തിരുവനന്തപുരം: കെഎസ്ആർടിസിയുടെ മിന്നൽ, സ്വിഫ്റ്റ് ബസുകളിൽ സീറ്റ് ബെൽറ്റ് നിർബന്ധമാക്കണമെന്ന ആവശ്യവുമായി അബിൻ വർക്കി എംഎൽഎ. ഇതുസംബന്ധിച്ച് കെഎസ്ആർടിസി മാനേജിംഗ് ഡയറക്ടർക്ക് എംഎൽഎ കത്തുനൽകി.
രാത്രികാലങ്ങളിലെ അതിവേഗ യാത്രയും ദേശീയപാതകളിലെ ഗതാഗത സാഹചര്യങ്ങളും കണക്കിലെടുത്ത് യാത്രക്കാരുടെയും ഡ്രൈവർമാരുടെയും സുരക്ഷ പ്രധാനമാണെന്ന് എംഎൽഎ കത്തിൽ വ്യക്തമാക്കുന്നു.
സുരക്ഷ മുൻനിർത്തി എല്ലാ മിന്നൽ ബസുകളിലെയും ഡ്രൈവർ സീറ്റിലും പാസഞ്ചർ സീറ്റുകളിലും സീറ്റ് ബെൽറ്റുകൾ ഉറപ്പാക്കണം എന്നതാണ് കത്തിലെ പ്രധാന ആവശ്യം. യാത്രയിലുടനീളം ഡ്രൈവറും യാത്രക്കാരും സീറ്റ് ബെൽറ്റ് ധരിക്കുന്നത് നിർബന്ധമാക്കണമെന്നും കത്തിൽ ആവശ്യപ്പെടുന്നു.
