കോ​ട്ട​യ​ത്തെ പോ​ത്തി​റ​ച്ചി കൊ​തി​യ​ന്മാ​ർ​ക്ക് ആ​ശ്വ​സി​ക്കാ​ൻ വ​ക​യു​ണ്ടോ ? വി​ല കു​റ​യു​മോ കാ​ത്തി​രു​ന്നു കാ​ണാം; പന്നിയിറച്ചി വിലയിലും മുന്നിൽ കോട്ടയം

കോ​ട്ട​യം: ജി​ല്ല​യി​ൽ പോ​ത്തി​റ​ച്ചി​ക്കു ഈ​ടാ​ക്കു​ന്ന കൊ​ള്ള നി​യ​ന്ത്രി​ക്കാ​ൻ ഭ​ക്ഷ്യ​മ​ന്ത്രി​യു​ടെ മ​റു​പ​ടി​ക്കാ​യി ജി​ല്ലാ പ​ഞ്ചാ​യ​ത്ത് കാ​ത്തി​രി​ക്കു​ന്നു.

മ​റു​പ​ടി ല​ഭി​ച്ചാ​ൽ ഉ​ട​ൻ ത​ന്നെ വി​ല ഏ​കീ​ക​ര​ണ​ത്തി​നു ന​ട​പ​ടി സ്വീ​ക​രി​ക്കാ​നാ​ണ് ജി​ല്ലാ പ​ഞ്ചാ​യ​ത്ത് തീ​രു​മാ​നി​ച്ചി​രി​ക്കു​ന്ന​ത്. ജി​ല്ല​യി​ൽ പോ​ത്തി​റ​ച്ചി​യ്ക്കു 360 മു​ത​ൽ 380 രൂ​പ വ​രെ​യാ​ണ് വി​വി​ധ പ്ര​ദേ​ശ​ങ്ങ​ളി​ൽ ഈ​ടാ​ക്കു​ന്ന​ത്.

മ​റ്റു ജി​ല്ല​ക​ളെ അ​പേ​ക്ഷി​ച്ചു കോ​ട്ട​യം ജി​ല്ല​യി​ലാ​ണ് കൂ​ടു​ത​ൽ വി​ല ഈ​ടാ​ക്കു​ന്ന​തെ​ന്ന് കാ​ണി​ച്ചു മു​ള​ക്കു​ളം സ്വ​ദേ​ശി കെ.​വി. ജോ​ർ​ജ് ജി​ല്ലാ പ​ഞ്ചാ​യ​ത്ത് പ്ര​സി​ഡ​ന്‍റി​ന് നി​ർ​മ​ല ജി​മ്മിക്ക് ക​ത്തയ​ച്ചു. തു​ട​ർ​ന്ന് അ​ന്വേ​ഷ​ണം ന​ട​ത്തി​യ​ശേ​ഷം നി​ർ​മ്മ​ല ജി​മ്മി ഇ​ക്കാ​ര്യ​ത്തി​ൽ അ​ടി​യ​ന്തി​ര ന​ട​പ​ടി ആ​വ​ശ്യ​പ്പെ​ട്ട ക​ത്ത് ഉ​ൾ​പ്പ​ടെ ഭ​ക്ഷ്യ​മ​ന്ത്രി ജി.​ആ​ർ. അ​നി​ലി​ന് കൈ​മാ​റു​ക​യാ​യി​രു​ന്നു.

ഇ​ത​ര ജി​ല്ല​ക​ളി​ൽ പോ​ത്തി​റ​ച്ചി കി​ലോ​യ്ക്ക് ശ​രാ​ശ​രി 280 രൂ​പ ഈ​ടാ​ക്കു​ന്പോ​ൾ കോ​ട്ട​യം ജി​ല്ല​യി​ലെ പോ​ത്തി​റ​ച്ചി എ​ന്താ സ്വ​ർ​ണം പൂ​ശി​യ​താ​ണോ എ​ന്ന പ​രാ​മ​ർ​ശ​ത്തോ​ടെ​യാ​ണ് കെ.​വി. ജോ​ർ​ജ് നി​ർ​മ​ല ജി​മ്മി​ക്ക് ക​ത്ത് അ​യ​ച്ച​ത്.

250 രൂ​പ​യി​ൽ താ​ഴെ ഈ​ടാ​ക്കാ​വു​ന്ന കാ​ള​യി​റ​ച്ചി​യും മൂ​രി​യി​റ​ച്ചി​യും​വ​രെ ജി​ല്ല​യി​ൽ പോ​ത്തി​റ​ച്ചി എ​ന്ന ബ്രാ​ൻ​ഡി​ൽ 360-380 രൂ​പ നി​ര​ക്കി​ൽ വി​റ്റു​വ​രു​ന്ന​തി​നെ​തി​രേ​യും ന​ട​പ​ടി​യി​ല്ലെ​ന്നും ക​ത്തി​ൽ പ​റ​യു​ന്നു.

ഇ​ടു​ക്കി​യി​ൽ 300-320, എ​റ​ണാ​കു​ളം 280-300, തൃ​ശൂ​ർ 290-300, ക​ണ്ണൂ​രി​ൽ 300 രൂ​പ നി​ര​ക്കി​ലാ​ണ് വി​ൽ​പ​ന. മ​റ്റ് ജി​ല്ല​ക​ളി​ൽ പോ​ത്തി​റ​ച്ചി കൊ​ത്തി​നു​റു​ക്കി ക​റി​വ​യ്ക്കാ​ൻ പാ​ക​ത്തി​നു ന​ൽ​കു​ന്പോ​ൾ ജി​ല്ല​യി​ൽ നു​റു​ക്കാ​ൻ കി​ലോ​യ്ക്ക് പത്തു രൂ​പ അ​ധി​കം ന​ൽ​ക​ണം.

ഇ​ത​ര ജി​ല്ല​ക​ളി​ൽ എ​ന്ന​പോ​ലെ വ​ട​ക്കേ ഇ​ന്ത്യ​യി​ൽ നി​ന്നു​ൾ​പ്പെ​ടെ വി​വി​ധ സം​സ്ഥാ​ന​ങ്ങ​ളി​ൽ​നി​ന്ന് ട്രെ​യി​നു​ക​ളി​ലും ട്ര​ക്കു​ക​ളി​ലും മാ​ടു​ക​ളെ കൊ​ണ്ടു​വ​ന്ന് ത​മി​ഴ്നാ​ട്ടി​ലെ ക​ച്ച​വ​ട​ക്കാ​ർ മു​ഖേ​ന​യാ​ണു കേ​ര​ള​ത്തി​ലു​ട​നീ​ളം വി​ൽ​ക്കു​ന്ന​ത്.

ഇ​റ​ച്ചി​ക്കു മാ​ത്ര​മ​ല്ല ക​റി​യെ​ല്ലി​നും മ​റ്റ് ജി​ല്ല​ക​ളി​ല്ലാ​ത്ത നി​ര​ക്കാ​ണ് ഈ​ടാ​ക്കു​ന്ന​ത്. മ​ല​പ്പു​റം ജി​ല്ല​യി​ൽ കി​ലോ​യ്ക്ക് 250 രൂ​പ നി​ര​ക്കി​ൽ പെ​രു​ന്നാ​ൾ വേ​ള​ക​ളി​ൽ പോ​ത്തി​റ​ച്ചി വി​ൽ​ക്കു​ന്ന സാ​ഹ​ച​ര്യ​ത്തി​ലാ​ണു വി​ദേ​ശ രാ​ജ്യ​ങ്ങ​ളെ​ക്കാ​ൾ ഉയർന്ന നി​ര​ക്കി​ൽ കോ​ട്ട​യം ജി​ല്ല​യി​ലെ പോ​ത്തി​റ​ച്ചി വി​ൽ​പ​ന എ​ന്നും പ​രാ​തി​യി​ൽ പ​റ​യു​ന്നു.

പന്നിയിറച്ചി വിലയിലും മുന്നിൽ കോട്ടയം

എ​റ​ണാ​കു​ളം ജി​ല്ല​യു​ടെ വി​വി​ധ​യി​ട​ങ്ങ​ളി​ൽ എ​ല്ല് നീ​ക്കം ചെ​യ്ത് 200 രൂ​പ​യ്ക്ക് പ​ന്നി​യി​റ​ച്ചി വി​ൽ​ക്കു​ന്പോ​ൾ കോ​ട്ട​യം ജി​ല്ല​യി​ൽ എ​ല്ലു​ൾ​പ്പെ​ടെ 250-270 രൂ​പ നി​ര​ക്കി​ൽ വി​ൽ​ക്കു​ന്നു.

പ​ന്നി​യി​റ​ച്ചി​ക്കും സം​സ്ഥാ​ന​ത്ത് ഏ​റ്റ​വും ഉ​യ​ർ​ന്ന നി​ര​ക്ക് കോ​ട്ട​യം ജി​ല്ല​യി​ലാ​ണ്.എ​റ​ണാ​കു​ളം ജി​ല്ല​യി​ലെ ഫാ​മു​ക​ളി​ൽ​നി​ന്നാ​ണ് ജി​ല്ല​യി​ൽ കൂ​ടു​ത​ലാ​യി പ​ന്നി​ക​ളെ ക​ശാ​പ്പു​ശാ​ല​ക​ളി​ൽ എ​ത്തി​ക്കു​ന്ന​ത്.

ഇ​റ​ച്ചി​വി​ല​യ്ക്ക് നി​യ​ന്ത്ര​ണ​വും ഏ​കോ​പ​ന​വും ഏ​ർ​പ്പെ​ടു​ത്താ​ൻ അ​ധി​കാ​രം ജി​ല്ലാ പ​ഞ്ചാ​യ​ത്തി​നും പ്ര​സി​ഡ​ന്‍റി​നും ഉ​ണ്ടെ​ന്ന​തി​നാ​ലാ​ണ് ജോ​ർ​ജ് വി​ശ​ദ​മാ​യ ക​ത്ത് അ​യ​ച്ച​ത്.