അപകടം സംഭവിക്കുമ്പോൾ മാത്രം കണ്ണുതുറക്കുന്ന അധികാരികൾ; സ്ലാ​ബി​ല്ലാ​ത്ത കാ​ന​യ്ക്കു​ള്ളി​ൽ വീ​ണ്  വി​ദ്യാ​ർ​ഥി​നി​യു​ടെ കാ​ലൊ​ടി​ഞ്ഞു

സ്വ​ന്തം ലേ​ഖ​ക​ൻ
തൃ​ശൂ​ർ: സ്ലാ​ബി​ല്ലാ​ത്ത കാ​ന​യ്ക്കു​ള്ളി​ൽ വീ​ണ് പ​ത്താം​ക്ലാ​സ് വി​ദ്യാ​ർ​ഥിനി​യു​ടെ വ​ല​തു​കാ​ലൊ​ടി​ഞ്ഞു. തൃ​ശൂ​ർ ഹോ​ളി​ഫാ​മി​ലി സ്കൂ​ളി​ലെ വി​ദ്യാ​ർ​ഥിനി​യും കോ​ല​ഴി മാ​ങ്കു​റ്റിപ്പ​റ​ന്പി​ൽ സു​ഭാ​ഷ് – ​സൗ​മ്യ ദ​ന്പ​തി​ക​ളു​ടെ മ​ക​ളു​മാ​യ ന​ന്ദ​ന​യാ​ണ് (15) അ​പ​ക​ട​ത്തി​ൽ പെ​ട്ട​ത്.

ഇ​ന്ന​ലെ രാ​വി​ലെ ഒ​ന്പ​ത​ര​യോ​ടെ സ്കൂ​ളി​നു പി​ൻ​വ​ശ​ത്തെ ഗേ​റ്റി​ന് എ​തി​ർ​വ​ശ​ത്താ​യിരുന്നു അ​പ​ക​ടം. ന​ന്ദ​ന​യെ അ​മ്മ സൗ​മ്യ ഇ​രു​ച​ക്ര​വാ​ഹ​ന​ത്തി​ൽ കൊ​ണ്ടു​വ​ന്ന് പി​ൻ​വ​ശ​ത്തെ ഗേ​റ്റി​നു സ​മീ​പം ഇ​റ​ക്കി​യ​ശേ​ഷം ന​ന്ദ​ന ര​ണ്ട​ടി മു​ന്നോ​ട്ടു ന​ട​ന്ന​പ്പോ​ഴാ​യി​രു​ന്നു കാ​ന​യി​ലേ​ക്കു വീ​ണ​ത്.

മ​ക​ളെ ഇ​റ​ക്കി വ​ണ്ടി തി​രി​ച്ച​യു​ട​നെ​യാ​ണ് സൗ​മ്യ മ​ക​ളു​ടെ നി​ല​വി​ളി കേ​ട്ട് തി​രി​ഞ്ഞു നോ​ക്കി​യ​ത്. അ​പ്പോ​ഴേ​ക്കും ന​ന്ദ​ന കാ​ന​യ്ക്കു​ള്ളി​ലേ​ക്കു പൂ​ർ​ണ​മാ​യും വീ​ണു ക​ഴി​ഞ്ഞി​രു​ന്നു. പ​ക​ച്ചു​പോ​യ സൗമ്യ വ​ണ്ടി​യി​ൽ നി​ന്നി​റ​ങ്ങി കാ​ന​ക്ക​രി​കി​ലെ​ത്തി​യ​പ്പോ​ൾ ന​ന്ദ​ന കാ​ന​യ്ക്കു​ള്ളി​ൽ കു​നി​ഞ്ഞി​രി​ക്കു​ക​യാ​യി​രു​ന്നു.

ഒ​റ്റ​യ്ക്ക് മ​ക​ളെ കാ​ന​യ്ക്കു പു​റ​ത്തെ​ത്തി​ക്കാ​ൻ ക​ഴി​യാ​തി​രു​ന്ന സൗ​മ്യ​ക്ക​രി​കി​ലേ​ക്ക് അ​പ്പോ​ഴേ​ക്കും അ​തു​വ​ഴി പോ​യി​രു​ന്ന​വ​രും ചുമട്ടുതൊഴിലാ ളികളും ഓ​ടി​യെ​ത്തി. ഇ​വ​രെ​ല്ലാം ചേ​ർ​ന്ന് ന​ന്ദ​ന​യെ കാ​ന​യ്ക്ക് പു​റ​ത്തെ​ത്തിച്ചു.

കാ​ന​യി​ൽ വെ​ള്ള​മു​ണ്ടാ​യി​രു​ന്നി​ല്ലെ​ങ്കി​ലും ചെ​റി​യ തോ​തി​ൽ ചെ​ളി​യു​ണ്ടാ​യി​രു​ന്നു. ന​ന്ദ​ന​യ്ക്കു വ​ല​തു​കാ​ൽ നി​ല​ത്തു​കു​ത്താ​ൻ ക​ഴി​യാ​ത്ത സ്ഥി​തി​യാ​യി​രു​ന്നു. “എ​ന്‍റെ കാ​ലുപോ​യേ’ എ​ന്ന് ന​ന്ദ​ന നില​വി​ളി​ക്കു​ന്നു​മു​ണ്ടാ​യി​രു​ന്നു. ഉ​ട​നെ അ​മ്മ സൗ​മ്യ​യും മ​റ്റു​ള്ള​വ​രും ചേ​ർ​ന്ന് തൃ​ശൂ​ർ അ​ശ്വ​നി ആ​ശു​പ​ത്രി​യി​ലെ​ത്തി​ച്ചു.

കാ​ലി​ന്‍റെ എ​ല്ലു​ക​ൾ​ക്കു ര​ണ്ടു പൊ​ട്ട​ലു​ണ്ടെ​ന്നു പ്രാ​ഥ​മി​ക പ​രി​ശോ​ധ​ന​യി​ലും എ​ക്സ്റേ എ​ടു​ത്ത​തി​ലും മ​ന​സി​ലാ​യി. തു​ട​ർ​ന്ന് കോ​വി​ഡ് ആ​ർ​ടി​പി​സി​ആ​ർ ടെ​സ്റ്റ് അ​ട​ക്ക​മു​ള്ള​വ ന​ട​ത്തി​യ ശേ​ഷം വൈ​കീ​ട്ട് ശ​സ്ത്ര​ക്രി​യ ന​ട​ത്തി. ഡോ​ക്ട​ർ​മാ​ർ ര​ണ്ടാ​ഴ്ച​ത്തെ വി​ശ്ര​മം നി​ർ​ദേശി​ച്ചി​ട്ടു​ണ്ട്.

സ്കൂ​ൾ ഗേ​റ്റി​നോ​ടു ചേ​ർ​ന്നു​ള​ള കാ​നകളെ​ല്ലാം സ്ലാ​ബി​ട്ട് മൂ​ടി​യി​രു​ന്നെ​ങ്കി​ലും എ​തി​ർ​വ​ശ​ത്തെ കാ​ന​യാ​ണ് സ്ലാ​ബി​ല്ലാ​തെ അ​പ​ക​ട​ക്കെ​ണി​യൊ​രു​ക്കി​യ​ത്.ന​ന്ദ​ന​യു​ടെ അ​ച്ഛ​ൻ സു​ഭാ​ഷ് ദു​ബാ​യി​ലാ​ണ്. അ​മ്മ സൗ​മ്യ തൃ​ശൂ​രി​ൽ സ്വ​കാ​ര്യ മൊ​ബൈ​ൽ ക​ന്പ​നി​യി​ൽ ജീ​വ​ന​ക്കാ​രി​യാ​ണ്.

സൂ​ക്ഷി​ക്കു​ക..​ന​ട​ക്കു​ന്പോ​ൾകാ​ന​യി​ലൊ​രു ക​ണ്ണു വേ​ണം…
ന​ഗ​ര​ത്തി​ലൂ​ടെ ന​ട​ക്കു​ന്ന​വ​ർ സൂ​ക്ഷി​ക്കു​ക…​ കാ​ന​യി​ലൊ​രു ക​ണ്ണു​വേ​ണം…​അ​ല്ലെ​ങ്കി​ൽ ഒ​രു പ​ക്ഷേ, നി​ങ്ങ​ളും കാ​ന​യി​ൽ വീ​ണേ​ക്കാം.

ഇ​ന്ന​ലെ ഹോ​ളി​ഫാ​മി​ലി സ്കൂ​ൾ വി​ദ്യാ​ർ​ഥി​നി ന​ന്ദ​ന​യ്ക്കു​ണ്ടാ​യ അ​പ​ക​ടം പോ​ലെ ഏ​തു നി​മി​ഷ​വും ന​ഗ​ര​യാ​ത്രി​ക​ർ​ക്ക് അ​ത്യാ​ഹിതം സം​ഭ​വി​ക്കാം. പ​ല​യി​ട​ത്തും ഇ​ത്ത​രം അ​പ​ക​ട​ക്കാ​ന​ക​ൾ ആ​ളു​ക​ളെ വീ​ഴ്ത്താ​നാ​യി സ്ലാ​ബി​ല്ലാ​ത്ത രീ​തി​യി​ൽ കി​ട​പ്പു​ണ്ട്.

മു​ൻ​കാ​ല​ങ്ങ​ളെ അ​പേ​ക്ഷി​ച്ച് ഇ​പ്പോ​ൾ കാ​ന​ക​ൾ പ​ല​തും മൂ​ടി​യി​ട്ടു​ണ്ടെ​ങ്കി​ലും സ്ലാ​ബി​ല്ലാ​ത്ത കാ​ന​ക​ളും ന​ഗ​ര​ത്തി​ലെ പ​ല​യി​ട​ത്തു​മു​ണ്ട്.

ത​ക​ർ​ന്ന റോ​ഡു​ക​ളി​ലൂ​ടെ ന​ട​ക്കാ​ൻ ക​ഴി​യാ​തെ ഫു​ട്പാ​ത്തി​ലൂ​ടെ ക​യ​റി ന​ട​ക്കു​ന്പോ​ൾ അ​വി​ടെ അ​തി​ലും വ​ലി​യ അ​പ​ക​ട​ക്കു​ഴിയുണ്ടെന്നും മറക്കരുത്.

വി​ദ്യാ​ർ​ഥി​നി വീ​ണ​തോ​ടെ മേ​യ​റു​ടെ ക​ണ്ണു തു​റ​ന്നു
തൃ​ശൂ​ർ: ഒ​രു സ്കൂ​ൾ വി​ദ്യാ​ർ​ഥി​നി കാ​ന​യി​ൽ വീ​ണ് കാ​ലൊ​ടി​ഞ്ഞ​തോ​ടെ കോ​ർ​പ​റേ​ഷ​ൻ മേ​യ​ർ എം.​കെ. വ​ർ​ഗീ​സ് ഉ​ണ​ർ​ന്നു. ഉ​ട​ൻ നി​ർ​ദേ​ശ​വു​മാ​യി രം​ഗ​ത്തെ​ത്തി.

കോ​ർ​പ​റേ​ഷ​ൻ പ​രി​ധി​യി​ലെ വി​ദ്യാ​ഭ്യാ​സ സ്ഥാ​പ​ന​ങ്ങ​ളു​ടെ സ​മീ​പ​മു​ള്ള കാ​ന​ക​ൾ അ​ടി​യ​ന്തര​മാ​യി വൃ​ത്തി​യാ​ക്കി സ്ലാ​ബി​ടാ​നാ​ണു നി​ർ​ദേശം ന​ൽ​കി​യി​രി​ക്കു​ന്ന​ത്.

സ്കൂ​ളു​ക​ളു​ടെ പ​രി​സ​ര​ത്തു​ള്ള റോ​ഡു​ക​ളി​ലെ കു​ഴി​ക​ൾ അ​ട​യ്ക്കാ​നും നി​ർ​ദേശം ന​ൽ​കി. അ​പ​ക​ടം സം​ഭ​വി​ച്ച് ആ​ശു​പ​ത്രി​യി​ലാ​യ വി​ദ്യാ​ർ​ഥി​നി​യെ മേ​യ​ർ സ​ന്ദ​ർ​ശി​ച്ചു.