Set us Home Page

ഈ ഒപ്പ് വ്യാജമല്ല; പാ​ട​ങ്ങ​ളിൽ നിന്നും ഭ​വ​ന​ങ്ങ​ളി​ൽ​നി​ന്നും നെ​ല്ല്  സം​ഭ​രി​ക്കുമെന്ന് കർഷകർക്ക്  രേഖാമൂലം  മറുപടി നൽകി സപ്ലൈകോ എംഡി


പാ​ല​ക്കാ​ട്: ജി​ല്ല​യി​ൽ ഉ​ത്പാ​ദി​പ്പി​ക്കു​ന്ന നെ​ല്ല് ക​ർ​ഷ​ക​രു​ടെ പാ​ട​ത്തു​നി​ന്നോ ഭ​വ​ന​ങ്ങ​ളി​ൽ​നി​ന്നോ സം​ഭ​രി​ക്കു​മെ​ന്ന് സ​പ്ലൈ​കോ എം​ഡി ജി​ല്ല​യി​ലെ ക​ർ​ഷ​ക സം​ഘ​ട​നാ പ്ര​തി​നി​ധി​ക​ൾ​ക്കു രേ​ഖാ​മൂ​ലം ന​ല്കി​യ മ​റു​പ​ടി​യി​ൽ വ്യ​ക്ത​മാ​ക്കി.

നെ​ല്ലി​ന്‍റെ ക​യ​റ്റു​കൂ​ലി ക​ർ​ഷ​ക​രി​ൽ​നി​ന്നു ഈ​ടാ​ക്ക​രു​തെ​ന്നു കാ​ട്ടി ക​ർ​ഷ​ക സം​ഘ​ട​നാ​പ്ര​തി​നി​ധി​ക​ൾ ഹൈ​ക്കോ​ട​തി​യി​ൽ റി​ട്ട് പെ​റ്റീ​ഷ​ൻ ന​ല്കു​ക​യും ക​ർ​ഷ​ക​ർ​ക്ക് അ​നു​കൂ​ല​മാ​യ ഉ​ത്ത​ര​വ് കോ​ട​തി​യി​ൽ​നി​ന്ന് നേ​ടു​ക​യും ചെ​യ്തു.

ഈ ​ഉ​ത്ത​ര​വ് അ​നു​സ​രി​ച്ച് നെ​ല്ലി​ന്‍റെ ക​യ​റ്റു​കൂ​ലി ന​ല്കേ​ണ്ട​ത് അ​രി​മി​ല്ലു​കാ​രോ കോ​ർ​പ​റേ​ഷ​നോ ആ​ണെ​ന്ന് കോ​ട​തി വ്യ​ക്ത​മാ​ക്കി​യി​ട്ടു​ണ്ട്.

ഇ​തി​ന്‍റെ പ​ക​പോ​ക്ക​ൽ എ​ന്ന നി​ല​യ്ക്ക് പാ​ഡി മാ​ർ​ക്ക​റ്റിം​ഗ് ഓ​ഫീ​സ​ർ നി​ശ്ച​യി​ക്കു​ന്ന സം​ഭ​ര​ണ​കേ​ന്ദ്ര​ത്തി​ൽ ക​ർ​ഷ​ക​ർ അ​വ​രു​ടെ ഉ​ത്ത​ര​വാ​ദി​ത്വ​ത്തി​ൽ നെ​ല്ല് എ​ത്തി​ച്ചു​ന​ല്ക​ണ​മെ​ന്ന് പാ​ല​ക്കാ​ട്ടെ പാ​ഡി മാ​ർ​ക്ക​റ്റിം​ഗ് ഓ​ഫീ​സ​ർ നി​ർ​ദേ​ശി​ച്ചി​രു​ന്നു.

ഇ​തി​നെ​തി​രാ​യി ക​ർ​ഷ​ക സം​ഘ​ട​നാ​പ്ര​തി​നി​ധി​ക​ൾ മു​ഖ്യ​മ​ന്ത്രി, ഭ​ക്ഷ്യ​സി​വി​ൽ സ​പ്ലൈ​സ് മ​ന്ത്രി, കൃ​ഷി​മ​ന്ത്രി, സ​പ്ലൈ​കോ എം​ഡി എ​ന്നി​വ​ർ​ക്ക് ഓ​ഗ​സ്റ്റ് മൂ​ന്നി​നു ന​ല്കി​യ പ​രാ​തി​ക്കു മ​റു​പ​ടി​യാ​യാ​ണ് കേ​ന്ദ്ര​സ​ർ​ക്കാ​ർ നി​ബ​ന്ധ​ന​പ്ര​കാ​രം നി​ശ്ചി​ത സം​ഭ​ര​ണ​കേ​ന്ദ്ര​ത്തി​ൽ ക​ർ​ഷ​ക​ർ നെ​ല്ല് എ​ത്തി​ച്ച് ന​ല്കേ​ണ്ട​തും അ​വി​ടെ​നി​ന്നും സം​ഭ​ര​ണം സ​ർ​ക്കാ​ർ,

ഏ​ജ​ൻ​സി ന​ട​ത്തേ​ണ്ട​തു​മാ​ണെ​ന്ന നി​ർ​ദേ​ശ​മു​ണ്ടാ​യ​ത്. എ​ന്നാ​ൽ കേ​ര​ള​ത്തി​ലെ നി​ല​വി​ലെ പ്ര​കൃ​തി​ക്കും ക​ർ​ഷ​ക​രു​ടെ സൗ​ക​ര്യ​ത്തി​നും അ​നു​സ​രി​ച്ചും നെ​ല്ലു​സം​ഭ​ര​ണ​ത്തി​ന് നി​ല​വി​ൽ അ​നു​വ​ർ​ത്തി​ക്കു​ന്ന രീ​തി​ക്കു മാ​റ്റം​വ​രു​ത്താ​ൻ സ​പ്ലൈ​കോ ത​ത്കാ​ലം ഉ​ദ്ദേ​ശി​ക്കു​ന്നി​ല്ലെ​ന്ന് അ​റി​യി​ച്ചു​ള്ള മ​റു​പ​ടി​യാ​ണ് സ​പ്ലൈ​കോ അ​ധി​കൃ​ത​രി​ൽ​നി​ന്നും ക​ർ​ഷ​ക​പ്ര​തി​നി​ധി​ക​ൾ​ക്ക് ല​ഭി​ച്ചി​ട്ടു​ള്ള​ത്.

ഇ​ത​നു​സ​രി​ച്ച് ജി​ല്ല​യി​ൽ ക​ർ​ഷ​ക​രു​ടെ പാ​ട​ത്തു​നി​ന്നോ ഭ​വ​ന​ങ്ങ​ളി​ൽ​നി​ന്നോ നെ​ല്ലു​കൊ​ണ്ടു​പോ​കാ​ൻ സം​ഭ​ര​ണ ഏ​ജ​ൻ​സി​ക്ക് ബാ​ധ്യ​ത​യു​ണ്ട്. ഇ​ക്കാ​ര്യ​ങ്ങ​ൾ വി​ല​യി​രു​ത്തു​ന്ന​തി​നു വി​വി​ധ ക​ർ​ഷ​ക സം​ഘ​ട​നാ​പ്ര​തി​നി​ധി​ക​ളു​ടെ യോ​ഗം ഇ​ന്ന​ലെ ചേ​ർ​ന്നു.

ജി​ല്ല​യി​ൽ കൊ​യ്ത്തു സ​ജീ​വ​മാ​യ സാ​ഹ​ച​ര്യ​ത്തി​ൽ നെ​ല്ലു​സം​ഭ​ര​ണം ഉ​ട​നേ തു​ട​ങ്ങ​ണ​മെ​ന്നും നെ​ല്ലി​ന്‍റെ ക​യ​റ്റു​കൂ​ലി കോ​ട​തി ഉ​ത്ത​ര​വു​പ്ര​കാ​രം മി​ല്ലു​കാ​രോ കോ​ർ​പ​റേ​ഷ​നോ വ​ഹി​ക്ക​ണ​മെ​ന്നും യോ​ഗം അ​ഭി​പ്രാ​യ​പ്പെ​ട്ടു.

ഇ​തി​നു ത​ട​സ​മാ​യി നി​ല്ക്കു​ന്ന​വ​ർ​ക്കെ​തി​രേ കോ​ർ​ട്ട് അ​ല​ക്ഷ്യ​ത്തി​നു ന​ട​പ​ടി​യെ​ടു​ക്കാ​ൻ വീ​ണ്ടും കോ​ട​തി​യെ സ​മീ​പി​ക്കു​മെ​ന്നും യോ​ഗം മു​ന്ന​റി​യി​പ്പു​ന​ല്കി.

മു​ത​ലാം​തോ​ട് മ​ണി- ദേ​ശീ​യ ക​ർ​ഷ​ക​സ​മാ​ജം, കെ.​വേ​ണു- ക​ർ​ഷ​ക​മോ​ർ​ച്ച, തോ​മ​സ് ജോ​ണ്‍- കേ​ര​ള ക​ർ​ഷ​ക യൂ​ണി​യ​ൻ-​എം, കെ.​ശി​വാ​ന​ന്ദ​ൻ (നെന്മേനി നെ​ല്ലു​ത്പാ​ദ​ക സം​ഘം), വി.​ശി​വ​ദാ​സ്- കി​സാ​ൻ സം​ഘ്, വി.​എ​സ്.​സ​ജീ​ഷ്- ക​ർ​ഷ​ക മു​ന്നേ​റ്റം എ​ന്നി​വ​രാ​ണ് കോ​ട​തി​യെ സ​മീ​പി​ച്ച​തും മു​ഖ്യ​മ​ന്ത്രി ഉ​ൾ​പ്പെ​ടെ​യു​ള്ള മ​ന്ത്രി​മാ​ർ​ക്ക് പ​രാ​തി ന​ല്കി​യ​തും. യോ​ഗ​ത്തി​ൽ മു​ത​ലാം​തോ​ട് മ​ണി അ​ധ്യ​ക്ഷ​ത വ​ഹി​ച്ചു.

Leave a Reply

Your email address will not be published. Required fields are marked *

LATEST NEWS