പുൽപ്പള്ളി: സിനിമാ രംഗത്ത് തനിക്ക് ഭാഗ്യങ്ങൾ നൽകിയ സ്ഥലമാണ് വയനാടെന്ന് ചലച്ചിത്ര താരം റോമ. വയനാട്ടിൽ ചിത്രീകരിച്ച തന്‍റെ സിനിമകളും ആൽബങ്ങളും വൻ വിജയങ്ങളായിരുന്നെന്നും അതിനാൽ ഒരിക്കലും വയനാടിനെ മറക്കാനാവില്ലെന്നും റോമ പറഞ്ഞു.
പുൽപ്പള്ളി പെയിൻ ആൻഡ് പാലിയേറ്റീവ് കെയറിന് ഒക്സിജൻ കോണ്സണ്ട്രേറ്ററിനുള്ള തുക കൈമാറുന്ന ചടങ്ങിൽ സംസാരിക്കുകയായിരുന്നു റോമ. യുഎഇ ജനതാ കൾച്ചറൽ സെന്‍ററാണ് തുക നൽകിയത്. പാലിയേറ്റീവ് കെയർ പ്രസിഡന്‍റ് എൻ.യു. ഇമ്മാനുവൽ അധ്യക്ഷത വഹിച്ചു. യുഎഇ ജനതാ കൾച്ചറൽ സെന്‍റർ പ്രസിഡന്‍റ് ടി.ജെ. ബാബു, ഡോ. ടി.വി. മുഹമ്മദ്, കെ.ജി. സുകുമാരൻ, ദേവസ്യ വേന്പേനി, സുനിൽ ജോർജ്, ടി.കെ. പൊന്നൻ, എം.കെ. സുരേഷ്, ഷിനി തേവലത്തിൽ, സിസ്റ്റർ സ്മിത സിഎംസി തുടങ്ങിയവർ പ്രസംഗിച്ചു.
