ജനങ്ങളുടെ കൊലകൊല്ലി പോലീസിന് പണംവാരി..!  അ​മി​ത ലോ​ഡു​മാ​യുള്ള ടി​പ്പ​റു​ക​ളു​ടെ  മരണപ്പാച്ചിൽ  ജനങ്ങൾക്ക് ഭീഷണിയാകുമ്പോൾ പി​ഴ വാ​ങ്ങി ടാ​ർ​ജ​റ്റ് വേ​ഗ​ത്തി​ൽ ല​ക്ഷ്യം ക​ട​ക്കുമെന്ന സന്തോഷത്തിൽ പോലീസും

മ​ല്ല​പ്പ​ള്ളി: പാ​റ​മ​ട​ക​ളി​ൽ നി​ന്നും അ​മി​ത​മാ​യി പാ​റ​യും മെ​റ്റ​ലും ക​യ​റ്റി അ​മി​ത വേ​ഗ​ത്തി​ൽ പാ​യു​ന്ന ടി​പ്പ​ർ ലോ​റി​ക​ൾ അ​പ​ക​ട ഭീ​ഷ​ണി ഉ​യ​ർ​ത്തു​ന്നു. പ്ലാ​റ്റ്ഫോ​മി​നേ​ക്കാ​ൾ ഉ​യ​ര​ത്തി​ൽ കൂ​ന കൂ​ട്ടി പാ​യു​ന്ന ടി​പ്പ​ർ ലോ​റി​ക​ളി​ൽ നി​ന്നും വ​ള​വു​ക​ൾ തി​രി​യു​മ്പോ​ൾ പാ​റ​യും മെ​റ്റ​ലും റോ​ഡി​ലേ​ക്ക് വീ​ഴു​ന്ന​ത് പ​തി​വാ​യി​രി​ക്കു​ക​യാ​ണ്.

ഇ​തു​മൂ​ലം പി​ന്നാ​ലെ​യെ​ത്തു​ന്ന ഇ​രു​ച​ക്ര​വാ​ഹ​ന യാ​ത്ര​ക്കാ​ർ​ക്കും മ​റ്റു ചെ​റു​വാ​ഹ​ന​ങ്ങ​ൾ​ക്കും അ​പ​ക​ട​ഭീ​ഷ​ണി​യാ​ണ്. ഇ​ന്ന​ലെ രാ​വി​ലെ കോ​ട്ട​യം – കോ​ഴ​ഞ്ചേ​രി റോ​ഡി​ൽ നി​ർ​മ​ൽ ജ്യോ​തി സ്കൂ​ളി​നു സ​മീ​പം ലോ​റി​യി​ൽ നി​ന്നും ഒ​രു ക​ല്ല് റോ​ഡി​ൽ വീ​ണെ​ങ്കി​ലും പി​ന്നാ​ലെ എ​ത്തി​യ ബൈ​ക്ക് യാ​ത്രി​ക​ൻ ത​ല​നാ​രി​ഴ​യ്ക്കാ​ണ് ര​ക്ഷ​പ്പെ​ട്ട​ത്.

സ്കൂ​ൾ കു​ട്ടി​ക​ളോ കാ​ൽ​ന​ട​യാ​ത്ര​ക്കാ​രോ ഇ​ല്ലാ​തി​രു​ന്ന​തി​നാ​ൽ വ​ൻ അ​പ​ക​ടം ഒ​ഴി​വാ​യി. രാ​വി​ലെ ഒ​മ്പ​തു മു​ത​ൽ ടി​പ്പ​ർ ലോ​റി​ക​ൾ​ക്ക് നി​യ​ന്ത്ര​ണം ഉ​ള്ള​തി​നാ​ൽ ഇ​തി​നു​മു​മ്പ് ല​ക്ഷ്യ​സ്ഥാ​ന​ത്തെ​ത്താ​നാ​ണ് ടി​പ്പ​റു​ക​ൾ അ​പ​ക​ട​ഭീ​ഷ​ണി ഉ​യ​ർ​ത്തി കു​തി​ച്ചു പാ​യു​ന്ന​ത്. പു​ല​ർ​ച്ചെ​യും രാ​വി​ലെ​യു​മാ​ണ് ഇ​വ​യു​ടെ യാ​ത്ര ഏ​റെ​യും. പു​ല​ർ​ച്ചെ ര​ണ്ടോ​ടെ ടി​പ്പ​റു​ക​ൾ റോ​ഡി​ലി​റ​ങ്ങും. അ​മി​ത​വേ​ഗ​ത്തി​ലാ​ണ് പു​ല​ർ​ച്ചെ​യു​ള്ള യാ​ത്ര.

അ​മി​ത​ഭാ​ര​ത്തി​ന്‍റെ പേ​രി​ൽ ടി​പ്പ​ർ ലോ​റി​ക​ൾ​ക്ക് വ​ഴി​നീ​ളെ പി​ഴ​യി​ടാ​ൻ പോ​ലീ​സ് സം​ഘ​മു​ണ്ടാ​കും. എ​ന്നാ​ൽ പി​ഴ അ​ട​ച്ചു ക​ഴി​ഞ്ഞാ​ൽ യാ​ത്ര തു​ട​രാ​മെ​ന്ന സൗ​ക​ര്യം ഇ​വ​ർ​ക്കു​ണ്ട്. ആ​ദ്യ​മേ പി​ഴ​യു​മാ​യി എ​ത്തു​ന്പോ​ൾ മ​റ്റു പ​രി​ശോ​ധ​ന​ക​ളും ഉ​ണ്ടാ​കാ​റി​ല്ല. ടി​പ്പ​റു​ക​ൾ കാ​ണു​ന്പോ​ൾ പ​രി​ശോ​ധ​ന​യ്ക്കെ​ത്തു​ന്ന പോ​ലീ​സു​കാ​ർ​ക്കും മ​നം​നി​റ​ഞ്ഞു സ​ന്തോ​ഷ​മാ​യി​രി​ക്കും. പി​ഴ വാ​ങ്ങി ത​ങ്ങ​ളു​ടെ ടാ​ർ​ജ​റ്റ് വേ​ഗ​ത്തി​ൽ ല​ക്ഷ്യം ക​ട​ക്കാ​മെ​ന്ന ചി​ന്ത​യാ​ണ് പോ​ലീ​സി​ന്.