ചങ്ങനാശേരി: മാടപ്പള്ളി പഞ്ചായത്തിലെ തൊഴിലുറപ്പ് പദ്ധതിയുടെ ഓഫീസിൽ ഫയലുകൾക്കകത്ത് പാന്പ്.
പഞ്ചായത്ത് ഓഫീസിനോടു ചേർന്ന എൻആർഇജി കേന്ദ്രത്തിലെ ഫയലുകൾക്ക് ഇടയിലാണ് പാന്പിനെ കണ്ടത്.
ജീവനക്കാരൻ ഫയൽ എടുക്കാൻ ശ്രമിച്ചപ്പോൾ അനക്കം കേട്ടു കൂടുതൽ പരിശോധിച്ചപ്പോഴാണ് മൂർഖൻ പാന്പിനെ കണ്ടത്. ഇതോടെ ജീവനക്കാർ പരിഭ്രാന്തിയിലായി.
പഞ്ചായത്ത് സമിതി യോഗത്തിന് എത്തിയ ജനപ്രതിനിധികളും വിവിധ ആവശ്യങ്ങൾക്കായി ഓഫീസിലെത്തിയവരും മൂർഖനെ കണ്ടു ഭയപ്പാടിലായി.
ഇന്നലെ രാവിലെ 10നാണ് സംഭവം. പഞ്ചായത്ത് വികസനകാര്യ സ്റ്റാൻഡിംഗ് കമ്മിറ്റി ചെയർമാൻ പി.എ. ബിൻസണ്‍, പഞ്ചായത്തംഗം പി.എം. നൗഫൽ എന്നിവർ വിവരമറിയിച്ചതിനെത്തുടർന്ന് കോട്ടയത്തെ സിവിൽ പോലീസ് ഓഫീസറും വനം വകുപ്പിന്‍റെ അംഗീകൃത റെസ്ക്യൂവറുമായ മുഹമ്മദ് ഷെബിൻ സ്ഥലത്തെത്തി പാന്പിനെ പിടികൂടി.
പാന്പിനെ വനം വകുപ്പിന്‍റെ പാറന്പുഴ ഓഫീസിൽ കൈമാറും.
ഇഴജന്തുക്കളെ കണ്ടാൽ വിളിക്കേണ്ട നന്പർ.
ഫോറസ്റ്റ് ഡിവിഷൻ, കോട്ടയം : 9447979043.
അബീഷ്, ഫോറസ്റ്റ് വാച്ചർ : 89432 49386.
മുഹമ്മദ് ഷെബിൻ, സിവിൽ പോലീസ് ഓഫീസർ, കോട്ടയം: 9847482522.
