പൂനെ: ഐഎസ്എൽ നാലാം സീസണിൽ പൂനെ സിറ്റിയെ തകർത്ത് ഡൽഹിക്ക് വിജയത്തുടക്കം. പൂനെ ബലേവാഡി സ്റ്റേഡിയത്തിൽ നടന്ന മത്സത്തിൽ രണ്ടിനെതിരേ മൂന്ന് ഗോളുകൾക്കാണ് ഡൽഹി വിജയം സ്വന്തമാക്കിയത്.
നിരവധ മുന്നേറ്റങ്ങൾ നടന്നെങ്കിലും ആദ്യ പകുതിയിൽ ഗോളൊന്നും പിറന്നില്ല. 47-ാം മിനിറ്റിൽ ബ്രസീലിയൻ താരം പൗളീന്യോ ഗോളടി തുടങ്ങി. 54-ാം മിനിറ്റിൽ ചഗാട്ടെയിലൂടെ ഡൽഹി ലീഡ് ഉയർത്തി. 65-ാം മിനിറ്റിൽ ലോംഗ് ഷോട്ടിലൂടെ മത്യാസ് മിറാബ്ജെ ഡൽഹിയുടെ മൂന്നാം ഗോളും നേടി.
മൂന്ന് ഗോളിന്റെ ലീഡ് വഴങ്ങിയ പുനെ തിരിച്ചടിച്ചു. 67-ാം മിനിറ്റിൽ എമിലിയാനോ അൽഫാരോയാണ് പുനെയുടെ ആദ്യഗോൾ നേടിയത്. കളി അവസാനിക്കാൻ നിമിഷങ്ങൾ ബാക്കി നിൽക്കെ രണ്ടാം ഗോൾ നേടി പോസ്റ്റിലാക്കി മാർക്കോസ് ടെബാർ തോൽവിയുടെ ഭാരം കുറച്ചു.
