ടിവി കണ്ടുകൊണ്ടിരുന്ന കുട്ടികളുടെ കണ്ണിൽ മു​ള​കു​പൊ​ടി വി​ത​റി മോ​ഷ​ണം; കുട്ടികൾ ശബ്ദമുണ്ടാക്കിയപ്പോൾ കൊല്ലാൻ ശ്രമം; ഇരുപത്തിമൂന്നുകാരൻ പോലീസ് പിടിയിൽ

ചെ​ങ്ങ​ന്നൂ​ർ : മാ​താ​പി​താ​ക്ക​ൾ വീ​ട്ടി​ലി​ല്ലാ​ത്ത സ​മ​യ​ത്ത് കു​ട്ടി​ക​ളു​ടെ ക​ണ്ണി​ൽ മു​ള​കു​പൊ​ടി വി​ത​റി ആ​ക്ര​മി​ച്ച ശേ​ഷം മോ​ഷ​ണം.​ പ്ര​തി പി​ടി​യി​ൽ. ക​ല്ലി​ശേ​രി​ൽ ഉ​മ​യാ​റ്റു​ക​ര ക​ണ്ട​ത്തി​ൽ ത​റ​യി​ൽ ജോ​ണി​ന്‍റെ മ​ക​ൻ ജി​തി​ൻ ജോ​ണി (23)നെ​യാ​ണ് പോ​ലീ​സ് അ​റ​സ്റ്റ് ചെ​യ്ത​ത്.

തി​രു​വ​ൻ​വ​ണ്ടൂ​ർ പ​ഞ്ചാ​യ​ത്ത് അ​ഞ്ചാം വാ​ർ​ഡി​ൽ തോ​ട്ടു​മു​ക്ക് ആ​ങ്ങാ​യി​ൽ​പ​ടി​യി​ൽ സു​രേ​ഷ് ബാ​ബു​വി​ന്‍റെ വീ​ട്ടി​ൽ ക​ഴി​ഞ്ഞ​ദി​വ​സം രാ​ത്രി എ​ട്ടോ​ടെ​യാ​യി​രു​ന്നു സം​ഭ​വം. മ​ക​ൾ അ​ന​ഘ, മ​ക​ൻ അ​ഖി​ലേ​ഷ് എ​ന്നി​ർ​ക്കു നേ​രെ​യാ​ണ് ആ​ക്ര​മ​ണം ഉ​ണ്ടാ​യ​ത്.

വീ​ടി​നു പി​റ​കി​ലെ ചാ​യി​പ്പി​ന്‍റെ ഗ്രി​ൽ ഡോ​ർ തു​റ​ന്ന് അ​ക​ത്തു ക​ട​ന്ന പ്ര​തി പ്ര​തി അ​ടു​ക്ക​ള​യി​ൽ നി​ന്നെ​ടു​ത്ത മു​ള​കു​പൊ​ടി ടി​വി ക​ണ്ടു​കൊ​ണ്ടി​രി​ക്കു​ക​യാ​യി​രു​ന്ന കു​ട്ടി​ക​ളു​ടെ ക​ണ്ണി​ൽ മു​ള​കു​പൊ​ടി വി​ത​റു​ക​യാ​യി​രു​ന്നു.​

കു​ട്ടി​ക​ൾ നി​ല​വി​ളി​ക്കു​ക​യും മു​റി​ക്കു​ള്ളി​ൽ വെ​പ്രാ​ളം കൊ​ണ്ട് ഓ​ടി ന​ട​ന്ന് ബ​ഹ​ളം വ​ച്ചു. പ്ര​തി വീ​ണ്ടും ഇ​വ​രു​ടെ പി​ന്നാ​ലെ പാ​ഞ്ഞ​ടു​ത്തു ത​ല​യി​ലും മു​ഖ​ത്തും മു​ള​ക് പൊ​ടി പ്ര​യോ​ഗം ന​ട​ത്തി ഉ​പ​ദ്ര​വി​ച്ചു. ഇ​തി​നി​ട​യി​ൽ അ​ന​ഘ​യു​ടെ ക​ഴു​ത്തി​നു കു​ത്തി​പ്പി​ടി​ച്ച് ശ്വാ​സം മു​ട്ടി​ച്ച് കൊ​ല്ലാ​ൻ ശ്ര​മി​ച്ച​താ​യി കു​ട്ടി പൊ​ലീ​സി​ൽ മൊ​ഴി ന​ൽ​കി​യി​ട്ടു​ണ്ട്.

ഇ​തേ തു​ട​ർ​ന്നു അ​ഖി​ലേ​ഷ് പ്ര​തി​യു​മാ​യി ഏ​ക​ദേ​ശം 15 മി​നി​ട്ടോ​ളം നീ​ണ്ട സം​ഘ​ട്ട​ന​ത്തി​ൽ പ്ര​തി വീ​ടി​ന്‍റെ അ​ടു​ക്ക​ള (ചാ​യി​പ്പ്) വാ​തി​ലി​ലൂ​ടെ ഇ​റ​ങ്ങി ഓ​ടു​ക​യാ​യി​രു​ന്നു. ചാ​ർ​ജ് ചെ​യ്യാ​ൻ വ​ച്ചി​രു​ന്ന സ്മാ​ർ​ട്ട് ഫോ​ണും കൈ​ക്ക​ലാ​ക്കി​യാ​ണ് പ്ര​തി ര​ക്ഷ​പെ​ട്ട​ത്.

സ്വ​ർ​ണ്ണ​വും പ​ണ​വും ന​ഷ്‌​ട​മാ​യോ എ​ന്ന് കൂ​ടു​ത​ൽ അ​ന്വേ​ഷ​ണ​ത്തി​ലെ അ​റി​യാ​ൻ ക​ഴി​യൂ. അ​ഖി​ലേ​ഷി​ന്‍റെ കാ​ലി​നും കൈ​യ്ക്കും പ​രി​ക്കു​ണ്ട്. കാ​ലി​ന്‍റെ എ​ല്ലി​ന് പൊ​ട്ട​ലു​ണ്ടാ​യ​തി​നെ​ത്തു​ട​ർ​ന്ന് ഗ​വ. ജി​ല്ലാ​ആ​ശു​പ​ത്രി​യി​ൽ ചി​കി​ത്സ തേ​ടി.

സ​ഹോ​ദ​ര​ന്‍റെ സ​മ​യോ​ചി​ത​മാ​യ ഇ​ട​പെ​ട​ലി​ലൂ​ടെ ജീ​വ​ൻ തി​രി​കെ ല​ഭി​ച്ചു എ​ന്ന് അ​ന​ഘ പ​റ​ഞ്ഞു. വാ​ർ​ഡ് അം​ഗം ഗീ​താ സു​രേ​ന്ദ്ര​നാ​ണ് പോ​ലീ​സി​ൽ വി​വ​രം അ​റി​യി​ച്ച​ത്. പോ​ലീ​സ് എ​ത്തി കു​ട്ടി​ക​ളു​ടെ മൊ​ഴി രേ​ഖ​പ്പെ​ടു​ത്തി.

ചെ​ങ്ങ​ന്നൂ​ർ സി​ഐ എം. ​സു​ധി​ലാ​ലി​ന്‍റെ നേ​തൃ​ത്വ​ത്തി​ലു​ള്ള സം​ഘം പ്ര​തി​യെ അ​റ​സ്റ്റു ചെ​യ്യു​ക​യാ​യി​രു​ന്നു. ഇ​യാ​ൾ വി​വി​ധ കേ​സു​ക​ളി​ൽ ശി​ക്ഷ അ​നു​ഭ​വി​ച്ച​യാ​ളാ​ണ്.