Set us Home Page

ഡാ​മു​ക​ളി​ൽ നീ​രൊ​ഴു​ക്ക് കൂ​ടി; പീ​ച്ചി ഡാ​മി​ൽ ജ​ല​നി​ര​പ്പ് 77.45 മീ​റ്റ​റി​ലെ​ത്തി; തീ​ര​ദേ​ശ​ത്ത് താ​മ​സി​ക്കു​ന്ന​വ​ർ​ക്ക് ജാ​ഗ്ര​ത

തൃ​ശൂ​ർ: ക​ന​ത്ത മ​ഴ​യെ തു​ട​ർ​ന്ന് ഡാ​മു​ക​ളി​ലേ​ക്കു​ള്ള നീ​രൊ​ഴു​ക്ക് കൂ​ടി. ഇ​തോ​ടെ ജി​ല്ല​യി​ലെ ഡാ​മു​ക​ളി​ൽ സം​ഭ​രി​ക്കാ​വു​ന്ന വെ​ള്ള​ത്തി​ന്‍റെ മു​ക്കാ​ൽ ഭാ​ഗ​വും എ​ത്തി​ക്ക​ഴി​ഞ്ഞു. നീ​രൊ​ഴു​ക്കി​ന്‍റെ ശ​ക്തി​യു​ള്ള​തി​നാ​ൽ ഡാ​മു​ക​ൾ അ​തി​വേ​ഗ​മാ​ണ് നി​റ​ഞ്ഞു​കൊ​ണ്ടി​രി​ക്കു​ന്ന​ത്. തീ​ര​ദേ​ശ​ത്ത് താ​മ​സി​ക്കു​ന്ന​വ​ർ​ക്ക് ജാ​ഗ്ര​ത​യു​ണ്ടാ​യി​രി​ക്ക​ണ​മെ​ന്ന് ഉ​ദ്യോ​ഗ​സ്ഥ​ർ അ​റി​യി​ച്ചി​ട്ടു​ണ്ട്.

പീ​ച്ചി ഡാ​മി​ലെ ജ​ല​നി​ര​പ്പ് ഇ​ന്നു​ച്ച​യോ​ടെ 77.45 മീ​റ്റ​റി​ലെ​ത്തി. വൈ​കീ​ട്ടോ​ടെ ജ​ല​നി​ര​പ്പ് കൂ​ടും. 78 മീ​റ്റ​റി​ലെ​ത്തി​യാ​ൽ ആ​ദ്യ മു​ന്ന​റി​യി​പ്പു ന​ൽ​കും. 78.60 മീ​റ്റ​റി​ലെ​ത്തി​യാ​ൽ മൂ​ന്നാ​മ​ത്തെ മു​ന്ന​റി​യി​പ്പു ന​ൽ​കും. 79.25 മീ​റ്റ​റാ​ണ് ഡാ​മി​ലെ പ​ര​മാ​വ​ധി സം​ഭ​ര​ണ ശേ​ഷി. സം​ഭ​ര​ണ​ശേ​ഷി​യു​ടെ 74 ശ​ത​മാ​ന​ത്തോ​ളം വെ​ള്ളം നി​റ​ഞ്ഞു ക​ഴി​ഞ്ഞു. പീ​ച്ചി​യി​ൽ 86.4 മി​ല്ലി​മീ​റ്റ​ർ മ​ഴ​യാ​ണ് പെ​യ്ത​ത്. ഇ​പ്പോ​ഴും മ​ഴ തു​ട​രു​ക​യാ​ണ്.

വാ​ഴാ​നി ഡാ​മി​ൽ 77.10 ശ​ത​മാ​നം വെ​ള്ള​മാ​ണ് നി​റ​ഞ്ഞി​രി​ക്കു​ന്ന​ത്. ചി​മ്മി​നി ഡാ​മി​ൽ 60.53 ശ​ത​മാ​നം വെ​ള്ള​മെ​ത്തി​യി​ട്ടു​ണ്ട്. ഡാ​മു​ക​ൾ നി​റ​യു​ന്ന​തോ​ടെ വെ​ള്ളം ത​ട​ഞ്ഞു നി​ർ​ത്തി ഒ​റ്റ​യ​ടി​ക്ക് തു​റ​ന്നു വി​ടു​ന്ന​ത് ഒ​ഴി​വാ​ക്കി​യാ​ൽ കൂ​ടു​ത​ൽ ദു​രി​തം ഒ​ഴി​വാ​ക്കാ​നാ​കും. ക​ഴി​ഞ്ഞ വ​ർ​ഷം ഒ​റ്റ​യ​ടി​ക്ക് പീ​ച്ചി ഡാ​മി​ന്‍റെ ഷ​ട്ട​റു​ക​ൾ നി​യ​ന്ത്ര​ണ​മി​ല്ലാ​തെ കൂ​ടു​ത​ൽ ഉ​യ​ർ​ത്തി​യ​തോ​ടെ​യാ​ണ് മ​ണ​ലി​പ്പു​ഴ ക​ര​ക​വി​ഞ്ഞ് വീ​ടു​ക​ളി​ലേ​ക്കും കൃ​ഷി സ്ഥ​ല​ങ്ങ​ളി​ലേ​ക്കും വെ​ള്ളം ക​യ​റി നാ​ശ​ന​ഷ്ട​മു​ണ്ടാ​യ​ത്.

പ​ഞ്ചാ​യ​ത്തും ജ​ന​പ്ര​തി​നി​ധി​ക​ളും ഇ​ട​പെ​ട്ട് ഡാ​മു​ക​ളു​ടെ ഷ​ട്ട​റു​ക​ൾ തു​റ​ക്കു​ന്ന​തി​ൽ നി​യ​ന്ത്ര​ണം ഉ​ണ്ടാ​ക​ണ​മെ​ന്നാ​ണ് നാ​ട്ടു​കാ​രു​ടെ ആ​വ​ശ്യം. വ​രു​ന്ന വെ​ള്ള​ത്തി​ന​നു​സ​രി​ച്ച് ഷ​ട്ട​ർ തു​റ​ന്നാ​ൽ കാ​ര്യ​മാ​യ പ്ര​ശ്ന​ങ്ങ​ൾ ഉ​ണ്ടാ​കി​ല്ലെ​ന്നാ​ണ് വി​ദ​ഗ്ധാ​ഭി​പ്രാ​യം.

പെരിങ്ങൽക്കുത്തിൽ ജലനിരപ്പ് ഉയരുന്നു
ചാ​ല​ക്കു​ടി: മ​ഴ ശ​ക്ത​മാ​യ​തി​നെ തു​ട​ർ​ന്ന് പെ​രി​ങ്ങ​ൾ​ക്കു​ത്ത് ഡാ​മി​ന്‍റെ ജ​ല​നി​ര​പ്പ് ഉ​യ​ർ​ന്നു. 418.9 മീ​റ്റ​റാ​ണ് ഇ​പ്പോ​ഴ​ത്തെ ജ​ല​നി​ര​പ്പ് അ​ര​മീ​റ്റ​ർ​കൂ​ടി ഉ​യ​ർ​ന്നാ​ൽ ഷ​ട്ട​റി​ൽ​കൂ​ടെ വെ​ള്ളം ഒ​ഴു​കും. ഏ​ഴ് ഷ​ട്ട​റു​ക​ളി​ൽ​ക്കൂ​ടി 14 അ​ടി വെ​ള്ളം പു​ഴ​യി​ലേ​ക്കെ​ത്തും. നി​ല​വി​ൽ സ്‌​ലൂ​യി​സ് വാ​ൽ​വു​ക​ളി​ൽ​കൂ​ട്ടി 18 അ​ടി വെ​ള്ളം പു​റ​ത്തേ​ക്കു​വി​ടു​ന്നു​ണ്ട്.

മ​ഴ തു​ട​ർ​ന്നാ​ൽ ചാ​ല​ക്കു​ടി പു​ഴ​യി​ൽ മൂ​ന്ന​ടി വെ​ള്ളം ഉ​യ​രാ​ൻ സാ​ധ്യ​ത​യു​ണ്ട്. ഷോ​ള​യാ​ർ ഡാ​മി​ൽ 55 ശ​ത​മാ​നം വെ​ള്ള​മു​ണ്ട്. അ​പ്പ​ർ ഷോ​ള​യാ​ർ ഡാ​മി​ലെ ജ​ലി​നി​ര​പ്പ് 95 ശ​ത​മാ​ന​മാ​ണ്. ര​ണ്ടു​ശ​ത​മാ​നം​കൂ​ടി ഉ​യ​ർ​ന്നാ​ൽ ഷോ​ള​യാ​ർ ഡാ​മി​ലേ​ക്ക് വെ​ള്ളം തു​റ​ന്നു​വി​ടും. ഷോ​ള​യാ​ർ ഡാ​മി​ന്‍റെ വൃ​ഷ്ടി​പ്ര​ദേ​ശ​ത്ത് മ​ഴ​യു​ണ്ട്.

രാഷ്ട്രദീപിക വാര്‍ത്തകള്‍ ഫേസ്ബുക്കില്‍ പിന്തുടരാന്‍ ഞങ്ങളുടെ പേജ് ലൈക്ക് ചെയ്യൂ...

https://www.facebook.com/RashtraDeepika/

LATEST NEWS