അന്വേഷ ഉദ്യോഗസ്ഥർക്ക് ആശങ്ക; സ്പി​രി​റ്റ് മോ​ഷ​ണ​ക്കേ​സി​ലെ പ്ര​തി​ക​ൾ​ക്ക് കോ​വി​ഡ്; അടുത്ത് ഇടപഴകിയവർ നിരിക്ഷണത്തിൽ പോകേണ്ടി വന്നാൽ…

തി​രു​വ​ല്ല: ട്രാ​വ​ൻ​കൂ​ർ ഷു​ഗേ​ഴ്സ് ആ​ൻ​ഡ് കെ​മി​ക്ക​ൽ​സി​ലെ സ്പി​രി​റ്റ് മോ​ഷ​ണ​ക്കേ​സി​ലെ ഒ​ന്നു മു​ത​ൽ മൂ​ന്നു വ​രെ​യു​ള്ള പ്ര​തി​ക​ൾ​ക്ക് കോ​വി​ഡ് സ്ഥി​രീ​ക​രി​ച്ചു​വെ​ന്ന് പോ​ലീ​സ്.

ഇ​ക്ക​ഴി​ഞ്ഞ ബു​ധ​നാ​ഴ്ച തി​രു​വ​ല്ല ഫ​സ്റ്റ് ക്ലാ​സ് ജു​ഡീ​ഷ്യ​ൽ മ​ജി​സ്ട്രേ​റ്റ് കോ​ട​തി​യി​ൽനി​ന്ന് തെ​ളി​വെ​ടു​പ്പി​നും മ​റ്റു​മാ​യി മൂ​ന്നു പ്ര​തി​ക​ളെ​യും 12 ദി​വ​സ​ത്തേ​ക്ക് പോ​ലീ​സ് ക​സ്റ്റ​ഡി​യി​ൽ വി​ട്ടി​രു​ന്ന​താ​ണ്.

പ്ര​തി​ക​ളെ മധ്യ​പ്ര​ദേ​ശി​ൽ എ​ത്തി​ച്ച് തെ​ളി​വെ​ടു​പ്പ് ന​ട​ത്ത​ണ​മെ​ന്ന കാ​ര​ണം ചൂ​ണ്ടി​ക്കാ​ട്ടി പോ​ലീ​സ് സ​മ​ർ​പ്പി​ച്ച അ​പേ​ക്ഷ അ​നു​വ​ദി​ക്കു​ക​യും പ്ര​തി​ക​ളെ ക​സ്റ്റ​ഡി​യി​ൽ വി​ടു​ക​യു​മു​ണ്ടാ​യി.

പ്ര​തി​ക​ളെ പോ​ലീ​സ് ക​സ്റ്റ​ഡി​യി​ൽ എ​ടു​ക്കു​ന്ന സ​മ​യ​ത്ത് താ​ലൂ​ക്കാ​ശു​പ​ത്രി​യി​ൽ ന​ട​ത്തി​യ വൈ​ദ്യ പ​രി​ശോ​ധ​ന​യി​ൽ ഒ​ന്നും ര​ണ്ടും പ്ര​തി​ക​ൾ​ക്ക് കോ​വി​ഡ് സ്ഥി​തീ​ക​രി​ക്കു​ക​യും തു​ട​ർ​ന്ന് ഇ​ന്ന​ലെ രാ​വി​ലെ ഒ​ന്നാം പ്ര​തി​യെ മാ​ത്ര​മാ​യി തെ​ളി​വെ​ടു​പ്പി​ന് മ​ധ്യ​പ്ര​ദേ​ശി​ലേക്ക് പോ​കാ​നാ​യി പോ​ലീ​സ് നി​ശ്ച​യി​ച്ചി​രു​ന്ന​തുമാ​ണ്.

എ​ന്നാ​ൽ യാ​ത്ര തി​രി​ക്കു​ന്ന​തി​നു തൊ​ട്ടു​മു​മ്പ് ഇ​യാ​ളു​ടെ​യും കോ​വി​ഡ് പ​രി​ശോ​ധ​നാ​ഫ​ലം പോ​സി​റ്റീ​വ് ആ​യെ​ന്നാ​ണ് പോ​ലീ​സ് പ​റ​യു​ന്ന​ത്.

തു​ട​ർ​ന്ന് മൂ​ന്ന് പ്ര​തി​ക​ളെ​യും പോ​ലീ​സി​ന്‍റെ മേ​ൽ​നോ​ട്ട​ത്തി​ലു​ള്ള ആ​ല​പ്പു​ഴ​യി​ലെ കോ​വി​ഡ് ചി​കി​ത്സാ കേ​ന്ദ്ര​ത്തി​ലേ​ക്ക് മാ​റ്റി​യി​ട്ടു​ണ്ട്.

കോ​ട​തി​യി​ൽ നി​ന്നും ക​സ്റ്റ​ഡി​യി​ലെ​ടു​ത്ത പ്ര​തി​ക​ൾ​ക്കൊ​പ്പം അ​ന്വേ​ഷ​ണ ഉ​ദ്യോ​ഗ​സ്ഥ​ർ ഉ​ൾ​പ്പെ​ടെ​യു​ള്ള​വ​ർ ഒ​രേ വാ​ഹ​ന​ത്തി​ലാ​ണ് യാ​ത്ര ചെ​യ്ത​തെ​ന്നും ര​ണ്ടു ദി​വ​സ​ത്തോ​ളം ഇ​വ​ർ പു​ളി​ക്കീ​ഴ് പോ​ലീ​സ് സ്റ്റേ​ഷ​നി​ൽ ഉ​ണ്ടാ​യി​രു​ന്നെ​ന്നും അ​ന്വേ​ഷ​ണ ഉ​ദ്യോ​ഗ​സ്ഥ​ർ ഇ​വ​രു​മാ​യി അ​ടു​ത്തി​ട​പ​ഴ​കി​യെ​ന്നും അ​റി​യാ​ൻ ക​ഴി​യു​ന്നു.

പ്ര​തി​ക​ളു​മാ​യി അ​ടു​ത്തി​ട​പ​ഴ​കി​യ പോ​ലീ​സ് ഉ​ദ്യോ​ഗ​സ്ഥ​രും നി​രീ​ക്ഷ​ണ​ത്തി​ൽ പോ​കേ​ണ്ടി വ​രു​ന്ന സാ​ഹ​ച​ര്യം ഉ​ണ്ടാ​യാ​ൽ കേ​സ​ന്വേ​ഷ​ണം പാ​ടേ നി​ല​യ്ക്കു​മെ​ന്ന ആ​ശ​ങ്ക​യി​ലാ​ണ് അ​ന്വേ​ഷ​ണ ഉ​ദ്യോ​ഗ​സ്ഥ​ൻ.