ത​ല​ശേ​രി​യി​ലെ ക​ഞ്ചാ​വ് വേ​ട്ട; ര​ക്ഷ​പ്പെ​ട്ട​വ​ർ കൂ​ത്തു​പ​റമ്പ്​ സ്വ​ദേ​ശി​ക​ൾ; പ്ര​തി​ക​ൾ​ക്കാ​യി വ്യാ​പ​ക റെ​യ്ഡ്

ത​ല​ശേ​രി: 10 കി​ലോ ക​ഞ്ചാ​വു​മാ​യി പി​ടി​യി​ലാ​യ കൂ​ത്തു​പ​റ​മ്പ് മെ​രു​വ​മ്പാ​യി കി​ഴ​ക്കെ ക​ര​യി​ൽ അ​ബ്ദു​ൾ നാ​സ​റി​ന്‍റെ (46) കൂ​ട്ടാ​ളി​ക​ളെ പോ​ലീ​സ് തി​രി​ച്ച​റി​ഞ്ഞു. കൂ​ത്തു​പ​റ​ന്പ് സ്വ​ദേ​ശി​ക​ളാ​യ ര​ണ്ട് യു​വാ​ക്ക​ളാ​ണ് അ​ബ്ദു​ൾ നാ​സ​റി​ന്‍റെ കൂ​ടെ​യു​ണ്ടാ​യി​രു​ന്ന​ത്. ഇ​വ​ർ​ക്കാ​യി റെ​യ്ഡ് ന​ട​ത്തി​യെ​ങ്കി​ലും പി​ടി​കൂ​ടാ​നാ​യി​ല്ല. അ​ബ്ദു​ൾ നാ​സ​റി​നെ ഇ​ന്ന് കോ​ട​തി​യി​ൽ ഹാ​ജ​രാ​ക്കും.

ഇ​ന്ന​ലെ പു​ല​ർ​ച്ചെ നാ​ല് യു​വാ​ക്ക​ൾ പി​ന്തു​ട​ർ​ന്ന് പി​ടി​കൂ​ടി ക​ഞ്ചാ​വ് സ​ഹി​തം പോ​ലീ​സി​ൽ ഏ​ൽ​പ്പി​ച്ച പ്ര​തി​യി​ൽ നി​ന്നും ജി​ല്ല​യി​ലെ ക​ഞ്ചാ​വ് മാ​ഫി​യ​യെ സം​ബ​ന്ധി​ച്ച് വി​ല​പ്പെ​ട്ട വി​വ​ര​ങ്ങ​ളാ​ണ് പോ​ലീ​സി​ന് ല​ഭി​ച്ചി​ട്ടു​ള്ള​ത്.അ​റ​സ്റ്റി​ലാ​യ നാ​സ​റി​നെ ഇ​ന്ന​ലെ ഗു​ഡ്ഷെ​ഡ് റോ​ഡി​ലും വ​ട​ക്കു​മ്പാ​ട് കു​ളി ബ​സാ​റി​ലു​മെ​ത്തി​ച്ച് തെ​ളി​വെ​ടു​പ്പ് ന​ട​ത്തി.

നാ​സ​റി​ന്‍റെ മെ​രു​വ​മ്പാ​യി​യി​ലെ വീ​ട്ടി​ലും പോ​ലീ​സ് തെ​ര​ച്ചി​ൽ ന​ട​ത്തി. വി​ദേ​ശ​ത്ത് നി​ന്നും നാ​ട്ടി​ലെ​ത്തി​യ നാ​സ​ർ ര​ണ്ട് വ​ർ​ഷ​ത്തോ​ളം ആ​ന്ധ്ര​പ്ര​ദേ​ശി​ലെ വി​ജ​യ​വാ​ഡ​യി​ൽ ഹോ​ട്ട​ൽ ന​ട​ത്തി​യി​രു​ന്നു. ഈ ​പ​രി​ച​യ​ത്തി​ലാ​ണ് ആ​ന്ധ്ര​യി​ലെ ക​ഞ്ചാ​വ് ലോ​ബി​യു​മാ​യി ബ​ന്ധ​പ്പെ​ട്ട് കേ​ര​ള​ത്തി​ലേ​ക്ക് ക​ഞ്ചാ​വ് ക​ട​ത്താ​ൻ തു​ട​ങ്ങി​യ​തെ​ന്ന് നാ​സ​ർ പോ​ലീ​സി​നോ​ട് പ​റ​ഞ്ഞു.

മു​മ്പ് ക​ണ്ണൂ​രി​ൽ നി​ന്ന് നാ​ല് കി​ലോ ക​ഞ്ചാ​വു​മാ​യി നാ​സ​റു​ൾ​പ്പെ​ടെ ര​ണ്ട് പേ​രെ എ​ക്സൈ​സ് സം​ഘം അ​റ​സ്റ്റ് ചെ​യ്തി​രു​ന്നു. കേ​സി​ന്‍റെ അ​ന്വേ​ഷ​ണം ആ​ന്ധ്ര​യി​ലേ​ക്കും വ്യാ​പി​പ്പി​ക്കു​മെ​ന്ന് പോ​ലീ​സ് പ​റ​ഞ്ഞു.

ത​ല​ശേ​രി എ​എ​സ്പി ഡോ.​അ​ര​വി​ന്ദ് സു​കു​മാ​റി​ന്‍റെ നി​ർ​ദ്ദേ​ശ പ്ര​കാ​രം ത​ല​ശേ​രി റെ​യി​ൽ​വെ സ്റ്റേ​ഷ​ൻ പ​രി​സ​ര​ത്ത് ഗു​ഡ് ഷെ​ഡ് റോ​ഡി​ലെ ഡി​വൈ​എ​ഫ്ഐ നേ​താ​വ് ഹ​നീ​ഫ എ​ന്ന മു​ഹ​മ്മ​ദ​ലി​യും സു​ഹൃ​ത്തു​ക​ളാ​യ അ​മ​ർ, അ​ജ്മ​ൽ, ഷാ​ഫി എ​ന്നി​വ​ർ കി​ലോ മീ​റ്റ​റ്റു​ക​ൾ പി​ന്തു​ട​ർ​ന്ന് ന​ട​ത്തി​യ അ​തി സാ​ഹ​സി​ക​മാ​യ നീ​ക്ക​ത്തി​ലാ​ണ് ക​ഞ്ചാ​വ് മാ​ഫി​യ സം​ഘ​ത്തി​ന്‍റെ ത​ല​വ​നാ​യ നാ​സ​ർ വ​ല​യി​ലാ​യ​ത്.