Set us Home Page

ലെവൻമാർ പുലിയാണ് കെട്ടാ ! കണ്ണൂർ ജയിൽ ചാടാൻ തടവുകാർ ഒരുക്കിയ തിരക്കഥ സിനിമാക്കഥയെ വെല്ലും; “ഏ​പ്രി​ൽ 24ന് ​എന്ത് സം​ഭ​വി​ച്ചുവെന്ന് നാളെ ….

റെ​നീ​ഷ് മാ​ത്യു

ചെ​യ്ത കു​റ്റ​കൃ​ത്യ​ത്തി​ന് ജാ​മ്യം ല​ഭി​ക്കു​മെ​ന്ന് ഉ​റ​പ്പി​ല്ല. ജാ​മ്യ​ത്തി​നാ​യി പ​ല ത​വ​ണ ശ്ര​മി​ച്ചെ​ങ്കി​ലും ല​ഭി​ച്ചി​ല്ല. പ്ര​തി​ക​ളി​ലൊ​രാ​ൾ​ക്ക് ജാ​മ്യം ല​ഭി​ച്ചെ​ങ്കി​ലും ജാ​മ്യം നി​ല്ക്കു​വാ​ൻ ആ​രെ​യും കി​ട്ടി​യി​ല്ല. വീ​ട്ടു​കാ​രും സ്വ​ന്ത​ക്കാ​രു​മെ​ല്ലാം ഉ​പേ​ക്ഷി​ച്ച മ​ട്ടാ​യി​രു​ന്നു. പി​ന്നെ അ​വ​ർ മൂ​വ​രും ത​ട​വ​റ​യ്ക്കു​ള്ളി​ൽ നി​ന്നും പു​റ​ത്തു ക​ട​ക്കു​വാ​ൻ തീ​രു​മാ​നി​ച്ചു. പ​ണി പാ​ളി​യെ​ങ്കി​ലും അ​വ​ർ ഒ​രു​ക്കി​യ തി​ര​ക്ക​ഥ സി​നി​മാ​ക്ക​ഥ​യെ വെ​ല്ലു​ന്ന ഒ​ന്നാ​യി​രു​ന്നു.

ഡെ​ന്നീ​സ് ജോ​സ​ഫി​ന്‍റെ തി​ര​ക്ക​ഥ​യി​ൽ മ​മ്മൂ​ട്ടി​യെ കേ​ന്ദ്ര​ക​ഥാ​പാ​ത്ര​മാ​ക്കി ജോ​ഷി സം​വി​ധാ​നം ചെ​യ്ത ന്യൂ​ഡ​ൽ​ഹി എ​ന്ന ചി​ത്ര​ത്തി​ലെ ജ​യി​ൽ​ചാ​ട്ട​ത്തെ അ​വി​സ്മ​ര​ണീ​യ​മാ​ക്കു​ന്ന ഒ​ന്നാ​യി​രു​ന്നു ക​ണ്ണൂ​ർ ജി​ല്ലാ ജ​യി​ലി​ൽ ക​ഴി​ഞ്ഞ ഏ​പ്രി​ൽ 24ന് ​ന​ട​ന്ന​ത്.
ഇ ​ബ്ലോ​ക്കി​ൽ നടന്നത്

ക​ണ്ണൂ​ർ ജി​ല്ലാ ജ​യി​ലി​ലെ ഇ ​ബ്ലോ​ക്കി​ലെ ത​ട​വു​കാ​രാ​യി​രു​ന്നു മു​ഹ​മ്മ​ദ് റ​ഫീ​ഖും അ​ഷ്‌​റ​ഫ് ഷം​സീ​റും അ​രു​ൺ കു​മാ​റും. ഒ​രേ ബ്ലോ​ക്കി​ൽ വ​ന്ന് ദി​വ​സ​ങ്ങ​ൾ​ക്കു​ള്ളി​ൽ ച​ങ്ങാ​തി​മാ​രാ​യി. ത​ങ്ങ​ൾ ചെ​യ്ത കു​റ്റ​കൃ​ത്യ​ത്തി​ന് ഉ​ട​നെ​യൊ​ന്നും ജാ​മ്യം ല​ഭി​ക്കി​ല്ലെ​ന്ന് മൂ​വ​രും ച​ങ്ങാ​ത്ത സം​ഭാ​ഷ​ണ​ത്തി​നി​ടെ തി​രി​ച്ച​റി​ഞ്ഞു. എ​ങ്ങ​നെ​യെ​ങ്കി​ലും പു​റ​ത്തു ക​ട​ക്ക​ണം എ​ന്ന ചി​ന്ത​യാ​യി​രു​ന്നു മൂ​ന്നം​ഗ​സം​ഘ​ത്തി​ന്.

റ​ഫീ​ക്ക് ക​ഴി​ഞ്ഞ അ​ഞ്ചു​മാ​സ​മാ​യി ജ​യി​ലി​ലെ അ​ടു​ക്ക​ള​യി​ൽ മേ​സ്ത്രി ആ​യി​രു​ന്നു. റ​ഫീ​ക്കി​ന്‍റെ കൂ​ടെ അ​രു​ൺ കു​മാ​റി​നെ ഏ​പ്രി​ൽ ഒ​ന്നി​നും ഷം​സീ​റി​നെ ഏ​പ്രി​ൽ 18നും ​അ​ടു​ക്ക​ള​യി​ൽ സ​ഹാ​യി​യാ​യി കൂ​ട്ടി. സെ​ല്ലി​ലും അ​ടു​ക്ക​ള​യി​ലു​മാ​യി വി​ഷു​വി​ന് മു​ന്പ് ത​ന്നെ ജ​യി​ൽ ചാ​ടാ​നു​ള്ള പ​ദ്ധ​തി ഇ​വ​ർ ആ​സൂ​ത്ര​ണം ചെ​യ്തു തു​ട​ങ്ങു​ക​യാ​യി​രു​ന്നു. ‌റ​ഫീ​ക്കി​ന്‍റെ നേ​തൃ​ത്വ​ത്തി​ൽ ജ​യി​ൽ​ചാ​ട്ട​ത്തി​നു​ള്ള പ​ദ്ധ​തി രൂ​പീ​ക​രി​ച്ചു തു​ട​ങ്ങി. അ​ടു​ക്ക​ള​യി​ലും ജ​യി​ൽ മു​റി​യി​ലും ഇ​വ​രു​ടെ ച​ർ​ച്ച ജ​യി​ൽ ചാ​ട്ട​ത്തെ​ക്കു​റി​ച്ച് മാ​ത്ര​മാ​യി മാ​റി.

ഗു​ളി​ക​ റെഡി

ജ​യി​ൽ അ​ധി​കൃ​ത​രെ ഗു​ളി​ക കൊ​ടു​ത്ത് മ​യ​ക്കി കി​ട​ത്തി ജ​യി​ൽ ചാ​ടാ​നാ​യി​രു​ന്നു പ​ദ്ധ​തി. അ​ടു​ക്ക​ള​യി​ൽ ജോ​ലി ഉ​ള്ള​തു​കൊ​ണ്ട് ഇ​ക്കാ​ര്യം എ​ളു​പ്പ​ത്തി​ൽ സാ​ധി​ക്കു​മെ​ന്നും മൂ​വ​രും തി​രി​ച്ച​റി​ഞ്ഞു. മാ​ന​സി​കാ​സ്വാ​സ്ഥ്യം ഉ​ള്ള ത​ട​വു​കാ​ർ ഉ​ണ്ടാ​യി​രു​ന്നു ഇ​വ​രു​ടെ തൊ​ട്ട​ടു​ത്ത സെ​ല്ലി​ൽ. ഈ ​ത​ട​വു​കാ​രോ​ട് റ​ഫീ​ഖ് പെ​ട്ടെ​ന്ന് ച​ങ്ങാ​ത്ത​ത്തി​ലാ​യി. ഇ​വ​ർ​ക്ക് ജ​യി​ൽ അ​ധി​കൃ​ത​ർ കൊ​ടു​ക്കു​ന്ന മാ​ന​സി​ക വി​ഭ്രാ​ന്തി​ക്കു​ള്ള ഗു​ളി​ക​ക​ൾ റ​ഫീ​ക്ക് കൈ​വ​ശ​പ്പെ​ടു​ത്തി.

ക്ലോ​സെ പൈ​ൻ, ക്യൂ​ട്ടി പി​ൻ തു​ട​ങ്ങി​യ ആ​റു ഗു​ളി​ക​ളാ​ണ് റ​ഫീ​ഖ് കൈ​വ​ശ​പ്പെ​ടു​ത്തി​യ​ത്. ഇ​തി​ൽ അ​ഞ്ചെ​ണ്ണം ക്ലോ​സെ പൈ​ൻ ആ​യി​രു​ന്നു. ഗു​ളി​ക ക​ഴി​ക്കു​ന്പോ​ഴു​ണ്ടാ​കു​ന്ന ദോ​ഷം എ​ന്തെ​ന്ന് മ​ന​സി​ലാ​ക്കു​വാ​ൻ ആ​ദ്യം ഷം​സീ​റും റ​ഫീ​ക്കും ഒ​രു ഗു​ളി​ക​യു​ടെ പ​കു​തി ക​ഴി​ച്ച് പ​രീ​ക്ഷി​ച്ചു. ക്ലോ​സെ പൈ​ൻ ആ​യി​രു​ന്നു ഇ​വ​ർ ക​ഴി​ച്ച​ത്. അ​രു​ൺ കു​മാ​റി​നെ ഇ​വ​രെ നി​രീ​ക്ഷി​ക്കാ​ൻ വേ​ണ്ടി നി​യ​മി​ക്കു​ക​യും ചെ​യ്തു. ഏ​പ്രി​ൽ 20 നാ​യി​രു​ന്നു ഗു​ളി​ക ക​ഴി​ച്ച് പ​രീ​ക്ഷി​ച്ച ദി​വ​സം.

ജ​യി​ലി​ലെ ജോ​ലി ക​ഴി​ഞ്ഞ് വൈ​കു​ന്നേ​രം 5.15 ഓ​ടെ​യാ​ണ് ഷം​സീ​റും റ​ഫീ​ക്കും ഗു​ളി​ക ക​ഴി​ച്ച​ത്. ഒ​രു ഗു​ളി​ക​യു​ടെ പ​കു​തി വീ​ത​മാ​ണ് ക​ഴി​ച്ച​ത്. ഗു​ളി​ക ക​ഴി​ച്ച് ഉ​ട​ൻ ത​ന്നെ ഇ​വ​ർ​ക്ക് മ​യ​ക്കം അ​നു​ഭ​വ​പ്പെ​ട്ടു. രാ​ത്രി ഒ​ൻ​പ​തു മ​ണി​വ​രെ ഇ​വ​ർ ഉ​റ​ങ്ങി. പ​രീ​ക്ഷ​ണ​ത്തി​ലൂ​ടെ വി​ജ​യം ഉ​റ​പ്പി​ച്ച ഇ​വ​ർ ജ​യി​ൽ ചാ​ട്ട​ത്തി​നു​ള്ള പ​ദ്ധ​തി ആ​വി​ഷ്ക​രി​ക്കു​വാ​ൻ തു​ട​ങ്ങി. ഷം​സീ​റി​ന്‍റെ നേ​തൃ​ത്വ​ത്തി​ൽ നാ​ലു ഗു​ളി​ക​ൾ ആ​രും കാ​ണാ​തെ പൊ​ടി​ച്ചു കൈ​യി​ൽ സൂ​ക്ഷി​ച്ചു. ഏ​പ്രി​ൽ 24 നു ​വേ​ണ്ടി മൂ​വ​രും കാ​ത്തി​രു​ന്നു.

തി​ര​ക്ക​ഥാ​കൃ​ത്തു​ക്ക​ൾ…

മു​ഹ​മ്മ​ദ് റ​ഫീ​ക്ക്
കാ​ഞ്ഞ​ങ്ങാ​ട് ചാ​ലു​ങ്ക​ൽ സ്വ​ദേ​ശി. വ​യ​സ് 35. ര​ണ്ട് ക​വ​ർ​ച്ചാ​ക്കേ​സി​ലെ പ്ര​തി. 2003 ൽ ​കു​ണ്ടം​കു​ഴി​യി​ലെ ഒ​രു വീ​ട്ടി​ൽ നി​ന്നും 17 പ​വ​ൻ സ്വ​ർ​ണ​വും 35,000 രൂ​പ​യും ക​വ​ർ​ന്നു. കൂ​ടാ​തെ ജോ​ലി ചെ​യ്തി​രു​ന്ന ബ​സി​ൽ നി​ന്നും 50,000 രൂ​പ മോ​ഷ്‌​ടി​ച്ച സം​ഭ​വ​ത്തി​ലും പ്ര​തി​യാ​ണ്. 2003 ൽ ​ത​ന്നെ അ​റ​സ്റ്റ് രേ​ഖ​പ്പെ​ടു​ത്തി​യി​രു​ന്നെ​ങ്കി​ലും 2017ൽ ​ജാ​മ്യ​ത്തി​ലി​റ​ങ്ങി വി​ദേ​ശ​ത്തേ​ക്ക് മു​ങ്ങി. ഇ​യാ​ളെ പി​ന്നീ​ട് അ​റ​സ്റ്റ് ചെ​യ്തു. 2018 ജൂ​ൺ 28 നാ​ണ് ഇ​യാ​ൾ ക​ണ്ണൂ​ർ ജി​ല്ലാ ജ​യി​ലി​ൽ എ​ത്തി​യ​ത്.
അ​രു​ൺ കു​മാ​ർ
ചീ​മേ​നി സ്വ​ദേ​ശി. വ​യ​സ് 26. 2018 ൽ ​ന​ട​ന്ന ചീ​മേ​നി​യി​ലെ ജാ​ന​കി ടീ​ച്ച​ർ വ​ധ​ക്കേ​സി​ലെ ഒ​ന്നാം പ്ര​തി. ജാ​ന​കി​യെ കൊ​ല​പ്പെ​ടു​ത്തി​യ ശേ​ഷം വി​ദേ​ശ​ത്തേ​ക്ക് ക​ട​ന്ന അ​രു​ൺ കു​മാ​റി​നെ വി​ദേ​ശ​ത്തു നി​ന്നും നാ​ട്ടി​ൽ എ​ത്തി​ച്ച് ക​രി​പ്പൂ​രി​ൽ നി​ന്നാ​ണ് അ​റ​സ്റ്റ് ചെ​യ്ത​ത്. 2018 മാ​ർ​ച്ച് 12 നാ​ണ് ജ​യി​ലി​ൽ എ​ത്തി​യ​ത്.

അ​ഷ​റ​ഫ് ഷം​സീ​ർ
മാ​ന​ന്ത​വാ​ടി ത​ല​പ്പാ​ടി സ്വ​ദേ​ശി​യാ​യ അ​ഷ​റ​ഫ് ഷം​സീ​ർ ക​വ​ർ​ച്ചാ കേ​സി​ലേ​യും ക​ഞ്ചാ​വു ക​ട​ത്തു കേ​സി​ലേ​യും പ്ര​തി​യാ​ണ്. 2018 സെ​പ്റ്റം​ബ​ർ ര​ണ്ടി​നാ​ണ് ജ​യി​ലി​ൽ എ​ത്തി​യ​ത്.

രാഷ്ട്രദീപിക വാര്‍ത്തകള്‍ ഫേസ്ബുക്കില്‍ പിന്തുടരാന്‍ ഞങ്ങളുടെ പേജ് ലൈക്ക് ചെയ്യൂ...

https://www.facebook.com/RashtraDeepika/

LATEST NEWS