റെയിൽവെ സ്റ്റേഷനിലെ അമിതമായ ജനത്തിരക്ക് കാരണം എസ്കലേറ്ററിൽ കയറിയവർ അപകടത്തിൽപ്പെടുന്നതിന്‍റെ അമ്പരപ്പിക്കുന്ന ദൃശ്യങ്ങൾ പുറത്ത്. മെക്സിക്കോയിലെ പാറ്റിറ്റ്ലാൻ മെട്രോ 9 ലൈൻ സ്റ്റേഷനിലാണ് സംഭവം നടന്നത്.
അമിതമായ ജനത്തിരക്ക് കാരണം എസ്കലേറ്ററിൽ കയറി മുകളിലെത്തുന്ന ആളുകൾക്ക് കാല് കുത്തുവാൻ പോലും സ്ഥലമില്ലാത്തതായിരുന്നു അപകട കാരണമായത്. ഇതെ തുടർന്ന് ആളുകൾ വീഴുകയും മറ്റും ചെയ്തു. കുറച്ചാളുകൾ എസ്കലേറ്ററിൽ നിന്നും ചാടിയിറങ്ങുന്നും തിരികെയിറങ്ങി പോകുന്നതും ദൃശ്യങ്ങളിൽ വ്യക്തമാണ്.
യാത്രക്കാരിലൊരാൾ പകർത്തി സോഷ്യൽമീഡിയയിൽ പങ്കുവച്ചിരിക്കുന്ന ദൃശ്യങ്ങൾ വൈറലായി മാറുകയാണ്. ഈ വീഡിയോയ്ക്ക് പ്രതികരണവുമായി നിരവധിയാളുകൾ രംഗത്തെത്തിയിട്ടുണ്ട്.
