ചെന്നൈ: തമിഴ് സൂപ്പർ താരം രജനികാന്തിന്‍റെ രാഷ്ട്രീയ പാർട്ടി സംബന്ധിച്ച അഭ്യൂഹങ്ങൾ ശക്തമാകുന്നു. രജനികാന്ത് ഫാൻസ്‌ അസോസിയേഷൻ ആയ മക്കൾ മൻഡ്രത്തിന്‍റെ യോഗം ചേരുകയാണ്. കോടമ്പാക്കം രാഘവേന്ദ്ര കല്യാണ മണ്ഡപത്തിൽ ആണ് യോഗം.
പാർട്ടി പ്രഖ്യാപനം സംബന്ധിച്ച് നിർണായക തീരുമാനം യോഗത്തിൽ ഉണ്ടാകുമെന്നാണ് റിപ്പോർട്ടുകൾ. നൂറുകണക്കിന് ആരാധകരാണ് ഇവിടെ തടിച്ചുകൂടിയിരിക്കുന്നത്.
അതേസമയം, തന്‍റെ നേരിട്ടുള്ള രാഷ്ട്രീയ പ്രവേശം അടഞ്ഞ അധ്യായമെന്ന നിലപാടിൽ തന്നെയാണ് താരം.എന്നാൽ സജീവ രാഷ്ട്രീയത്തിലേക്ക് ഇല്ലെന്ന തീരുമാനം പിൻവലിക്കണമെന്ന് ആവശ്യപ്പെട്ട് തമിഴ്നാട്ടിൽ ഉടനീളം ആരാധകർ പോസ്റ്റർ പതിച്ചിരിക്കുകയാണ്.
കടുത്ത സമ്മർദ്ദങ്ങൾക്കൊടുവിൽ പുതിയ നിർദ്ദേശങ്ങൾ യോഗത്തിൽ മുന്നോട്ട് വയ്ക്കാനാണ് താരത്തിന്‍റെ തീരുമാനം.
