗു​രു​ത​ര​മാ​യ സ്ഥി​തി​വി​ശേ​ഷം മാ​റ്റാ​നാ​കൂ എ​ന്ന് ചൂ​ണ്ടി​ക്കാ​ണി​ക്ക​പ്പെ​ടു​ന്നു​ണ്ട്.

കൂ​ടു​ത​ൽ വ​ള​ണ്ടി​യ​ർ​മാ​രെ മാ​ലി​ന്യ​സം​സ്ക​ര​ണ​ത്തി​നാ​യി നി​യോ​ഗി​ക്കേ​ണ്ടി വ​രും. മാ​ലി​ന്യ​ങ്ങ​ൾ എ​ങ്ങി​നെ ശ​രി​യാം വി​ധം സം​സ്ക​രി​ക്കാ​മെ​ന്ന​തി​നെ​ക്കു​റി​ച്ച് വ​ള​ണ്ടി​യ​ർ​മാ​ർ​ക്ക് പ​രി​ശീ​ല​ന​വും ന​ൽ​കേ​ണ്ടി വ​രും. പ്ര​ള​യ​ക്കെ​ടു​തി​യു​ടെ ബാ​ക്കി​പ​ത്ര​മെ​ന്ന നി​ല​യി​ൽ കേ​ര​ളം നേ​രി​ടു​ന്ന വ​ലി​യ ദു​ര​ന്ത​മാ​യി മാ​ലി​ന്യ​പ്ര​ശ്നം മാ​റി​ക്കൊ​ണ്ടി​രി​ക്കു​ക​യാ​ണ്.