Set us Home Page

സര്‍ക്കാരുകള്‍ കേള്‍ക്കാനാണ്… ദയവായി ഫോണ്‍ വിളിക്കുമ്പോഴുള്ള കൊറോണ സന്ദേശം തല്‍ക്കാലത്തേക്കെങ്കിലും ഒഴിവാക്കണം…ഒരു ജീവന്‍ രക്ഷിക്കാനുള്ള സമയമായിരിക്കാം ഇതു കൊണ്ടു നഷ്ടപ്പെടുന്നതെന്ന് ഷെയ്ന്‍ നിഗം…

ഫോണ്‍ വിളിക്കുമ്പോള്‍ ആദ്യം കേള്‍ക്കുന്ന കൊറോണ ജാഗ്രതാ സന്ദേശം കുറച്ചു കാലത്തേക്കെങ്കിലും ഒഴിവാക്കണമെന്ന അഭിപ്രായവുമായി നടന്‍ ഷെയ്ന്‍ നിഗം.

കേരളം മറ്റൊരു പ്രളയഭീതിയിലേക്ക് എത്തി നില്‍ക്കുമ്പോള്‍ ഫോണ്‍കോളുകള്‍ വേഗത്തില്‍ ലഭിക്കേണ്ടത് ആവശ്യമാണ്. എന്നാല്‍ റെക്കോര്‍ഡ് ചെയ്തുവച്ച കോവിഡ് സന്ദേശം ഒരു ജീവന്‍ രക്ഷിക്കാനുള്ള സമയം നഷ്ടപ്പെടുത്താമെന്ന് ഷെയ്ന്‍ പറയുന്നു.

‘സര്‍ക്കാരുകളുടെ ശ്രദ്ധയിലേക്കാണ്.. ദയവായി ഫോണ്‍ വിളിക്കുമ്പോള്‍ ഉള്ള കൊറോണ സന്ദേശം കുറച്ചു നാളത്തേക്ക് ഒഴിവാക്കണം എന്ന് അപേക്ഷിക്കുന്നു.കേരളം മറ്റൊരു പ്രളയ ഭീതിയിലാണ്. അത്യാവശ്യമായി ഫോണ്‍ വിളിക്കുമ്‌ബോള്‍ റെക്കോര്‍ഡ് ചെയ്തു വെച്ച സന്ദേശം മൂലം ഒരു ജീവന്‍ രക്ഷിക്കാന്‍ ഉള്ള സമയം പോലും നമുക്ക് നഷ്ടമായേക്കാം. ദയവായി ഉടന്‍ തന്നെ നടപടി എടുക്കുമെന്ന് പ്രതീക്ഷിക്കുന്നു’ എന്നാണ് ഷെയ്ന്‍ ഫേസ്ബുക്കില്‍ കുറിച്ചു.

ആരാധകരും ഷെയ്‌ന്റെ അഭിപ്രായത്തോടു പൂര്‍ണമായും യോജിച്ചു. പ്രളയകാലത്ത് കോവിഡ് സന്ദേശങ്ങള്‍ ഒഴിവാക്കണമെന്ന് സോഷ്യല്‍ മീഡിയയില്‍ നിന്നുള്ള സന്ദേശങ്ങള്‍. കേരളത്തെ സംബന്ധിച്ച് കഴിഞ്ഞ ദിവസം ഏറെ ദുരന്തങ്ങളാണ് സംഭവിച്ചത്. 17 പേരുടെ മരണത്തിന് ഇടയാക്കിയ രാജമലയിലെ മണ്ണിടിച്ചല്‍ കേരളത്തെ ദുഖത്തിലാഴ്ത്തിയിരുന്നു. അതേദിവസം തന്നെ കരിപ്പൂര്‍ വിമാനത്താവളത്തില്‍ വിമാനപകടവും കേരളത്തെ ഒന്നാകെ ഞെട്ടിച്ചു.

അടിയന്തരമായ രക്ഷാപ്രവര്‍ത്തനങ്ങള്‍ ആവശ്യമായ ഇത്തരം സാഹചര്യങ്ങളില്‍ ഫോണ്‍വിളിക്കുമ്പോള്‍ കേള്‍ക്കുന്ന കോവിഡ് സന്ദേശം പലപ്പോഴും ബുദ്ധിമുട്ടുണ്ടാക്കുമെന്ന് വ്യക്തമാണ്.

Leave a Reply

Your email address will not be published. Required fields are marked *

LATEST NEWS