ക​ണ്ടിവാ​തു​ക്ക​ലിൽ കാ​ട്ടാ​നക്കൂട്ടം കൃഷി നശിപ്പിച്ചു; ജ​നം ഭീ​തി​യി​ൽ

നാ​ദാ​പു​രം:​ വ​ള​യം ക​ണ്ടിവാ​തു​ക്ക​ൽ മ​ല​യോ​ര​ത്ത് വീ​ണ്ടും കാ​ട്ടാ​ന​ക്കൂ​ട്ട​മി​റ​ങ്ങി കൃ​ഷി ന​ശി​പ്പി​ച്ചു. ക​ണ്ണ​വം വ​ന മേ​ഖ​ല​യോ​ട് ചേ​ർ​ന്ന് കി​ട​ക്കു​ന്ന ആ​യോ​ട് മ​ല​യി​ലാ​ണ് ഒ​രി​ട​വേ​ള​ക്ക് ശേ​ഷം കാ​ട്ടാ​ന​ക്കൂ​ട്ടം വീ​ണ്ടു​മെ​ത്തി​യ​ത്.​ക​ടു​വ​ത്താ​ഴെ മ​റി​യ​ത്തി​ന്‍റെ കൃ​ഷി​യി​ട​ത്തി​ലെ​ത്തി​യ കാ​ട്ടാ​ന തെ​ങ്ങ്, വാ​ഴ, ക​മു​ക് തു​ട​ങ്ങി​യ​വ ന​ശി​പ്പി​ച്ചു.

ഇ​ട​വി​ള​കൃ​ഷി​ക​ളും ന​ശി​പ്പി​ച്ചു. ആ​ന​ക്കൂ​ട്ടം സ​മീ​പ​ത്തെ നൂ​റേ​ക്ക​ർ എ​സ്റ്റേ​റ്റി​ൽ ത​മ്പ​ടി​ച്ചി​രി​ക്കു​ക​യാ​ണ്.​ഇ​തോ​ടെ പ്ര​ദേ​ശ​വാ​സി​ക​ൾ ഭീ​തി​യി​ലാ​യി. ക​ണ്ണ​വം വ​ന​മേ​ഖ​ല​യി​ൽ നി​ന്നാ​ണ് ഏ​ഴ് കാ​ട്ടാ​ന​കൾ ജ​ന​വാ​സ കേ​ന്ദ്ര​ത്തി​ലെ​ത്തി​യ​ത്.

ക​ഴി​ഞ്ഞ വ​ർ​ഷ​ങ്ങ​ളി​ൽ ആ​യോ​ട് മേ​ഖ​ല​യി​ൽ പ​തി​വാ​യി കൃ​ഷി ഭൂ​മി​യി​ലി​റ​ങ്ങി​യ കാ​ട്ടാ​ന​ക​ൾ വ​ൻ കൃ​ഷി നാ​ശം വ​രു​ത്തി​യി​രു​ന്നു. തു​ട​ർ​ന്ന് ജ​ന​പ്ര​തി​നി​ധി​ക​ൾ ഉ​ൾ​പ്പ​ടെ​യു​ള്ള​വ​രു​ടെ യോ​ഗം വി​ളി​ച്ച് ചേ​ർ​ത്ത​പ്പോ​ൾ ഫെ​ൻ സിം​ഗ് സ്ഥാ​പി​ക്കാ​ൻ വ​നം വ​കു​പ്പ് തീ​രു​മാ​നി​ച്ചു.​ക​ഴി​ഞ്ഞ വ​ർ​ഷം ഫെ​ൻ സിം​ഗ് സ്ഥാ​പി​ച്ച ശേ​ഷം ഒ​രു വ​ർ​ഷ​ത്തോ​ളം കാ​ട്ടാ​ന ശ​ല്യം ഒ​ഴി​വാ​യി​രു​ന്നു.

എ​ന്നാ​ൽ അ​ടു​ത്തി​ടെ വ​ന​ത്തോ​ട് ചേ​ർ​ന്ന് സ്ഥാ​പി​ച്ച ഫെ​ൻ സിം​ഗ് കാ​ട്ടാ​ന​ക​ൾ ന​ശി​പ്പി​ച്ചി​രു​ന്നു. ഇ​തു വ​ഴി​യാ​ണ് ആ​ന​ക​ൾ വീ​ണ്ടു​മെ​ത്തുന്നത്.