മു​ള്ള​രി​ങ്ങാ​ട് കാ​ട്ടാ​ന മ​രം മ​റി​ച്ച് വീ​ടു ത​ക​ര്‍​ത്തു; ഒ​ഴി​വാ​യ​ത് വ​ലി​യ അ​പ​ക​ടം; പ്ര​ദേ​ശ​ത്ത് ത​മ്പ​ടി​ച്ചി​രി​ക്കു​ന്ന​ത് 8 കാ​ട്ടാ​ന​ക​ള്‍

തൊ​ടു​പു​ഴ: വ​ണ്ണ​പ്പു​റം പ​ഞ്ചാ​യ​ത്തി​ലെ മു​ള്ള​രി​ങ്ങാ​ട് അ​മ​യ​ല്‍​തൊ​ട്ടി​ക്കു സ​മീ​പം ജ​ന​വാ​സ​മേ​ഖ​ല​യി​ലി​റ​ങ്ങി​യ കാ​ട്ടാ​ന വീ​ട് ത​ക​ര്‍​ത്തു. കൂ​റ്റ​ന്‍ മ​രം കാ​ട്ടാ​ന വീ​ടി​നു മു​ക​ളി​ലേ​ക്ക് മ​റി​ച്ചി​ട്ട​തി​നെത്തു​ട​ര്‍​ന്നാ​ണ് വീ​ടു ത​ക​ര്‍​ന്ന​ത്. അ​മ​യ​ല്‍​തൊ​ട്ടി ന​രി​തൂ​ക്കി​ല്‍ ജോ​ണി ആ​ന്‍റ​ണി​യു​ടെ വീ​ടാ​ണ് ത​ക​ര്‍​ന്ന​ത്. ഇ​ന്ന​ലെ പു​ല​ര്‍​ച്ചെ നാ​ല​ര​യോ​ടെ​യാ​യി​രു​ന്നു സം​ഭ​വം.

ഈ സ​മ​യം വീ​ട്ടി​ല്‍ ആ​രു​മി​ല്ലാ​തി​രു​ന്ന​തി​നാ​ല്‍ വ​ലി​യ അ​പ​ക​ട​മാ​ണ് ഒ​ഴി​വാ​യ​ത്. ജോണിയും ഭാര്യയും വി​ദേ​ശ​ത്തുനി​ന്നു നാ​ട്ടി​ലെ​ത്തി​യ മ​ക​ന്‍റെ വീ​ട്ടി​ലായിരുന്നതിനാലാണ് ര​ക്ഷ​പ്പെ​ട്ട​ത്. വ​ലി​യതോ​തി​ല്‍ കാ​ട്ടാ​ന ഭീ​ഷ​ണി നി​ലനി​ല്‍​ക്കു​ന്ന​യി​ട​മാ​ണ് മു​ള്ള​രി​ങ്ങാ​ട് മേ​ഖ​ല.സ​മീ​പ​ത്തു​ള്ള ഫെ​ന്‍​സിം​ഗ് ത​ക​ര്‍​ത്ത് കൃ​ഷി​യി​ട​ത്തി​ല്‍ പ്ര​വേ​ശി​ക്കു​ന്ന​തി​നാ​യി ആ​ന മ​രം മ​റി​ച്ചി​ട്ട​താ​യാ​ണ് ക​രു​തു​ന്ന​ത്.

മ​രം വീ​ണ് വൈ​ദ്യു​ത വേ​ലി​യും ത​ക​ര്‍​ന്നി​ട്ടു​ണ്ട്. ഒ​ട്ടേ​റെ മ​ര​ങ്ങ​ളും കാ​ര്‍​ഷി​ക വി​ള​ക​ളും ത​ക​ര്‍​ത്ത ശേ​ഷ​മാ​ണ് കാ​ട്ടാ​ന​ക്കൂ​ട്ടം പി​ന്‍​വാ​ങ്ങി​യ​ത്. പ്ര​ദേ​ശ​ത്ത് കാ​ട്ടാ​നശ​ല്യം രൂ​ക്ഷ​മാ​ണെ​ങ്കി​ലും ഇ​തി​നെ പ്ര​തി​രോ​ധി​ക്കാ​ന്‍ വ​നം​വ​കു​പ്പ് ക്രി​യാ​ത്മ​ക ഇ​ട​പെ​ട​ല്‍ ന​ട​ത്തു​ന്നി​ല്ലെ​ന്ന ആ​ക്ഷേ​പം ശ​ക്ത​മാ​ണ്.
2024 ഡി​സം​ബ​ര്‍ 29ന് ​അ​മ​യ​ല്‍​തൊ​ട്ടി സ്വ​ദേ​ശി പാ​ലി​യ​ത്ത് ഇ​ബ്രാ​ഹി​മി​ന്‍റെ മ​ക​ന്‍ അ​മ​ര്‍ ഇ​ബ്രാ​ഹിം കാ​ട്ടാ​ന ആ​ക്ര​മ​ണ​ത്തി​ല്‍ കൊ​ല്ല​പ്പെ​ടു​ക​യും സു​ഹൃ​ത്ത് ബ്ലാ​ങ്ക​ര​യി​ല്‍ മ​ന്‍​സൂ​റി​ന് പ​രി​ക്കേ​ല്‍​ക്കു​ക​യും ചെ​യ്തി​രു​ന്നു. ഇ​വി​ടെനി​ന്ന് അ​രക്കി​ലോ​മീ​റ്റ​ര്‍ ദൂ​ര​ത്താ​ണ് ഇ​പ്പോ​ള്‍ കാ​ട്ടാ​ന ആ​ക്ര​മ​ണ​മു​ണ്ടാ​യ പ്ര​ദേ​ശം.

മ​രം വീ​ഴു​ന്ന വ​ലി​യ ശ​ബ്ദം കേ​ട്ടെ​ങ്കി​ലും ഭീ​തിമൂ​ലം ആ​ളു​ക​ള്‍ പു​റ​ത്തി​റ​ങ്ങി​യി​ല്ല. നേ​രം പു​ല​ര്‍​ന്ന​തി​നുശേ​ഷം പ്ര​ദേ​ശ​വാ​സി​ക​ള്‍ എ​ത്തി​യ​പ്പോ​ഴാ​ണ് വീ​ട് ത​ക​ര്‍​ന്നതായി ക​ണ്ട​ത്.ക​ഴി​ഞ്ഞ ഡി​സം​ബ​റി​ല്‍ ഡെ​യ്ഞ്ച​ര്‍ പെ​റ്റീ​ഷ​ന്‍ സ്‌​കീ​മി​ല്‍ ഉ​ള്‍​പ്പെ​ടു​ത്തി അ​പ​ക​ട​ക​ര​മാ​യ രീ​തി​യി​ല്‍ നി​ല്‍​ക്കു​ന്ന മ​ര​ങ്ങ​ള്‍ മു​റി​ച്ചുനീ​ക്ക​ണ​മെ​ന്നാ​വ​ശ്യ​പ്പെ​ട്ട് മു​ള്ള​രി​ങ്ങാ​ട് റേ​ഞ്ച് ഓ​ഫീ​സി​ല്‍ നാ​ട്ടു​കാ​ര്‍ പ​രാ​തി ന​ല്‍​കി​യെ​ങ്കി​ലും അ​ധി​കൃ​ത​ര്‍ ന​ട​പ​ടി സ്വീ​ക​രി​ച്ചി​ല്ലെ​ന്നും ആ​രോ​പ​ണ​മു​ണ്ട്.

നാ​ട്ടു​കാ​ര്‍ പ്ര​തി​ഷേ​ധ​മു​യ​ര്‍​ത്തി​യ​തി​നെത്തു​ട​ര്‍​ന്ന് കോ​ത​മം​ഗ​ലം ഡി​എ​ഫ്ഒ സു​ര​ജ് ബെ​ന്‍, ത​ല​ക്കോ​ട് റേ​ഞ്ച് ഓ​ഫീ​സ​ര്‍ ഉ​ള്‍​പ്പെ​ടെ​യു​ള്ള വ​നം ഉ​ദ്യോ​ഗ​സ്ഥ​ര്‍ സ്ഥ​ല​ത്തെ​ത്തി പ​ഞ്ചാ​യ​ത്ത് പ്ര​സി​ഡ​ന്‍റ് ജോ​സ​ഫ് അ​റ​യ്ക്ക​ത്തോ​ട്ടം, മെം​ബ​ര്‍​മാ​രാ​യ ഷാ​മി​ന ഹ​ബീ​ബ്, ടി.​യു. ജോ​സ്, ജി​ജോ ജോ​സ​ഫ് അ​ട​ക്ക​മു​ള്ള ജ​ന​പ്ര​തി​നി​ധി​ക​ളു​മാ​യി ച​ര്‍​ച്ച ന​ട​ത്തി.

ത​ക​ര്‍​ന്ന വീ​ടി​ന്‍റെ അ​റ്റ​കു​റ്റ​പ്പ​ണി ന​ട​ത്തി ന​ല്‍​കാ​മെ​ന്ന് വ​നം ഉ​ദ്യോ​ഗ​സ്ഥ​ര്‍ രേ​ഖാമൂ​ലം ഉ​റ​പ്പു ന​ല‍​കി​യ​താ​യി പ​ഞ്ചാ​യ​ത്ത് പ്ര​സി​ഡന്‍റ് പ​റ​ഞ്ഞു. ജി​ല്ലാ ക​ള​ക്ട​റു​ടെ ദു​ര​ന്തനി​വാ​ര​ണ ഫ​ണ്ടി​ല്‍നി​ന്നു ന​ഷ്ട​പ​രി​ഹാ​രം ല​ഭി​ക്കു​ന്ന​തി​നാ​യി ക​ത്ത് ന​ല്‍​കാ​മെ​ന്നും അ​പ​ക​ട​ക​ര​മാ​യ മ​ര​ങ്ങ​ള്‍ മു​റി​ച്ചു നീ​ക്കാ​മെ​ന്നും ഉ​റ​പ്പു ന​ല്‍​കി​യ​തി​നെത്തു​ട​ര്‍​ന്ന് നാ​ട്ടു​കാ​ര്‍ പ്ര​തി​ഷേ​ധ​ത്തി​ല്‍നി​ന്നും താ​ത്കാ​ലി​ക​മാ​യി പി​ന്മാ​റു​ക​യാ​യി​രു​ന്നു.

 ഫെ​ന്‍​സിം​ഗ് ത​ക​ര്‍​ത്ത് ജ​ന​വാ​സ​മേ​ഖ​ല​യി​ല്‍ ത​ങ്ങു​ന്ന കാ​ട്ടാ​ന​യെ ഉ​ട​ന്‍ തു​ര​ത്താ​നും വ​നം​വ​കു​പ്പ് ആ​ലോ​ചി​ക്കു​ന്നു​ണ്ട്.ആ​ന​ക്കൂ​ട്ട​ത്തെ നി​രീ​ക്ഷി​ക്കാ​ന്‍ പ്ര​ത്യേ​ക സം​ഘ​ത്തെ​യും നി​യോ​ഗി​ക്കും.