പ​ത്തു​കി​ലോ വീ​തം ഉ​രു​ള​ക്കി​ഴ​ങ്ങ്, ത​ക്കാ​ളി, അ​ഞ്ചു കി​ലോ പ​ച്ച​മു​ള​ക്..! വ്യാ​പാ​രി​ക​ള്‍​ക്ക് ഉ​ത്ത​രേ​ന്ത്യ​ന്‍ ന​മ്പ​റു​ക​ളി​ല്‍നി​ന്നു വ്യാ​ജ ഓ​ര്‍​ഡ​റു​ക​ള്‍; അ​ക്കൗ​ണ്ട് വി​വ​ര​ങ്ങ​ള്‍ ചോ​ര്‍​ത്താ​നു​ള്ള ശ്ര​മ​മെ​ന്ന് സം​ശ​യം

വെ​ള്ള​രി​ക്കു​ണ്ട്: സാ​ധ​ന​ങ്ങ​ള്‍​ക്കാ​യി വ്യാ​ജ ഓ​ര്‍​ഡ​റു​ക​ള്‍ ന​ല്‍​കി വ്യാ​പാ​രി​ക​ളു​ടെ ബാ​ങ്ക് അ​ക്കൗ​ണ്ട് വി​വ​ര​ങ്ങ​ള്‍ ചോ​ര്‍​ത്താ​ന്‍ ശ്ര​മം ന​ട​ക്കു​ന്ന​താ​യി സം​ശ​യം.

പാ​ത്തി​ക്ക​ര​യി​ലെ ഹൃ​ദ്യ വെ​ജി​റ്റ​ബി​ള്‍​സ് ഉ​ട​മ ബേ​ബി​ക്കും ഭീ​മ​ന​ടി​യി​ലെ ചു​ങ്ക​ത്തി​ല്‍ ബേ​ക്ക​റി ഉ​ട​മ ഷി​ഹാ​ബി​നു​മാ​ണ് അ​ടു​ത്ത​ടു​ത്ത ദി​വ​സ​ങ്ങ​ളി​ല്‍ സ​മാ​ന​മാ​യ അ​നു​ഭ​വ​മു​ണ്ടാ​യ​ത്.

അ​ടു​ത്ത ദി​വ​സം ബ​ളാ​ല്‍ ഗ​വ. ഹ​യ​ര്‍ സെ​ക്ക​ന്‍​ഡ​റി സ്‌​കൂ​ള്‍ ഗ്രൗ​ണ്ടി​ല്‍ ന​ട​ക്കാ​ന്‍ പോ​കു​ന്ന ആ​ര്‍​മി റി​ക്രൂ​ട്ട്‌​മെ​ന്‍റ് ക്യാ​മ്പി​ലേ​ക്ക് പ​ച്ച​ക്ക​റി​ക​ള്‍ എ​ത്തി​ച്ചു​ന​ല്‍​ക​ണ​മെ​ന്നാ​വ​ശ്യ​പ്പെ​ട്ടാ​ണ് ബേ​ബി​ക്ക് ഹി​ന്ദി​യി​ല്‍ ഫോ​ണ്‍​കോ​ള്‍ വ​ന്ന​ത്.

പ​ത്തു​കി​ലോ വീ​തം ഉ​രു​ള​ക്കി​ഴ​ങ്ങ്, ത​ക്കാ​ളി, അ​ഞ്ചു കി​ലോ പ​ച്ച​മു​ള​ക് എ​ന്നൊ​ക്കെ​യാ​യി​രു​ന്നു ഓ​ര്‍​ഡ​ര്‍.

ബേ​ബി ആ​വ​ശ്യ​പ്പെ​ട്ട​പ്പോ​ള്‍ വാ​ട്‌​സ്ആ​പ് ന​മ്പ​റി​ലേ​ക്കും സാ​ധ​ന​ങ്ങ​ളു​ടെ പ​ട്ടി​ക അ​യ​ച്ചു​കി​ട്ടി. തു​ട​ര്‍​ന്നാ​ണ് പണം അയയ്ക്കു​​ന്ന​തി​നാ​യി ബേ​ബി​യു​ടെ ബാ​ങ്ക് അ​ക്കൗ​ണ്ട് വി​വ​ര​ങ്ങ​ള്‍ ആ​വ​ശ്യ​പ്പെ​ട്ട​ത്.

വി​ശ്വാ​സ്യ​ത​യ്ക്കു​വേ​ണ്ടി സ​ന്ദീ​പ് റാ​വ​ത്ത് എ​ന്നപേ​രി​ലു​ള്ള ഐ​ഡി കാ​ര്‍​ഡിന്‍റെ കോ​പ്പി​യും ബേ​ബി​യു​ടെ വാ​ട്‌​സാ ആ​പ് ന​മ്പ​റി​ലേ​ക്ക് അ​യ​ച്ചു​ന​ൽകി.

എ​ന്നാ​ല്‍ ഓ​ര്‍​ഡ​റി​ന്‍റെ സ്വ​ഭാ​വ​ത്തി​ല്‍ സം​ശ​യം തോ​ന്നി​യ ബേ​ബി തു​ക കാ​ഷാ​യി ത​ന്നാ​ല്‍ മ​തി​യെ​ന്ന് മ​റു​പ​ടി ന​ല്‍​കു​ക​യാ​യി​രു​ന്നു.

ഇ​ന്ന​ലെ ഉ​ച്ച​യോ​ടെ ആ​ര്‍​മി​യു​ടെ വാ​ഹ​നം നേ​രി​ട്ടെ​ത്തി പ​ണ​മ​ട​ച്ച് സാ​ധ​ന​ങ്ങ​ള്‍ കൊ​ണ്ടു​പോ​കു​മെ​ന്ന് പ​റ​ഞ്ഞാ​ണ് ആ​ര്‍​മി ഓ​ഫീ​സ​റെ​ന്ന് സ്വ​യം പ​രി​ച​യ​പ്പെ​ടു​ത്തി​യയാ​ള്‍ സം​ഭാ​ഷ​ണം അ​വ​സാ​നി​പ്പി​ച്ച​ത്.

എ​ന്നാ​ല്‍ സാ​ധ​ന​ങ്ങ​ള്‍ ഒ​രു​ക്കി​വ​ച്ച​തി​നുശേ​ഷം വീ​ണ്ടും വി​ളി​ച്ച​പ്പോ​ള്‍ പ​ര​സ്പ​ര​വി​രു​ദ്ധ​മാ​യ മ​റു​പ​ടി​ക​ളാ​ണ് ല​ഭി​ച്ച​ത്.

ആ​ര്‍​മി റി​ക്രൂ​ട്ട്‌​മെ​ന്‍റ് ക്യാ​മ്പ് ന​ട​ക്കു​ന്ന​ത് ര​ഹ​സ്യ​മാ​യാ​ണ് എ​ന്നു​കൂ​ടി പ​റ​ഞ്ഞ​തോ​ടെ സം​ശ​യം വ​ര്‍​ധി​ച്ച ബേ​ബി ബ്ലോ​ക്ക് പ​ഞ്ചാ​യ​ത്ത് അം​ഗം ഷോ​ബി ജോ​സ​ഫി​നെ വി​വ​ര​മ​റി​യി​ക്കു​ക​യാ​യി​രു​ന്നു.

ഷോ​ബി​യു​ടെ സാ​ന്നി​ധ്യ​ത്തി​ല്‍ ആ ​ന​മ്പ​റി​ലേ​ക്ക് വീ​ണ്ടും വി​ളി​ച്ച​പ്പോ​ള്‍ ഹി​ന്ദി​യി​ലു​ള്ള തെ​റി​വാ​ക്കു​ക​ളാ​യി​രു​ന്നു മ​റു​പ​ടി.

ആ​ര്‍​മി ഓ​ഫീ​സ​റു​ടെ ഭാ​ര്യ​യെ​ന്ന് സ്വ​യം പ​രി​ച​യ​പ്പെ​ടു​ത്തി​യ സ്ത്രീ​യാ​ണ് ക്രി​സ്മ​സ് ത​ലേ​ന്ന് ബേ​ക്ക​റി ഉ​ട​മ ഷി​ഹാ​ബി​നെ വി​ളി​ച്ച് ര​ണ്ട​ര ​കി​ലോ തൂ​ക്ക​മു​ള്ള കേ​ക്ക് ആ​വ​ശ്യ​പ്പെ​ട്ട​ത്.

പ​ണം ന​ല്‍​കു​ന്ന​തി​നാ​യി അ​ക്കൗ​ണ്ട് വി​വ​ര​ങ്ങ​ള്‍ ആ​വ​ശ്യ​പ്പെ​ടു​ക​യും ചെ​യ്തു.

നേ​രി​ട്ടു പ​ണം ന​ല്‍​കി​യാ​ല്‍ മ​തി​യെ​ന്ന് പ​റ​ഞ്ഞ​തോ​ടെ സം​ഭാ​ഷ​ണം അ​വ​സാ​നി​പ്പി​ക്കു​ക​യാ​യി​രു​ന്നു. ഭീ​മ​ന​ടി​ക്കു സ​മീ​പം കാ​ലി​ക്ക​ട​വി​ല്‍നി​ന്നാ​ണ് വി​ളി​ക്കു​ന്ന​തെ​ന്നാ​ണ് ഹി​ന്ദി​യി​ല്‍ സം​സാ​രി​ച്ച സ്ത്രീ ​പ​റ​ഞ്ഞ​ത്.

ദൂ​ര​സ്ഥ​ല​ങ്ങ​ളി​ലു​ള്ള ന​മ്പ​റു​ക​ളി​ല്‍ നി​ന്നാ​ണ് കോ​ളു​ക​ള്‍ വ​രു​ന്ന​തെ​ങ്കി​ലും പ്രാ​ദേ​ശി​ക​മാ​യ സ്ഥ​ല​പ്പേ​രു​ക​ള്‍ പോ​ലും അ​വ​ര്‍ കൃ​ത്യ​മാ​യി പ​റ​യു​ന്ന​തി​ല്‍നി​ന്ന് ഇ​വ​ര്‍​ക്ക് പ്രാ​ദേ​ശി​ക സ​ഹാ​യം ല​ഭി​ക്കു​ന്നു​ണ്ടെ​ന്ന സം​ശ​യ​വും ഉ​യ​രു​ന്നു​ണ്ട്.