അഹമ്മദാബാദ്: ഗുജറാത്തിലെത്തിയ പാക്കിസ്ഥാനില്‍നിന്നുള്ള 11 മത്സ്യബന്ധന ബോട്ടുകള്‍ അതിര്‍ത്തി രക്ഷാസേന കണ്ടെത്തി. ഭുജിന് സമീപം പാക്കിസ്ഥാന്‍ അതിര്‍ത്തിയിലെ ഹരാമിനല്ലയില്‍ പട്രോളിംഗിന് ഇടയിലാണ് ബോട്ടുകള്‍ കണ്ടെത്തിയത്.
തീരത്ത് അടുപ്പിച്ച നിലയിലായിരുന്നു ബോട്ടുകൾ. ഈ ബോട്ടുകളിൽ എത്തിയവർ ആരെന്നതിൽ യാതൊരു സൂചനകളുമില്ല.
യഥാർഥ്യ മത്സ്യത്തൊഴിലാളികൾ അബദ്ധത്തിൽ സമുദ്രാതിർത്തി ലംഘിച്ച് എത്തിയതാണോ അതോ മത്സ്യത്തൊഴിലാളികൾ എന്ന ഭാവേന ഭീകരർ കടന്നു കയറിയതാണോ എന്നതാണ് ആശങ്ക ഉയർത്തിയിരിക്കുന്നത്.
മത്സ്യത്തൊഴിലാകളികൾ ആയിരുന്നെങ്കിൽ അവർ ബോട്ട് ഉപേക്ഷിച്ച് എവിടേക്കു പോയി എന്നതാണ് ഉയരുന്ന ചോദ്യം. ബോട്ടിലെത്തിയവരെ കണ്ടെത്താന്‍ വ്യോമസേന ഹെലികോപ്റ്ററില്‍ കമാന്‍ഡോകളെ ഇറക്കിയിട്ടുണ്ട്.
മൂന്ന് ഗ്രൂപ്പുകളായി തിരിഞ്ഞാണ് കമാന്‍ഡോകള്‍ തെരച്ചില്‍ നടത്തുന്നത്. മേഖലയിൽ കർശന പരിശോധനയാണ് പുരോഗമിക്കുന്നത്.
