ആലപ്പുഴ: ആശ്രമം ജംഗ്ഷനു സമീപം മേത്തേര്പറമ്പ് അജയ് ജിത്ത്, അഭിജിത്ത് എന്നിവരെയാണ് ആലപ്പുഴ എക്സൈസ് എൻഫോഴ്സ്മെന്‍റ് ആന്‍ഡ് സ്പെഷൽ സ്ക്വാഡ് സർക്കിൾ ഇൻസ്പെക്ടർ എം. മഹേഷിന്‍റെ നേതൃത്വത്തിലുള്ള സംഘം പിടികൂടിയത്.
ഇവർ വില്പനയ്ക്കായി സൂക്ഷിച്ചിരുന്ന 3.5 ഗ്രാം എംഡിഎംഎയും 350 ഗ്രാം കഞ്ചാവും കഞ്ചാവുചെടിയും പിടിച്ചെടുത്തു. ബംഗളൂരുവിൽനിന്ന് കഞ്ചാവും മയക്കുമരുന്നുകളും കേരളത്തിൽ എത്തിച്ച് വില്പന നടത്തിവരികയായിരുന്നു പ്രതികൾ.
പ്രിവന്‍റീവ് ഓഫീസർ സി.എൻ. ബിജുലാൽ, പ്രിവന്‍റീവ് ഓഫീസർ കെ.പി. സജിമോൻ, എക്സൈസ് ഇന്‍റലിജൻസ് ബ്യൂറോ പ്രിവന്‍റീവ് ഓഫീസർ അലക്സാണ്ടർ, സിവിൽ എക്സൈസ് ഓഫീസർമാരായ എസ്. ദിലീഷ്, റഹീം എസ്.ആർ, അഗസ്റ്റിൻ ജോസ്, വനിത സിവിൽ എക്സൈസ് ഓഫീസർ സിന്ധു, ഡ്രൈവർ പ്രദീപ് എന്നിവരും സംഘത്തിൽ ഉണ്ടായിരുന്നു.
