അ​ന​ധി​കൃ​ത​മാ​യി ക്ര​ഷ​ർ യൂ​ണി​റ്റു​ക​ൾ പ്ര​വ​ർ​ത്തി​ക്കു​ന്ന​തി​നെ​തി​രേ  നടപടിയെടുത്തില്ല;  മു​ത​ല​മ​ട ഗ്രാ​മ​പ​ഞ്ചാ​യ​ത്ത് സ്ഥി​രംസ​മി​തി അ​ധ്യ​ക്ഷ​ൻ രാ​ജി​വ​ച്ചു

കൊ​ല്ല​ങ്കോ​ട്: മു​ത​ല​മ​ട ഗ്രാ​മ​പ​ഞ്ചാ​യ​ത്ത് സ്ഥി​രം​സ​മി​തി അ​ധ്യ​ക്ഷ​ൻ എ​സ്.​കൃ​ഷ്ണ​കു​മാ​ർ രാ​ജി​വ​ച്ചു. പ​ഞ്ചാ​യ​ത്ത് പ്ര​ദേ​ശ​ങ്ങ​ളി​ൽ അ​ന​ധി​കൃ​ത​മാ​യി ക്ര​ഷ​ർ യൂ​ണി​റ്റു​ക​ൾ പ്ര​വ​ർ​ത്തി​ക്കു​ന്ന​തി​നെ​തി​രേ സി​പി​എം നേ​തൃ​ത്വ​ത്തി​ലു​ള്ള ഭ​ര​ണ​സ​മി​തി ന​ട​പ​ടി​യൊ​ന്നും സ്വീ​ക​രി​ച്ചി​ല്ലെ​ന്ന് ആ​രോ​പി​ച്ചാ​ണ് രാ​ജി.

പ​രി​സ്ഥി​തി ലോ​ല​പ്ര​ദേ​ശ​ങ്ങ​ളി​ൽ​വ​രെ വ​ൻ​കി​ട ക്വാ​റി​ക​ൾ​ക്ക് പ്ര​വ​ർ​ത്തി​ക്കാ​ൻ ഇ​ട​തു​പ​ക്ഷ ഭ​ര​ണ​സ​മി​തി സ​ഹാ​യം ന​ല്കു​ന്ന​താ​യി കൃ​ഷ്ണ​കു​മാ​ർ ആ​രോ​പി​ച്ചു.2015-ൽ ​ന​ട​ന്ന ത​ദ്ദേ​ശ സ്വ​യം​ഭ​ര​ണ തെ​ര​ഞ്ഞെ​ടു​പ്പി​ൽ മു​ത​ല​മ​ട പ​ത്താം​വാ​ർ​ഡി​ൽ​നി​ന്നും സ്വ​ത​ന്ത്ര​നാ​യി മ​ത്സ​രി​ച്ചാ​ണ് കൃ​ഷ്ണ​കു​മാ​ർ വി​ജ​യി​ച്ച​ത്. മു​ൻ​ഭ​ര​ണ​സ​മി​തി​യു​ടെ കാ​ല​ത്ത് മൂ​ച്ച​ൻ​കു​ണ്ട് ക്വാ​റി​യു​ടെ പ്ര​വ​ർ​ത്ത​ന​ത്തി​നെ​തി​രേ കൃ​ഷ്ണ​കു​മാ​ർ ശ​ക്ത​മാ​യി പ്ര​തി​ക​രി​ച്ചി​രു​ന്നു.

സി​പി​എം ഭ​ര​ണ​സ​മി​തി​യി​ൽ പ്ര​സി​ഡ​ന്‍റ് ബേ​ബി സു​ധ​യ്ക്കു​ള്ള പി​ന്തു​ണ​യും കൃ​ഷ്ണ​കു​മാ​ർ പി​ൻ​വ​ലി​ച്ചു. നി​ല​വി​ൽ സി​പി​എ​മ്മി​ന് ഒ​ന്പ​ത്, സി​പി​ഐ-​ഒ​ന്ന്, കോ​ണ്‍​ഗ്ര​സ്-​അ​ഞ്ച്, ബി​ജെ​പി-​നാ​ല് എ​ന്നി​ങ്ങ​നെ​യാ​ണ് ക​ക്ഷി​നി​ല. ഇ​തോ​ടെ ഭ​ര​ണ​പ​ക്ഷ​ത്തി​ന്‍റെ ക​ക്ഷി​നി​ല പ​ത്താ​യി ചു​രു​ങ്ങി.

കൃ​ഷ്ണ​കു​മാ​റി​നെ ഇ​ട​തു​മു​ന്ന​ണി​യി​ൽ ത​ന്നെ നി​ല​നി​ർ​ത്താ​ൻ അ​ണി​യ​റ​യി​ൽ ശ്ര​മം തു​ട​ങ്ങി​യ​താ​യും സൂ​ച​ന​യു​ണ്ട്. എ​ന്നാ​ൽ കോ​ട​തി​വി​ധി​യി​ലൂ​ടെ​യാ​ണ് ക്വാ​റി​ക​ൾ പ്ര​വ​ർ​ത്തി​ക്കു​ന്ന​തെ​ന്ന് ഭ​ര​ണ​ക​ക്ഷി​നേ​താ​ക്ക​ൾ വി​ശ​ദീ​ക​ര​ണ​വു​മാ​യി രം​ഗ​ത്തെ​ത്തി. ഇ​ട​തു​മു​ന്ന​ണി ഭ​ര​ണ​സ​മി​തി​ക്കെ​തി​രേ അ​വി​ശ്വാ​സം കൊ​ണ്ടു​വ​രു​ന്ന കാ​ര്യ​വും കൃ​ഷ്ണ​കു​മാ​ർ ആ​ലോ​ചി​ക്കു​ന്നുണ്ട്.