Set us Home Page

ദുരൂഹത അവസാനിക്കുന്നില്ല! അരുംക്രൂരതയ്ക്ക് കാരണം രൂപശ്രീ മറ്റൊരു അധ്യാപകനുമായി അടുക്കാന്‍ തുടങ്ങിയത്…. മൃതദേഹത്തോടൊപ്പം പ്രതി ഭാര്യയേയും മകളേയും ഇരുത്തി യാത്രചെയ്തത് 90 കിലോമീറ്റര്‍

ശ്രീ​ജി​ത് കൃ​ഷ്ണ​ന്‍

2020 ജ​നു​വ​രി 16 വ്യാ​ഴാ​ഴ്ച. കേ​ര​ള – ക​ര്‍​ണാ​ട​ക അ​തി​ര്‍​ത്തി​യോ​ട​ടു​ത്ത് മ​ഞ്ചേ​ശ്വ​രം മി​യാ​പ്പ​ദ​വി​ലെ സ​ര്‍​ക്കാ​ര്‍ എ​യ്ഡ​ഡ് വി​ദ്യാ​ല​യ​മാ​യ ശ്രീ ​വി​ദ്യാ​വ​ര്‍​ധ​ക ഹ​യ​ര്‍ സെ​ക്ക​ന്‍​ഡ​റി സ്‌​കൂ​ളി​ന് അ​തൊ​രു സാ​ധാ​ര​ണ പ്ര​വൃ​ത്തി​ദി​വ​സ​മാ​യി​രു​ന്നു.

സ്കൂളിലെ ഒരു അധ്യാപികയു​ടെ സ​ഹോ​ദ​ര​ന്‍റെ വി​വാ​ഹ​മാ​യി​രു​ന്നു അന്ന്. പ്ര​വൃ​ത്തി​ദി​വ​സ​മാ​യ​തു​കൊ​ണ്ട് അ​ധ്യാ​പ​ക​രും മ​റ്റു ജീ​വ​ന​ക്കാ​രും ഉ​ച്ച​സ​മ​യ​ത്തെ ഇ​ട​വേ​ള​യി​ലാ​ണ് വി​വാ​ഹ​ത്തി​ന് പോ​യി​വ​ന്ന​ത്. സാ​മൂ​ഹ്യ​ശാ​സ്ത്രം അ​ധ്യാ​പി​ക​യാ​യ രൂ​പ​ശ്രീ മാ​ത്രം ഉ​ച്ച​യ്ക്കു​ശേ​ഷം അ​വ​ധി​യെ​ടു​ത്ത് ക​ല്യാ​ണ​ത്തി​ന് പോ​യി.

വി​വാ​ഹ​ച്ച​ട​ങ്ങി​ല്‍ പ​ങ്കെ​ടു​ത്ത​ശേ​ഷം ത​നി​ക്ക് മ​റ്റു ചി​ല തി​ര​ക്കു​ക​ളു​ള്ള​തു​കൊ​ണ്ടാ​ണ് അ​വ​ധി​യെ​ടു​ക്കു​ന്ന​തെ​ന്ന് അ​വ​ര്‍ പ്ര​ധാ​നാ​ധ്യാ​പ​ക​നെ മു​ന്‍​കൂ​ട്ടി അ​റി​യി​ച്ചി​രു​ന്നു.

സ്‌​കൂ​ളി​ലെ സാ​മൂ​ഹ്യ​ശാ​സ്ത്ര ക്ല​ബ് ക​ണ്‍​വീ​ന​റെ​ന്ന നി​ല​യി​ല്‍ ഉ​പ​ജി​ല്ലാ സാ​മൂ​ഹ്യ​ശാ​സ്ത്ര​മേ​ള​യു​ടെ ന​ട​ത്തി​പ്പ് ചു​മ​ത​ല​യും രൂപശ്രീ ടീച്ചർക്കായിരുന്നു.

സ്‌​കൂ​ളി​ലെ ചി​ത്ര​ക​ലാ അ​ധ്യാ​പ​ക​നാ​യ വെ​ങ്കി​ട്ട​ര​മ​ണ കാ​ര​ന്തി​ന്‍റെ സ​ഹാ​യ​ത്തോ​ടെ അ​വ​ര്‍ ത​യാ​റാ​ക്കി​യി​രു​ന്ന മാ​തൃ​ക​ക​ള്‍ സാ​മൂ​ഹ്യ​ശാ​സ്ത്ര​മേ​ള​ക​ളി​ല്‍ സ്‌​കൂ​ളി​ന് ഏ​റെ സ​മ്മാ​ന​ങ്ങ​ള്‍ നേ​ടി​ത്ത​ന്നി​രു​ന്നു.

വെ​ങ്കി​ട്ട​ര​മ​ണ കാ​ര​ന്ത് ര​ണ്ടു​ദി​വ​സ​മാ​യി സ്‌​കൂ​ളി​ല്‍ നി​ന്ന് അ​വ​ധി​യി​ലാ​യി​രു​ന്നു. വ്യ​ക്തി​പ​ര​മാ​യ ചി​ല തി​ര​ക്കു​ക​ളു​ള്ള​തു​കൊ​ണ്ട് വി​വാ​ഹ​ച്ച​ട​ങ്ങി​ന് വ​രു​ന്നി​ല്ലെ​ന്ന് നേ​ര​ത്തേ സ്‌​കൂ​ളി​ല്‍ വി​ളി​ച്ചു​പ​റ​ഞ്ഞി​രു​ന്നു.

പ​ര​മ്പ​രാ​ഗ​ത​മാ​യി താ​ന്ത്രി​ക ക​ര്‍​മ​ങ്ങ​ള്‍ ചെ​യ്യു​ന്ന ക​ര്‍​ണാ​ട​ക ബ്രാ​ഹ്മ​ണ​കു​ടും​ബ​ത്തി​ലെ അം​ഗ​മാ​യ വെ​ങ്കി​ട്ട​ര​മ​ണ ഇ​ട​യ്ക്കി​ടെ സ്‌​കൂ​ളി​ല്‍ നി​ന്ന് അ​വ​ധി​യെ​ടു​ത്ത് പൂ​ജാ​ദി ക​ര്‍​മ​ങ്ങ​ള്‍​ക്ക് പോ​കാ​റു​ള്ള​താ​ണ്.

അ​യ​ല്‍​വീ​ട്ടി​ല്‍ വാ​ട​ക​യ്ക്ക് താ​മ​സി​ച്ചി​രു​ന്ന കു​ടും​ബ​ത്തി​ലെ നി​ര​ഞ്ജ​ന്‍ എ​ന്ന യു​വാ​വി​നെ സ​ഹാ​യി​യാ​യി കൂ​ടെ​കൂ​ട്ടി​യാ​ണ് കാ​ര​ന്ത് പൂ​ജാ​ദി​ക​ര്‍​മ​ങ്ങ​ള്‍​ക്ക് പു​റ​പ്പെ​ട്ടി​രു​ന്ന​ത്.

നാ​ട്ടി​ല്‍ അ​ത്യാ​വ​ശ്യം കൂ​ലി​പ്പ​ണി​യും ഡ്രൈ​വ​ര്‍ ജോ​ലി​യും ചെ​യ്ത് ജീ​വി​ക്കു​ക​യാ​യി​രു​ന്നു നി​ര​ഞ്ജ​ന്‍. രൂ​പ​ശ്രീ സ്‌​കൂ​ളി​ല്‍ നി​ന്ന് യാ​ത്ര​പു​റ​പ്പെ​ട്ട​ത് സ്വ​ന്തം സ്‌​കൂ​ട്ട​റി​ലാ​ണ്.

വി​വാ​ഹ​ച്ച​ട​ങ്ങ് ന​ട​ക്കു​ന്ന ക്ഷേ​ത്ര​ത്തി​ലെ​ത്തി ഭ​ക്ഷ​ണം ക​ഴി​ച്ച​തി​നു​ശേ​ഷം മ​ക​ളു​ടെ സ്‌​കൂ​ളി​ല്‍ പോ​കാ​നു​ണ്ടെ​ന്ന് പ​റ​ഞ്ഞ് അ​ധി​കം വൈ​കാ​തെ ത​ന്നെ ഇ​റ​ങ്ങി. അ​വി​ടെ ചെ​ന്ന് മ​ക​ളു​ടെ അ​ടു​ത്ത മാ​സ​ത്തേ​ക്കു​ള്ള ഫീ​സ​ട​ച്ചു. അ​വി​ടെ​യും അ​ധി​ക​നേ​രം നി​ല്ക്കാ​തെ സ്‌​കൂ​ട്ട​റി​ല്‍ ത​ന്നെ മ​ട​ങ്ങി.

പു​റം​ലോ​ക​ത്തി​നു മു​ന്നി​ല്‍ രൂ​പ​ശ്രീ​യു​ടെ അ​വ​സാ​ന​യാ​ത്ര​യാ​യി​രു​ന്നു അ​ത്. സ്‌​കൂ​ളി​ല്‍ നി​ന്ന് മ​ട​ങ്ങി​യ രൂ​പ​ശ്രീ സ​ന്ധ്യാ​നേ​ര​മാ​യി​ട്ടും വീ​ട്ടി​ലെ​ത്താ​തി​രു​ന്ന​തോ​ടെ കു​ടും​ബാം​ഗ​ങ്ങ​ള്‍ അ​വ​രു​ടെ മൊ​ബൈ​ല്‍ ന​മ്പ​റു​ക​ളി​ല്‍ മാ​റി​മാ​റി വി​ളി​ച്ചു. ഒ​രു മൊ​ബൈ​ല്‍ റിം​ഗ് ചെ​യ്തു​കൊ​ണ്ടി​രു​ന്നി​ട്ടും ആ​രും എ​ടു​ത്തി​ല്ല. മ​റ്റേ​ത് സ്വി​ച്ച് ഓ​ഫ് ആ​യ നി​ല​യി​ലാ​യി​രു​ന്നു.

രൂ​പ​ശ്രീ പോ​കാ​നി​ട​യു​ണ്ടെ​ന്നു തോ​ന്നി​യ സ്ഥ​ല​ങ്ങ​ളി​ലെ​ല്ലാം രാ​ത്രി മു​ഴു​വ​ന്‍ അ​ന്വേ​ഷി​ച്ചു. മ​ഞ്ചേ​ശ്വ​രം പോ​ലീ​സ് സ്റ്റേ​ഷ​നി​ലും വി​വ​ര​മ​റി​യി​ച്ചു. പ​ക്ഷേ ഒ​രു വി​വ​ര​വും കി​ട്ടി​യി​ല്ല. ആ ​രാ​ത്രി​യും തൊ​ട്ട​ടു​ത്ത ഒ​രു പ​ക​ലും രാ​ത്രി​യും ആ​ശ​ങ്ക​യി​ലും ഭ​യ​പ്പാ​ടി​ലും ക​ട​ന്നു​പോ​യി.

അ​തി​നി​ട​യി​ല്‍ രൂ​പ​ശ്രീ​യു​ടെ സ്‌​കൂ​ട്ട​ര്‍ മാ​ത്രം മ​ഞ്ചേ​ശ്വ​ര​ത്തി​നും മി​യാ​പ്പ​ദ​വി​നും ഇ​ട​യി​ലെ ദു​ര്‍​ഗി​പ​ള്ള എ​ന്ന സ്ഥ​ല​ത്ത് റോ​ഡ​രി​കി​ല്‍ നി​ര്‍​ത്തി​യി​ട്ട നി​ല​യി​ല്‍ ക​ണ്ടെ​ത്തി​യ​ത് ആ​ശ​ങ്ക​യു​ടെ ആ​ഴ​മേ​റ്റി.

ജ​നു​വ​രി 18 ശ​നി​യാ​ഴ്ച. മ​ഞ്ചേ​ശ്വ​രം പെ​ര്‍​വാ​ഡ് ക​ട​പ്പു​റ​ത്തെ ഹ​സൈ​നാ​ര്‍ അ​തി​രാ​വി​ലെ പ​ള്ളി​യി​ല്‍ പോ​യി മ​ട​ങ്ങു​ക​യാ​യി​രു​ന്നു. പെ​ട്ടെ​ന്നാ​ണ് ക​ട​ല്‍​തീ​ര​ത്ത് എ​ന്തോ ഒ​രു വ​ലി​യ വ​സ്തു ക​ര​യ്ക്ക​ടി​ഞ്ഞി​രി​ക്കു​ന്ന​താ​യി ശ്ര​ദ്ധ​യി​ല്‍ പെ​ട്ട​ത്.

അ​ത് ഒ​രു സ്ത്രീ​യു​ടെ മൃ​ത​ശ​രീ​ര​മാ​യി​രു​ന്നു. ഹ​സൈ​നാ​റി​ന്‍റെ നി​ല​വി​ളി കേ​ട്ട് സ​മീ​പ​വാ​സി​ക​ളും നാ​ട്ടു​കാ​രും ഓ​ടി​ക്കൂ​ടി. പോ​ലീ​സി​ലും വി​വ​ര​മ​റി​യി​ച്ചു. വി​വ​സ്ത്ര​മാ​യ നി​ല​യി​ലും ത​ല​മു​ടി ഏ​റെ​ക്കു​റെ ന​ഷ്ട​പ്പെ​ട്ടും കി​ട​ന്നി​രു​ന്ന ആ ​മൃ​ത​ദേ​ഹം രൂ​പ​ശ്രീ​യു​ടേ​താ​ണെ​ന്ന് ഉ​റ​പ്പി​ക്കാ​നാ​യ​ത് കൈ​വി​ര​ലി​ല്‍ ച​ന്ദ്ര​ശേ​ഖ​ര​ന്‍റെ പേ​രെ​ഴു​തി​യ വി​വാ​ഹ​മോ​തി​രം ക​ണ്ടാ​ണ്.

മു​ങ്ങി​മ​ര​ണ​മാ​ണ് സം​ഭ​വി​ച്ച​തെ​ന്ന് പോ​സ്റ്റ്മോ​ര്‍​ട്ട​ത്തി​ന്‍റെ പ്രാ​ഥ​മി​ക ഘ​ട്ട​ത്തി​ല്‍ ത​ന്നെ തി​രി​ച്ച​റി​ഞ്ഞി​രു​ന്നു. അ​തു​കൊ​ണ്ടു​ത​ന്നെ ആ​ദ്യ തെ​ളി​വു​ക​ളെ​ല്ലാം വി​ര​ല്‍​ചൂ​ണ്ടി​യ​ത് ആ​ത്മ​ഹ​ത്യ​യി​ലേ​ക്കാ​ണ്.

വെ​ങ്കി​ട്ട​ര​മ​ണ കാ​ര​ന്തു​മാ​യു​ള്ള സൗ​ഹൃ​ദ​ത്തി​ന്‍റെ പേ​രി​ല്‍ രൂ​പ​ശ്രീ​ക്ക് ചി​ല പ്ര​ശ്ന​ങ്ങ​ള്‍ ഉ​ണ്ടാ​യി​രു​ന്ന​താ​യും ഇ​ത് അ​വ​രെ മാ​ന​സി​ക വി​ഷ​മ​ത്തി​ലേ​ക്കും ആ​ത്മ​ഹ​ത്യ​യി​ലേ​ക്കും ന​യി​ച്ചി​രി​ക്കാ​മെ​ന്നും വി​ല​യി​രു​ത്ത​പ്പെ​ട്ടു.

കാ​ര​ന്തു​മാ​യി ബ​ന്ധ​പ്പെ​ട്ട് ചി​ല സാ​മ്പ​ത്തി​ക ഇ​ട​പാ​ടു​ക​ള്‍ രൂ​പ​ശ്രീ ന​ട​ത്തി​യി​രു​ന്ന​താ​യും അ​ന്വേ​ഷ​ണ​സം​ഘം ക​ണ്ടെ​ത്തി. വ​ലി​യ തു​ക​യ്ക്കു​ള്ള ചി​ല വാ​യ്പ​ക​ള്‍ കാ​ര​ന്ത് എ​ടു​ത്തി​രു​ന്ന​താ​യും അ​തി​ല്‍ രൂ​പ​ശ്രീ ജാ​മ്യം നി​ന്നി​രു​ന്ന​താ​യും അ​റി​യാ​ന്‍ ക​ഴി​ഞ്ഞു.

എ​ന്നാ​ല്‍ എ​ന്തൊ​ക്കെ പ്ര​ശ്ന​ങ്ങ​ളു​ണ്ടാ​യാ​ലും രൂ​പ​ശ്രീ ഒ​രി​ക്ക​ലും ആ​ത്മ​ഹ​ത്യ ചെ​യ്യാ​നി​ട​യി​ല്ലെ​ന്ന ഉ​റ​ച്ച വി​ശ്വാ​സ​മാ​യി​രു​ന്നു കു​ടും​ബാം​ഗ​ങ്ങ​ള്‍​ക്കും സ​ഹ​പ്ര​വ​ര്‍​ത്ത​ക​ര്‍​ക്കും.

അ​ധ്യാ​പി​ക​യു​ടെ മ​ര​ണം അ​ന്വേ​ഷി​ക്ക​ണ​മെ​ന്നാ​വ​ശ്യ​പ്പെ​ട്ട് പൗ​ര​വേ​ദി​യും വി​ദ്യാ​ര്‍​ഥി​ക​ളും സ​മ​ര​രം​ഗ​ത്തി​റ​ങ്ങി​യ​തോ​ടെ അ​ന്വേ​ഷ​ണം ജി​ല്ലാ ക്രൈം​ബ്രാ​ഞ്ചി​ന് കൈ​മാ​റി. അ​ധ്യാ​പി​ക​യു​ടെ സ്‌​കൂ​ട്ട​ര്‍ നി​ര്‍​ത്തി​യി​ട്ട സ്ഥ​ല​ത്തു​നി​ന്ന് ക​ട​ല്‍​ത്തീ​ര​ത്തേ​ക്ക് അ​ഞ്ച് കി​ലോ​മീ​റ്റ​റോ​ളം ദൂ​ര​മു​ണ്ടെ​ന്നു​ള്ള വ​സ്തു​ത​യാ​ണ് അ​ന്വേ​ഷ​ണ​സം​ഘ​ത്തി​ന് ആ​ദ്യ പി​ടി​വ​ള്ളി​യാ​യ​ത്.

ഈ ​ദൂ​രം ഓ​ട്ടോ​റി​ക്ഷ​യി​ലോ ബ​സി​ലോ ക​യ​റി പോ​യ​തി​ന് തെ​ളി​വൊ​ന്നും ല​ഭി​ച്ചി​ല്ല. സ്‌​കൂ​ട്ട​റി​ല്‍ ആ​വ​ശ്യ​ത്തി​ന് പെ​ട്രോ​ള്‍ ഉ​ണ്ടാ​യി​രു​ന്ന​തു​മാ​ണ്.

മ​റ്റാ​രു​ടെ​യെ​ങ്കി​ലും കാ​റി​ല്‍ അ​ധ്യാ​പി​ക ക​യ​റി​പ്പോ​വു​ക​യോ ബ​ല​മാ​യി ക​യ​റ്റി​ക്കൊ​ണ്ടു​പോ​വു​ക​യോ ചെ​യ്ത​താ​ണെ​ന്ന് ഇ​തി​ല്‍​നി​ന്ന് അ​നു​മാ​നി​ക്കാ​നാ​യി.

രൂ​പ​ശ്രീ​യു​ടെ സ്വി​ച്ച് ഓ​ഫ് ആ​യ മൊ​ബൈ​ലി​ലേ​ക്ക് അ​വ​സാ​നം വ​ന്ന കോ​ള്‍ വെ​ങ്കി​ട്ട​ര​മ​ണ കാ​ര​ന്തി​​ന്‍റേ​താ​യി​രു​ന്നു​വെ​ന്നും മൊ​ബൈ​ല്‍ ട​വ​ര്‍ പ​രി​ശോ​ധ​ന​യി​ല്‍ മ​ന​സി​ലാ​യി. റിം​ഗ് ചെ​യ്തു​കൊ​ണ്ടി​രു​ന്ന ര​ണ്ടാ​മ​ത്തെ മൊ​ബൈ​ല്‍ വീ​ട്ടി​ല്‍ ത​ന്നെ ഉ​ണ്ടാ​യി​രു​ന്നു​വെ​ന്നും ക​ണ്ടെ​ത്തി.

ഇ​തോ​ടൊ​പ്പം രൂ​പ​ശ്രീ സ​ഞ്ച​രി​ച്ച വ​ഴി​യി​ലെ സി​സി​ടി​വി ദൃ​ശ്യ​ങ്ങ​ള്‍ പ​രി​ശോ​ധി​ച്ച​പ്പോ​ള്‍ ദു​ര്‍​ഗി​പ​ള്ള എ​ത്തു​ന്ന​തി​നു​മു​മ്പ് രൂ​പ​ശ്രീ സ്‌​കൂ​ട്ട​റി​ല്‍ സ​ഞ്ച​രി​ക്കു​മ്പോ​ള്‍ അ​ല്പം മു​ന്നി​ലാ​യി കാ​ര​ന്തും സ​ഹാ​യി നി​ര​ഞ്ജ​നും കാ​റി​ല്‍ പോ​കു​ന്ന​തി​ന്‍റെ ദൃ​ശ്യ​വും ല​ഭി​ച്ചു.

അ​ധ്യാ​പി​ക​യു​ടെ മൃ​ത​ദേ​ഹം ക​ണ്ടെ​ത്തി​യ​പ്പോ​ള്‍ മു​ത​ല്‍ ഇ​തു​മാ​യി ബ​ന്ധ​പ്പെ​ട്ട് കാ​ര​ന്തി​നെ ര​ണ്ടു​വ​ട്ടം ചോ​ദ്യം​ചെ​യ്തി​രു​ന്നു. ആ​ദ്യ​ഘ​ട്ട​ത്തി​ല്‍ സം​ശ​യി​ക്ക​ത്ത​ക്ക​താ​യി ഒ​ന്നും ക​ണ്ടെ​ത്താ​നാ​യി​രു​ന്നി​ല്ല.

എ​ന്നാ​ല്‍ ക്രൈം​ബ്രാ​ഞ്ച് സം​ഘം കാ​ര​ന്തി​നെ​യും ഒ​പ്പം സ​ഹാ​യി​യാ​യ നി​ര​ഞ്ജ​നെ​യും ക​സ്റ്റ​ഡി​യി​ലെ​ടു​ത്ത് ഒ​റ്റ​യ്ക്കൊ​റ്റ​യ്ക്ക് ഇ​രു​ത്തി ചോ​ദ്യം ചെ​യ്ത​പ്പോ​ള്‍ ഇ​രു​വ​ര്‍​ക്കും അ​ടി​പ​ത​റി.

നാ​ടി​നെ​യാ​കെ ഞെ​ട്ടി​ച്ച ഒ​രു കൊ​ല​പാ​ത​ക​ത്തി​ന്‍റെ അ​ണി​യ​റ​ക്ക​ഥ​ക​ള്‍ ഓ​രോ​ന്നാ​യി പു​റ​ത്തു​വ​ന്നു. കാ​ണാ​താ​യ ദി​വ​സം ഉ​ച്ച​യ്ക്ക് മ​ക​ളു​ടെ സ്‌​കൂ​ളി​ല്‍ നി​ന്നി​റ​ങ്ങി​യ രൂ​പ​ശ്രീ​യെ താ​ന്‍ വി​ളി​ച്ചി​രു​ന്ന​താ​യും തു​ട​ര്‍​ന്ന് വൈ​കി​ട്ട് നാ​ലു​മ​ണി​യോ​ടെ മ​ഞ്ചേ​ശ്വ​രം ഹൊ​സ​ങ്ക​ടി ടൗ​ണി​ല്‍ വ​ച്ച് ക​ണ്ടു​മു​ട്ടി​യി​രു​ന്ന​താ​യും തു​ട​ര്‍​ന്ന് രൂ​പ​ശ്രീ​യെ ത​ന്‍റെ വീ​ട്ടി​ലേ​ക്ക് കൂ​ട്ടി​ക്കൊ​ണ്ടു​പോ​യ​താ​യും കാ​ര​ന്ത് വെ​ളി​പ്പെ​ടു​ത്തി.

ദു​ര്‍​ഗി​പ​ള്ള വ​രെ രൂ​പ​ശ്രീ സ്വ​ന്തം സ്‌​കൂ​ട്ട​റി​ലും താ​നും നി​ര​ഞ്ജ​നും കാ​റി​ലു​മാ​ണ് സ​ഞ്ച​രി​ച്ചി​രു​ന്ന​ത്. അ​വി​ടെ വ​ണ്ടി നി​ര്‍​ത്തി​യി​ടാ​ന്‍ ക​ഴി​യു​ന്ന ഒ​രു സ്ഥ​ലം കി​ട്ടി​യ​പ്പോ​ള്‍ രൂ​പ​ശ്രീ സ്‌​കൂ​ട്ട​ര്‍ അ​വി​ടെ നി​ര്‍​ത്തി ത​ന്നോ​ടൊ​പ്പം കാ​റി​ല്‍ ക​യ​റി. അ​ങ്ങ​നെ​യാ​ണ് മി​യാ​പ്പ​ദ​വ് ആ​സാ​ദ് ന​ഗ​റി​ലു​ള്ള ത​ന്‍റെ വീ​ട്ടി​ല്‍ എ​ത്തി​യ​ത്.

രൂ​പ​ശ്രീ​യു​മാ​യി വ​ര്‍​ഷ​ങ്ങ​ളു​ടെ സൗ​ഹൃ​ദ​ബ​ന്ധ​മാ​ണ് ത​നി​ക്ക് ഉ​ണ്ടാ​യി​രു​ന്ന​ത്. ഇ​തോ​ടൊ​പ്പം സാ​മ്പ​ത്തി​ക ഇ​ട​പാ​ടു​ക​ളും ഉ​ണ്ടാ​യി​രു​ന്നു. എ​ന്നാ​ല്‍ അ​ടു​ത്തി​ടെ രൂ​പ​ശ്രീ ത​ന്നി​ല്‍ നി​ന്ന​ക​ന്ന് മ​റ്റൊ​രു അ​ധ്യാ​പ​ക​നു​മാ​യി കൂ​ടു​ത​ല്‍ അ​ടു​ക്കാ​ന്‍ തു​ട​ങ്ങി.

ഇ​ത് താ​ന്‍ ചോ​ദ്യം ചെ​യ്ത​തോ​ടെ ത​ന്നി​ല്‍ നി​ന്ന് കൂ​ടു​ത​ല​ക​ലാ​നും അ​യാ​ളു​മാ​യി കൂ​ടു​ത​ല്‍ അ​ടു​ക്കാ​നും തു​ട​ങ്ങി​യ​താ​യി കാ​ര​ന്ത് പ​റ​യു​ന്നു. ഇ​തോ​ടെ​യാ​ണ് അ​വ​ളെ ഇ​ല്ലാ​താ​ക്ക​ണ​മെ​ന്ന ചി​ന്ത മ​ന​സി​ല്‍ കു​രു​ത്തു തു​ട​ങ്ങി​യ​ത്. ഇ​ക്കാ​ര്യം നി​ര​ഞ്ജ​നു​മാ​യി ച​ര്‍​ച്ച ചെ​യ്യു​ക​യും ആ​വ​ശ്യ​മാ​യി വ​ന്നാ​ല്‍ കൂ​ടെ നി​ല്ക്ക​ണ​മെ​ന്ന് ആ​വ​ശ്യ​പ്പെ​ടു​ക​യും ചെ​യ്തി​രു​ന്നു.

വ്യാ​ഴാ​ഴ്ച വൈ​കി​ട്ട് ത​ന്‍റെ ഭാ​ര്യ​യും മ​ക​ളും ഒ​രു വി​വാ​ഹ​ത്തി​ല്‍ സം​ബ​ന്ധി​ക്കാ​ന്‍ മം​ഗ​ളൂ​രു​വി​ലേ​ക്കു പോ​യ സ​മ​യ​ത്താ​ണ് രൂ​പ​ശ്രീ​യെ വീ​ട്ടി​ലേ​ക്ക് വി​ളി​ക്കു​ന്ന​ത്. അ​വി​ടെ​വ​ച്ച് എ​ല്ലാ പ്ര​ശ്ന​ങ്ങ​ളും പ​റ​ഞ്ഞു​തീ​ര്‍​ക്കാ​നാ​ണ് ക​രു​തി​യ​ത്.

എ​ന്നാ​ല്‍ മ​റ്റേ അ​ധ്യാ​പ​ക​നു​മാ​യു​ള്ള ബ​ന്ധ​ത്തി​ന്‍റെ കാ​ര്യം പ​റ​ഞ്ഞ​പ്പോ​ള്‍ വീ​ണ്ടും വ​ഴ​ക്കാ​യി. വീ​ട്ടി​ല്‍ നി​ന്ന് ഇ​റ​ങ്ങി​പ്പോ​കാ​ന്‍ ശ്ര​മി​ച്ച രൂ​പ​ശ്രീ​യെ ബ​ക്ക​റ്റി​ല്‍ നി​റ​ച്ചു​വ​ച്ച വെ​ള്ള​ത്തി​ല്‍ ത​ല മു​ക്കി​പ്പി​ടി​ച്ച് കൊ​ല്ലാ​ന്‍ ശ്ര​മി​ച്ചു. എ​ന്നാ​ല്‍ മ​ല്‍​പ്പി​ടി​ത്ത​ത്തി​നി​ട​യി​ല്‍ ബ​ക്ക​റ്റ് പൊ​ട്ടു​ക​യും രൂ​പ​ശ്രീ വീ​ണ്ടും പി​ടി​വി​ടു​വി​ച്ച് ഓ​ടാ​ന്‍ ശ്ര​മി​ക്കു​ക​യും ചെ​യ്തു.

വീ​ണ്ടും നി​ര​ഞ്ജ​ന്‍റെ സ​ഹാ​യ​ത്തോ​ടെ ബ​ല​മാ​യി പി​ടി​ച്ച് പ്ലാ​സ്റ്റി​ക് വീ​പ്പ​യി​ലെ വെ​ള്ള​ത്തി​ല്‍ ത​ല താ​ഴ്ത്തി​പ്പി​ടി​ച്ച് കൊ​ല​പ്പെ​ടു​ത്തു​ക​യാ​ണ് ചെ​യ്ത​തെ​ന്ന് കാ​ര​ന്ത് വെ​ളി​പ്പെ​ടു​ത്തി. ഇ​ത്ര​യും ക​ഴി​ഞ്ഞ​പ്പോ​ഴേ​ക്കും ത​ന്‍റെ ഭാ​ര്യ​യും മ​ക​ളും മം​ഗ​ളൂ​രു​വി​ല്‍ നി​ന്ന് തി​രി​ച്ചു​വ​രു​ന്ന വ​ഴി​യി​ല്‍ ഹൊ​സ​ങ്ക​ടി​യി​ല്‍ ബ​സി​റ​ങ്ങി ത​ന്നെ വി​ളി​ച്ചു.

നി​ര​ഞ്ജ​ന്‍റെ സ​ഹാ​യ​ത്തോ​ടെ രൂ​പ​ശ്രീ​യു​ടെ മൃ​ത​ദേ​ഹ​വും ഹാ​ന്‍​ഡ് ബാ​ഗും കാ​റി​ന്‍റെ ഡി​ക്കി​യി​ലേ​ക്ക് മാ​റ്റി അ​ട​ച്ചു​വ​ച്ചു. വീ​ട്ടി​ന​കം വൃ​ത്തി​യാ​ക്കി.

വീ​ണ്ടും നി​ര​ഞ്ജ​നെ കൂ​ടെ​കൂ​ട്ടി ഇ​തേ കാ​റെ​ടു​ത്ത് ഹൊ​സ​ങ്ക​ടി​യി​ല്‍ പോ​യി അ​വ​രെ കൂ​ട്ടി​വ​ന്നു. രൂ​പ​ശ്രീ​യു​ടെ മൃ​ത​ദേ​ഹം ഡി​ക്കി​യി​ല്‍ കി​ട​ക്കു​മ്പോ​ഴാ​ണ് തൊ​ട്ട​ടു​ത്ത സീ​റ്റി​ല്‍ ഇ​തൊ​ന്നു​മ​റി​യാ​ത്ത ഭാ​ര്യ​യേ​യും കൗ​മാ​ര​പ്രാ​യ​ക്കാ​രി​യാ​യ മ​ക​ളേ​യും ഇ​രു​ത്തി യാ​ത്ര​ചെ​യ്ത​ത്.

വീ​ട്ടി​ല്‍ തി​രി​ച്ചെ​ത്തി​യ ശേ​ഷം ഒ​രു പൂ​ജ​യു​മാ​യി ബ​ന്ധ​പ്പെ​ട്ട് ക​ര്‍​ണാ​ട​ക​യി​ലെ വി​ട്ട്ള​യി​ലേ​ക്ക് പോ​കാ​നു​ണ്ടെ​ന്നു​പ​റ​ഞ്ഞ് വീ​ണ്ടും കാ​റെ​ടു​ത്ത് ഇ​റ​ങ്ങി. മ​ഞ്ചേ​ശ്വ​രം – ആ​ന​ക്ക​ല്ല് – വി​ട്ട്ള വ​ഴി മ​ടി​ക്കേ​രി വ​രെ കാ​റോ​ടി​ച്ചു. ഇ​ട​യ്ക്ക് ഒ​രു ക്ഷേ​ത്ര​ത്തി​ല്‍ ക​യ​റി പ്രാ​ര്‍​ത്ഥ​ന ന​ട​ത്തി. വ​ഴി​യി​ല്‍ വി​ജ​ന​മാ​യ വ​ന​പ്ര​ദേ​ശ​ങ്ങ​ളി​ല്‍ എ​വി​ടെ​യെ​ങ്കി​ലും മൃ​ത​ദേ​ഹം ഉ​പേ​ക്ഷി​ക്കാ​നാ​യി​രു​ന്നു പ​ദ്ധ​തി.

എ​ന്നാ​ല്‍ ഉ​ദ്ദേ​ശി​ച്ച ഇ​ട​ങ്ങ​ളി​ലെ​ല്ലാം പ​ല ത​ട​സ​ങ്ങ​ളു​മു​ണ്ടാ​യി​രു​ന്നു. പി​ന്നെ മ​ടി​ക്കേ​രി​യി​ലെ ഹോ​ട്ട​ലി​ല്‍ ക​യ​റി ര​ണ്ടു​പേ​രും ഭ​ക്ഷ​ണം ക​ഴി​ച്ചു. എ​ന്നി​ട്ട് വീ​ണ്ടും കാ​ര്‍ തി​രി​ച്ച് മം​ഗ​ളൂ​രു​വി​ലേ​ക്ക് വ​ന്നു.

വീ​ണ്ടും ത​ല​പ്പാ​ടി ചെ​ക്ക്പോ​സ്റ്റ് വ​ഴി മ​ഞ്ചേ​ശ്വ​ര​ത്തേ​ക്ക് മ​ട​ങ്ങി. അ​പ്പോ​ഴേ​ക്കും രാ​ത്രി 11 മ​ണി ആ​കാ​റാ​യി​രു​ന്നു. ഈ ​വ​ഴി​യി​ല്‍ മ​ഞ്ചേ​ശ്വ​രം ക​ണ്വ​തീ​ര്‍​ഥ ക​ട​പ്പു​റ​ത്തെ​ത്തി​യാ​ണ് മൃ​ത​ദേ​ഹം ക​ട​ലി​ല്‍ ത​ള്ളി​യ​തെ​ന്ന് കാ​ര​ന്തും നി​ര​ഞ്ജ​നും മൊ​ഴി ന​ല്കി.

രൂ​പ​ശ്രീ​യു​ടെ ഹാ​ന്‍​ഡ്ബാ​ഗ് തൊ​ട്ട​ടു​ത്ത കു​റ്റി​ക്കാ​ട്ടി​ലേ​ക്ക് വ​ലി​ച്ചെ​റി​ഞ്ഞു. ഒ​രു​പാ​ട് കേ​സു​ക​ള്‍ ക​ണ്ട​റി​ഞ്ഞ ക്രൈം​ബ്രാ​ഞ്ച് അ​ന്വേ​ഷ​ണ​സം​ഘ​ത്തെ പോ​ലും അ​ദ്ഭു​ത​പ്പെ​ടു​ത്തി​യ ക​ര​ളു​റ​പ്പാ​ണ് രൂ​പ​ശ്രീ​യു​ടെ കൊ​ല​പാ​ത​ക​ത്തി​ല്‍ പ്ര​തി​ക​ള്‍ കാ​ഴ്ച​വെ​ച്ച​ത്.

സ്വ​ന്തം വീ​ട്ടി​ലേ​ക്കു ത​ന്നെ കൂ​ട്ടി​ക്കൊ​ണ്ടു​പോ​യി കൊ​ല ന​ട​ത്തി​യ​തി​നു പി​ന്നാ​ലെ കാ​റി​ന്‍റെ ഡി​ക്കി​യി​ല്‍ മൃ​ത​ദേ​ഹ​മൊ​ളി​പ്പി​ച്ചു​വ​ച്ച് അ​തേ കാ​റി​ല്‍ റെ​യി​ല്‍​വേ സ്റ്റേ​ഷ​നി​ലെ​ത്തി സ്വ​ന്തം ഭാ​ര്യ​യേ​യും മ​ക​ളേ​യും കൂ​ട്ടി​ക്കൊ​ണ്ടു​വ​രാ​നും ഡി​ക്കി​യി​ല്‍ മൃ​ത​ദേ​ഹ​വു​മാ​യി വീ​ണ്ടും 90 കി​ലോ​മീ​റ്റ​റോ​ളം ചു​റ്റി​സ​ഞ്ച​രി​ക്കാ​നും ഇ​തി​നി​ട​യി​ല്‍ ക്ഷേ​ത്ര​ത്തി​ല്‍ പോ​കാ​നും സാ​ധാ​ര​ണ​പോ​ലെ ഹോ​ട്ട​ലി​ല്‍ ക​യ​റി ഭ​ക്ഷ​ണം ക​ഴി​ക്കാ​നു​മൊ​ക്കെ​യു​ള്ള ധൈ​ര്യം പ്രഫ​ഷ​ണ​ല്‍ കൊ​ല​യാ​ളി​ക​ളു​ടെ ഭാ​ഗ​ത്തു​നി​ന്നു​പോ​ലും കാ​ണാ​ത്ത​താ​ണെ​ന്ന് അ​ന്വേ​ഷ​ണ ഉ​ദ്യോ​ഗ​സ്ഥ​ര്‍ പ​റ​യു​ന്നു.

പ്ര​തി​ക​ളു​ടെ മൊ​ഴി​ക​ള്‍ ഡി​വൈ​എ​സ്പി എ. ​സ​തീ​ഷ് കു​മാ​റി​ന്‍റെ നേ​തൃ​ത്വ​ത്തി​ലു​ള്ള ക്രൈം​ബ്രാ​ഞ്ച് സം​ഘം ഇ​തു​വ​രെ പൂ​ര്‍​ണ​മാ​യും വി​ശ്വ​സി​ച്ചി​ട്ടി​ല്ല.

കാ​സ​ര്‍​ഗോ​ഡ് ഒ​ന്നാം ക്ലാ​സ് ജൂ​ഡീ​ഷ്യ​ല്‍ മ​ജി​സ്ട്രേ​റ്റ് കോ​ട​തി​യി​ല്‍ ഹാ​ജ​രാ​ക്കി റി​മാ​ന്‍​ഡ് ചെ​യ്ത പ്ര​തി​ക​ളെ കൂ​ടു​ത​ല്‍ ചോ​ദ്യം ചെ​യ്യ​ലി​നും തെ​ളി​വെ​ടു​പ്പി​നു​മാ​യി ക​സ്റ്റ​ഡി​യി​ല്‍ വാ​ങ്ങി​യി​രി​ക്കു​ക​യാ​ണ്. പ​റ​ഞ്ഞ​തി​നേ​ക്കാ​ള്‍ കൂ​ടു​ത​ല്‍ കാ​ര്യ​ങ്ങ​ള്‍ ഇ​പ്പോ​ഴും ഇ​രു​വ​രും മ​റ​ച്ചു​വ​യ്ക്കു​ന്നു​ണ്ടെ​ന്നാ​ണ് ക്രൈം​ബ്രാ​ഞ്ചി​ന്‍റെ സം​ശ​യം.

ക​ര്‍​ണാ​ട​ക സ​ര്‍​ക്കാ​ര്‍ ക​ഴി​ഞ്ഞ ദി​വ​സം നി​രോ​ധി​ച്ച ന​ഗ്‌​ന​നാ​രീ​പൂ​ജ പോ​ലു​ള്ള ആ​ഭി​ചാ​ര​ക്രി​യ​ക​ള്‍ ഇ​പ്പോ​ഴും ഉ​ള്‍​പ്ര​ദേ​ശ​ങ്ങ​ളി​ല്‍ ന​ട​ക്കാ​റു​ണ്ട്. രൂ​പ​ശ്രീ​യു​ടെ കൊ​ല​പാ​ത​കം ഇ​ത്ത​ര​മൊ​രു സാ​ധ്യ​ത​യി​ലേ​ക്കാ​ണ് വി​ര​ല്‍ ചൂ​ണ്ടു​ന്ന​ത്. മു​ടി മു​റി​ച്ചു​മാ​റ്റി​യ​തും ചി​ല​പ്പോ​ള്‍ ആ​ഭി​ചാ​ര ക​ര്‍​മ​ങ്ങ​ളു​ടെ ഭാ​ഗ​മാ​യി​ട്ടാ​കാം.

ഒ​രു​പ​ക്ഷേ രൂ​പ​ശ്രീ​യെ കൊ​ല​പ്പെ​ടു​ത്തി​യ​തി​നു ശേ​ഷം മൃ​ത​ദേ​ഹം ഉ​പ​യോ​ഗി​ച്ച് ഇ​ത്ത​രം ക​ര്‍​മ​ങ്ങ​ള്‍ ന​ട​ത്തി​യി​രി​ക്കാ​നും സാ​ധ്യ​ത​യു​ണ്ട്. പ്ര​ധാ​ന പ്ര​തി​യാ​യ വെ​ങ്കി​ട്ട​ര​മ​ണ കാ​ര​ന്ത് വി​വി​ധ​ത​രം പൂ​ജ​ക​ളെ​ക്കു​റി​ച്ച് ആ​ഴ​ത്തി​ല്‍ അ​റി​വു​ള്ള ആ​ളാ​ണ്.

ഇ​ത്ത​ര​മൊ​രു കൃ​ത്യം ന​ട​ത്തു​ന്ന​തി​ന് സ്വ​ന്തം വീ​ടു ത​ന്നെ തെ​ര​ഞ്ഞെ​ടു​ത്ത​തും ഗൂ​ഢ​പൂ​ജ​ക​ളു​ടെ സാ​ധ്യ​ത​യ്ക്ക് ആ​ക്കം കൂ​ട്ടു​ന്നു. ഇ​ത്ത​രം ഗൂ​ഢ​പൂ​ജ​ക​ളി​ലൂ​ടെ സ​മ്പ​ത്തും ഐ​ശ്വ​ര്യ​വും വ​ര്‍​ധി​പ്പി​ക്കാ​മെ​ന്ന അ​ന്ധ​വി​ശ്വാ​സം പ​ല​യി​ട​ങ്ങ​ളി​ലും ഉ​ള്ള​താ​ണ്.

ബ​ലി​മൃ​ഗ​ങ്ങ​ളെ ആ​യു​ധ​മു​പ​യോ​ഗി​ക്കാ​തെ ശ്വാ​സം​മു​ട്ടി​ച്ച് കൊ​ല്ലു​ന്ന​തും ഇ​ത്ത​രം ആ​ഭി​ചാ​ര​ക​ര്‍​മ​ങ്ങ​ളി​ലെ രീ​തി​യാ​ണ്. ചി​ല രാ​സ​വ​സ്തു​ക്ക​ള്‍ ക​ല​ര്‍​ത്തി നേ​ര​ത്തേ ത​യ്യാ​റാ​ക്കി​വ​ച്ച വെ​ള്ള​ത്തി​ലാ​ണ് രൂ​പ​ശ്രീ​യു​ടെ ത​ല മു​ക്കി​പ്പി​ടി​ച്ച​തെ​ന്ന് കാ​ര​ന്ത് മൊ​ഴി ന​ല്കി​യി​രു​ന്നു. ഇ​ത് എ​ന്തു രാ​സ​വ​സ്തു​വാ​ണെ​ന്നോ എ​ങ്ങ​നെ ല​ഭി​ച്ചു​വെ​ന്നോ ഇ​തി​ന്‍റെ ഉ​ദ്ദേ​ശ്യം എ​ന്താ​യി​രു​ന്നു​വെ​ന്നോ ഇ​തു​വ​രെ വ്യ​ക്ത​മാ​യി​ട്ടി​ല്ല.

ഒ​രു​പ​ക്ഷേ ഈ ​രാ​സ​വ​സ്തു​വി​ന്‍റെ കാ​ഠി​ന്യം കൊ​ണ്ടാ​കാം രൂ​പ​ശ്രീ​യു​ടെ മു​ടി ന​ഷ്ട​പ്പെ​ട്ട​തെ​ന്നും അ​നു​മാ​നി​ക്കു​ന്നു​ണ്ട്. മ​ന്ത്ര​വാ​ദ​ത്തി​നാ​യി ഗു​രു​തി ത​യ്യാ​റാ​ക്കു​ന്ന​ത് വെ​ള്ള​ത്തി​ല്‍ നി​ശ്ചി​ത അ​നു​പാ​ത​ത്തി​ല്‍ ചു​ണ്ണാ​മ്പും മ​ഞ്ഞ​ള്‍​പൊ​ടി​യും ക​ല​ര്‍​ത്തി​യാ​ണ്.

ഈ ​മി​ശ്രി​ത​ത്തി​ന് ചോ​ര​യു​ടെ ക​ടും​ചു​വ​പ്പു​നി​റം ല​ഭി​ക്കു​ന്ന​തി​നാ​യി മ​റ്റു ചി​ല വ​സ്തു​ക്ക​ളും ചേ​ര്‍​ക്കാ​റു​ണ്ട്. ഇ​ങ്ങ​നെ ത​യ്യാ​റാ​ക്കി​യ ഗു​രു​തി​യി​ലാ​ണോ രൂ​പ​ശ്രീ​യെ ത​ല താ​ഴ്ത്തി​പ്പി​ടി​ച്ച് ശ്വാ​സം​മു​ട്ടി​ച്ച് കൊ​ല​പ്പെ​ടു​ത്തി​യ​തെ​ന്ന സം​ശ​യ​മാ​ണ് അ​ന്വേ​ഷ​ണ​സം​ഘ​ത്തി​നു​ള്ള​ത്. വെ​ള്ള​ത്തി​ല്‍ ചു​ണ്ണാ​മ്പി​ന്‍റെ അം​ശം കൂ​ടു​ന്ന​ത് മു​ടി​കൊ​ഴി​ച്ചി​ലി​ന് കാ​ര​ണ​മാ​കു​മെ​ന്ന വ​സ്തു​ത​യും ഇ​തി​ന് അ​ടി​വ​ര​യി​ടു​ന്നു.

നേ​ര​ത്തേ ഗു​രു​തി ത​യ്യാ​റാ​ക്കി​വ​ച്ചാ​ണ് കൊ​ല ന​ട​ത്തി​യ​തെ​ങ്കി​ല്‍ സം​ഭ​വ​വു​മാ​യി ബ​ന്ധ​പ്പെ​ട്ട് ദു​ര്‍​മ​ന്ത്ര​വാ​ദം ന​ട​ന്നി​ട്ടു​ണ്ടെ​ന്ന കാ​ര്യ​വും ഉ​റ​പ്പി​ക്കാ​നാ​കും. സം​ഭ​വം ന​ട​ക്കു​മ്പോ​ള്‍ താ​ന്‍ ധ​രി​ച്ചി​രു​ന്ന വ​സ്ത്ര​ങ്ങ​ളി​ല്‍ ഈ ​വെ​ള്ളം തെ​റി​ച്ചി​രു​ന്ന​തി​നാ​ല്‍ അ​വ പ​റ​മ്പി​ലി​ട്ട് ക​ത്തി​ച്ചു​ക​ള​ഞ്ഞ​താ​യും പ്ര​തി മൊ​ഴി ന​ല്കി​യി​ട്ടു​ണ്ട്.

രൂ​പ​ശ്രീ​യു​ടെ വ​സ്ത്ര​ങ്ങ​ളും ഇ​തോ​ടൊ​പ്പം ക​ത്തി​ച്ചു​ക​ള​ഞ്ഞി​രി​ക്കാ​മെ​ന്നും സം​ശ​യി​ക്കു​ന്നു. മി​യാ​പ്പ​ദ​വ് ആ​സാ​ദ് ന​ഗ​റി​ലെ വെ​ങ്കി​ട്ട​ര​മ​ണ​യു​ടെ വീ​ടും നി​ഗൂ​ഢ​ത​ക​ള്‍ നി​റ​ഞ്ഞ​താ​ണ്. ഒ​രു കാ​റി​ന് ക​ഷ്ടി​ച്ച് ക​ട​ന്നു​പോ​കാ​നാ​വു​ന്ന ചെ​റി​യൊ​രു മ​ണ്‍​പാ​ത മാ​ത്ര​മാ​ണ് വീ​ട്ടി​ലേ​ക്കു​ള്ള​ത്. വി​ശാ​ല​മാ​യ മു​റ്റ​ത്ത് തു​ള​സി​ത്ത​റ​യും അ​ഗ്‌​നി​കു​ണ്ഡ​വും കാ​ണാം.

മു​റ്റ​ത്ത് ഷീ​റ്റി​ട്ട​തി​നാ​ല്‍ വീ​ടി​ന​ക​ത്ത് അ​ധി​കം വെ​ളി​ച്ച​മി​ല്ല. പൂ​ജ​ക​ള്‍ ന​ട​ത്തു​ന്ന​തി​നാ​യി മാ​ത്രം സി​റ്റൗ​ട്ടി​നോ​ടു ചേ​ര്‍​ന്ന് വ​ലി​യൊ​രു മു​റി ത​യ്യാ​റാ​ക്കി​യി​ട്ടു​ണ്ട്. സാ​ധാ​ര​ണ വീ​ടു​ക​ളി​ലു​ള്ള​തു​പോ​ലെ ചെ​റി​യൊ​രു പൂ​ജാ​മു​റി വേ​റെ​യു​മു​ണ്ട്.

പു​റ​ത്തെ പൂ​ജാ​മു​റി​യി​ല്‍ വീ​ട്ടി​ലെ സ്ത്രീ​ക​ള്‍​ക്കും മ​റ്റും പ്ര​വേ​ശ​നം ഉ​ണ്ടാ​യി​രു​ന്നി​ല്ലെ​ന്നാ​ണ് സൂ​ച​ന. ഏ​താ​യാ​ലും നാ​ടി​നെ​യാ​കെ ഞെ​ട്ടി​ച്ച സം​ഭ​വ​ത്തി​ല്‍ കൂ​ടു​ത​ല്‍ വെ​ളി​പ്പെ​ടു​ത്ത​ലു​ക​ള്‍ വ​രും​ദി​വ​സ​ങ്ങ​ളി​ലു​ണ്ടാ​കു​മെ​ന്നാ​ണ് പ്ര​തീ​ക്ഷ.

Leave a Reply

Your email address will not be published. Required fields are marked *

LATEST NEWS