കാലടി: മലയാറ്റൂരില് നക്ഷത്ര തടാകം മെഗാ കാര്ണിവലിന് തുടക്കമായി. മലയടിവാരത്ത് 110 ഏക്കര് വിസ്തൃതിയില് വെള്ളം നിറഞ്ഞു കിടക്കുന്ന മണപ്പാട്ട് ചിറക്ക് ചുറ്റും തെളിയിച്ചിരിക്കുന്ന 10,025 നക്ഷത്രങ്ങളാണ് കാര്ണിവലിന്റെ ആകര്ഷണം.
പുതുവര്ഷം വരെ മലയടി വാരം ഇനി ആഘോഷങ്ങള്ക്ക് വേദിയാകും. അമ്യൂസ്മെന്റ് പാര്ക്ക്, ഫുഡ് കോര്ട്ട്, സാംസ്കാരിക പരിപാടികള് എന്നിവ കാര്ണിവലിന്റെ ഭാഗമായുണ്ട്. വൈകിട്ട് 6.30 മുതല് 11:30 വരെയാണ് കാര്ണിവല് നടക്കുന്നത്. റോജി എം. ജോണ് എംഎല്എ നക്ഷത്ര തടാകത്തിന്റെ സ്വിച്ച് ഓണ് കര്മ്മം നിര്വഹിച്ചു. സംഘാടക സമിതി കണ്വീനറും മുന് പഞ്ചായത്തു പ്രസിഡന്റുമായ ജോയ് അവോക്കാരന് അധ്യക്ഷത വഹിച്ചു.
ജില്ലാ പഞ്ചായത്ത് മെമ്പര്മാരായ ഡോ. ജിന്റോ ജോണ്, അല്ഫോന്സാ ഡേവിസ്, ബ്ലോക്ക് മെമ്പര്മാരായ അനിമോള് ബേബി , കൊച്ചുത്രേസ്യ തങ്കച്ചന്, ഇന്ത്യ കോമണ്വെല്ത്ത് ട്രേഡ് കമ്മീഷണര് ഡോ. വര്ഗീസ് മൂലന് , ആലുവ റൂറല് എഎസ്പി ഹാര്ദിക് മീണ, വിമലഗിരി ചര്ച്ച് വികാരി ഫാ. പോള് പടയാട്ടില്, എസ്എന്ഡിപി യോഗം മലയാറ്റൂര് ശാഖ പ്രസിഡന്റ് എം.പി വിനയകുമാര്, മലയാറ്റൂര് ചര്ച്ച് ട്രസ്റ്റി ടിനു തറയില് എന്നിവര് സംസാരിച്ചു. തുടര്ന്ന് ഫ്ളവേഴ്സ് കേരള അവതരിപ്പിച്ച മെഗാ ഗാനമേളയുണ്ടായി.
പുതുവര്ഷ പുലരിയില് ഡിജെ സംഗീതത്തിന്റെ അകമ്പടിയോടെ കൂറ്റന് പപ്പാഞ്ഞിയെ അഗ്നിക്കരയാകും. 31ന് അര്ധരാത്രിയില് പുതുവര്ഷത്തെ എതിരേറ്റ് മെഗാ കാര്ണിവല് സമാപിക്കും. മലയാറ്റൂര് ജനകീയ വികസന സമിതിയുടെയും പഞ്ചായത്തിന്റെയും നേതൃത്വത്തില് തുടര്ച്ചയായ പതിനൊന്നാം വര്ഷമാണ് മലയാറ്റൂര് മലയടിവാരത്ത് നക്ഷത്ര തടാകം മെഗാ കാര്ണിവല് നടത്തുന്നത്.
