സ്വപ്‌നാടനം! പിടിവിടാതെ ക്രൈംബ്രാഞ്ച്…

സ്വ​പ്ന സു​രേ​ഷ് ഐ​എ​ൻ​എ​യു​ടെ പി​ടി​യി​ലാ​യ​തോ​ടെ പ​ഴ​യ കേ​സു​ക​ളും സ്വ​പ്ന​യ്ക്കു ചു​റ്റും കു​രു​ക്ക് മു​റു​കി​ത്തു​ട​ങ്ങി. എ​യ​ർ ഇ​ന്ത്യ സാ​റ്റ്സി​ലെ വ്യാ​ജ​പ​രാ​തി​യി​ലും ആ​ൾ​മാ​റാ​ട്ടം ന​ട​ത്തി​യ കേ​സി​ലും സ്വ​പ്ന സു​രേ​ഷി​നെ പ്ര​തി​യാ​ക്കാ​നു​ള്ള ന​ട​പ​ടി​ക​ൾ ക്രൈം​ബ്രാ​ഞ്ച് സം​ഘം ആ​രം​ഭി​ച്ചു ക​ഴി​ഞ്ഞു.

ഇ​തി​ന് മു​ന്നോ​ടി​യാ​യി കേ​സു​മാ​യി ബ​ന്ധ​പ്പെ​ട്ട് സ്വ​പ്ന​യ്ക്ക് സ​ഹാ​യം ചെ​യ്തു​കൊ​ടു​ത്ത കൂ​ടു​ത​ൽ​പേ​രെ ക്രൈം​ബ്രാ​ഞ്ച് സം​ഘം ചോ​ദ്യം ചെ​യ്തു​വ​രി​ക​യാ​ണ്.

സ്ത്രീ​ക​ൾ ഉ​ൾ​പ്പെ​ടെ​യു​ള്ള​വ​രും എ​യ​ർ ഇ​ന്ത്യ സാ​റ്റ്സി​ലെ ഉ​ന്ന​ത​രും പ്ര​തി​ പ​ട്ടി​ക​യി​ൽ ഉ​ണ്ടാ​കാ​നാ​ണ് സാ​ധ്യ​ത. എ​യ​ർ ഇ​ന്ത്യ സാ​റ്റ്സി​ലെ ഉ​ദ്യോ​ഗ​സ്ഥ​നാ​യ സി​ബു​വി​നെ വ്യാ​ജ​പ​രാ​തി​യി​ലൂ​ടെ കു​ടു​ക്കാ​ൻ ശ്ര​മി​ച്ച​തി​നു​പി​ന്നി​ൽ സ്വ​പ്ന​യും എ​യ​ർ ഇ​ന്ത്യ സാ​റ്റ്സി​ലെ ഉ​യ​ർ​ന്ന ഉ​ദ്യോ​ഗ​സ്ഥ​നാ​യ ബി​നോ​യ് ജേ​ക്ക​ബും ഉ​ൾ​പ്പെ​ടെ ഗൂ​ഢാ​ലോ​ച​ന ന​ട​ത്തി​യ​തി​ന്‍റെ വി​വ​ര​ങ്ങ​ൾ പു​റ​ത്തു​വ​രി​ക​യാ​ണ്.

ക്രൈം​ബ്രാ​ഞ്ച് തി​രു​വ​ന​ന്ത​പു​രം യൂ​ണി​റ്റ് ഡി​വൈ​എ​സ്പി ബി. ​അ​നി​ൽ​കു​മാ​റി​ന്‍റെ നേ​തൃ​ത്വ​ത്തി​ലു​ള്ള അ​ന്വേ​ഷ​ണ​സം​ഘ​മാ​ണ് കേ​സ് അ​ന്വേ​ഷി​ക്കു​ന്ന​ത്.

എ​യ​ർ ഇ​ന്ത്യ സാ​റ്റ്സി​ൽ ജോ​ലി ചെ​യ്ത സ​മ​യ​ത്തു​ള്ള ബി​നോ​യി​യു​ടെ​യും സ്വ​പ്ന​യു​ടെ​യും സൗ​ഹൃ​ദം ഇ​പ്പോ​ഴും തു​ട​രു​ന്നു​ണ്ടോ​യെ​ന്ന​ വി​വ​ര​ങ്ങ​ളും ക്രൈം​ബ്രാ​ഞ്ച് ശേ​ഖ​രി​ക്കു​ക​യാ​ണ്.

വർഷങ്ങൾക്കു മുന്പ് വെ​ള്ള​യ​ന്പ​ല​ത്തെ എ​യ​ർ ഇ​ന്ത്യ ഓ​ഫീ​സി​നു താ​ഴെ​യു​ള്ള ഗ്രൗ​ണ്ട് ഫ്ളോ​ർ ന​ട​പ​ടി​ക്ര​മ​ങ്ങ​ൾ പാ​ലി​ക്കാ​തെ സാ​റ്റ്സി​ന് പ്ര​വ​ർ​ത്തി​ക്കാ​ൻ ന​ൽ​കി​യ​തി​നു​പി​ന്നി​ൽ സ്വ​പ്ന​യ്ക്ക് പ​ങ്കു​ണ്ടാ​യി​രു​ന്നു​വെ​ന്നാ​ണ് ഇ​പ്പോ​ൾ ഉ​യ​രു​ന്ന ആ​രോ​പ​ണം.

വാ​ട​ക​യൊ​ന്നും ഈ​ടാ​ക്കാ​തെ​യാ​ണ് എ​യ​ർ ഇ​ന്ത്യ സാ​റ്റ്സി​ന് ഈ ​കെ​ട്ടി​ട​ത്തി​ന്‍റെ ഗ്രൗ​ണ്ട് ഫ്ളോ​ർ ന​ൽ​കി​യി​രു​ന്ന​ത്. രാ​ജ​ഭ​ര​ണ​കാ​ല​ത്ത് ദാ​ന​മാ​യി ന​ൽ​കി​യ വ​സ്തു​വി​ലാ​ണ് എ​യ​ർ ഇ​ന്ത്യ ഓ​ഫീ​സ് പ്ര​വ​ർ​ത്തി​ക്കു​ന്ന​ത്.

എ​യ​ർ ഇ​ന്ത്യ​യു​ടെ അ​ല്ലാ​തെ ഒ​രു കാ​ര്യ​ത്തി​നും ഈ ​സ്ഥ​ലം ഉ​പ​യോ​ഗി​ക്കാ​നോ ക്ര​യ​വി​ക്ര​യം ന​ട​ത്താ​നോ വാ​ട​ക​യ്ക്ക് ന​ൽ​കാ​നോ പാ​ടി​ല്ലെ​ന്ന വ്യ​വ​സ്ഥ​ക​ൾ​ക്ക് വി​രു​ദ്ധ​മാ​യാ​ണ് അ​ക്കാ​ല​ത്ത് സാ​റ്റ്സി​ന്‍റെ ഓ​ഫീ​സ് പ്ര​വ​ർ​ത്തി​ക്കാ​ൻ അന്ന് സ്വ​പ്ന ഇ​ട​പെ​ട്ട​തെ​ന്നാ​ണ് ഉ​യ​രു​ന്ന ആ​രോ​പ​ണം.

വൈ​ദ്യു​തി ബി​ൽ അ​മി​ത​മാ​യ​തോ​ടെ എ​യ​ർ ഇ​ന്ത്യ​യി​ലെ യൂ​ണി​യ​ൻ നേ​താ​ക്ക​ൾ സാ​റ്റ്സി​ന്‍റെ ഓ​ഫീ​സ് മാ​റ്റ​ണ​മെ​ന്ന ആ​വ​ശ്യ​വു​മാ​യി മു​ന്നോ​ട്ടു​വ​രി​ക​യാ​യി​രു​ന്നു. ഇതേത്തുടർന്ന് രണ്ട് വർഷങ്ങൾക്കു മുന്പ് സ്ഥാപനം അവി ടെ നിന്ന് മാറ്റി.

എ​യ​ർ ഇ​ന്ത്യ സാ​റ്റ്സ് വി​ട്ട​പ്പോ​ൾ ഉ​ട​നെ ത​ന്നെ യു​എ​ഇ കോ​ൺ​സു​ലേ​റ്റി​ൽ ജോ​ലി​യി​ൽ ക​യ​റാ​നും പി​ന്നീ​ട് അ​വി​ടെ നി​ന്ന് പു​റ​ത്താ​ക്ക​പ്പെ​ട്ട​പ്പോ​ൾ ഐ​ടി വി​ഭാ​ഗ​ത്തി​ൽ ഉ​ട​നെ ത​ന്നെ പ്ര​വേ​ശി​ക്കാ​നും സ്വ​പ്ന​യെ ഉ​ന്ന​ത ബ​ന്ധ​ങ്ങ​ൾ സ​ഹാ​യി​ച്ചി​രു​ന്നു.

ഇ​പ്പോ​ഴാ​ക​ട്ടെ കു​രു​ക്കു​ക​ൾ ഓ​രോ​ന്നാ​യി മു​റു​കു​ക​യാ​ണ്. വ്യാ​ജ​ബി​രു​ദം ത​യ്യാ​റാ​ക്കി​യ​തി​നു​ള്ള അ​ന്വേ​ഷ​ണ​വും ക​ഴി​ഞ്ഞ ദി​വ​സം തു​ട​ങ്ങി​ക്ക​ഴി​ഞ്ഞു.