വ്യാ​പാ​രി​ക​ളെ ഒ​ഴി​പ്പി​ക്കാ​ൻ മേ​ൽ​ക്കൂ​ര ത​ക​ർ​ത്തു;  ഉ​ട​മ​യ്ക്കെ​തി​രേ കേ​സ് ; മ​ഴ​യി​ൽ ക​ട​ക​ളി​ലെ സാ​ധ​ന​ങ്ങ​ൾ ന​ന​ഞ്ഞു ന​ശി​ച്ചു​വെ​ന്ന് വ്യാ​പാ​രി​ക​ൾ 

തൃ​ശൂ​ർ: പോ​സ്റ്റ് ഓ​ഫീ​സ് റോ​ഡി​ലെ മൂ​ന്നു നി​ല വ്യാ​പാ​ര സ​മു​ച്ച​യം വാ​ങ്ങി​യ വ്യ​ക്തി വ്യാ​പാ​രി​ക​ളെ ഒ​ഴി​പ്പി​ക്കാ​ൻ കെ​ട്ടി​ടം ത​ക​ർ​ക്കാ​ൻ ശ്ര​മി​ക്കു​ന്ന​താ​യി പ​രാ​തി. ആ​ളൊ​ഴി​ഞ്ഞ സ​മ​യ​ത്ത് മേ​ൽ​ക്കൂ​ര പൊ​ളി​ച്ചു നീ​ക്കി​യ​താ​യു​ള്ള വ്യാ​പാ​രി​ക​ളു​ടെ പ​രാ​തി​യി​ൽ മൂ​സ, ജോ​ണി വ​ർ​ഗീ​സ്, രാ​ധാ​കൃ​ഷ്ണ​ൻ, മ​ണി​ക​ണ്ഠ​ൻ, സു​ബൈ​ദ, ഇ​സ്മാ​യി​ൽ എ​ന്നി​വ​ർ​ക്കെ​തി​രേ പോ​ലീ​സ് കേ​സെ​ടു​ത്തു.

കെ​ട്ടി​ട​ഉ​ട​മ​യും സ​ഹാ​യി​ക​ളും ചേ​ർ​ന്ന് ഞാ​യ​റാ​ഴ്ച ക​ട​ക​ൾ അ​വ​ധി​യാ​യി​രു​ന്ന സ​മ​യ​ത്ത് മേ​ൽ​ക്കൂ​ര പൊ​ളി​ച്ചു​മാ​റ്റി​യെ​ന്നാ​ണ് പ​രാ​തി. മ​ഴ​യി​ൽ വെ​ള്ളം കി​നി​ഞ്ഞി​റ​ങ്ങാ​നാ​യി സീ​ലിം​ഗി​ലെ ടൈ​ലു​ക​ളും നീ​ക്കി​യി​ട്ടു​ണ്ട്. ഇ​തേ തു​ട​ർ​ന്ന് മ​ഴ​യി​ൽ ക​ട​ക​ളി​ലെ സാ​ധ​ന​ങ്ങ​ൾ ന​ന​ഞ്ഞു ന​ശി​ച്ചു​വെ​ന്ന് വ്യാ​പാ​രി​ക​ൾ പ​റ​ഞ്ഞു.

വ​ർ​ഷ​ങ്ങ​ളാ​യി ഇ​തേ കെ​ട്ടി​ട​ത്തി​ലു​ള്ള വ്യാ​പാ​രി​ക​ൾ​ക്കാ​ണ് ന​ഷ്ട​മു​ണ്ടാ​യ​ത്. ര​ണ്ടു വ​ർ​ഷം മു​ന്പാ​ണ് കെ​ട്ടി​ടം മൂ​സ വാ​ങ്ങി​യ​ത്. നേ​ര​ത്തേ​യും കെ​ട്ടി​ടം മു​ന്ന​റി​യി​പ്പി​ല്ലാ​തെ പൊ​ളി​ച്ചു​മാ​റ്റാ​നു​ള്ള ശ്ര​മം ഇ​യാ​ളു​ടെ ഭാ​ഗ​ത്തു​നി​ന്ന് ഉ​ണ്ടാ​യി​ട്ടു​ണ്ടെ​ന്ന് വ്യാ​പാ​രി​ക​ൾ പ​റ​ഞ്ഞു.