തിരുവനന്തപുരം: സീരിയൽ നടനും ഡബിംഗ് ആർട്ടിസ്റ്റുമായ യുവാവിനെ ആക്രമിച്ച കേസിലെ പ്രതികളെ അറസ്റ്റ് ചെയ്യാതെ പോലീസ് സംരക്ഷിക്കുന്നതായി പരാതി. പെരുന്താന്നി ചെറുവത്തൂർ മഠത്തിൽ താമസിക്കുന്ന ബിജു എസ് ഈശ്വരൻ പോറ്റിയാണ് ഇത് സംബന്ധിച്ച് പോലീസിലും കോടതിയിലും പരാതി നൽകി നീതി കാത്ത് കഴിയുന്നത്. സനൽകുമാർ എന്നയാൾക്കെതിരെയാണ് ബിജു പോലീസിലും കോടതിയിലും പരാതി നൽകിയത്.
മെഡി. കോളജ് പോലീസിലും ഉന്നത പോലീസ് ഉദ്യോഗസ്ഥർക്കും പരാതി നൽകിയിട്ടും കേസെടുക്കാത്തതിനെ തുടർന്ന് കോടതിയിൽ നൽകിയ ഹർജിയെ തുടർന്ന് കോടതി നിർദേശാനുസരണമാണ് കേസെടുത്തതെന്നാണ് ബിജുവിന്‍റെ പരാതി.
