വിവാഹസദ്യയ്ക്ക് കറി വിളമ്പുന്നതിനെച്ചൊല്ലി വധുവിന്റെയും വരന്റെയും ബന്ധുക്കള്‍ തമ്മില്‍ വിവാഹപന്തലില്‍ പൊരിഞ്ഞയടി.
ആര്യങ്കാവില്‍ നടന്ന വിവാഹത്തില്‍ സദ്യ വിളമ്പുന്നതിനിടെ ഉണ്ടായ തര്‍ക്കമാണ് അടിപിടിയില്‍ കലാശിച്ചത്. കൂട്ടത്തല്ലില്‍ സ്ത്രീകള്‍ക്കടക്കം പരിക്കേറ്റു.
കറി വിളമ്പുന്നതിനെ ചൊല്ലിയുണ്ടായ സംസാരം ഒടുവില്‍ ഏറ്റുമുട്ടലിന് വഴിവെയ്ക്കുകയായിരുന്നു. ആര്യങ്കാവ് പോലീസെത്തിയാണ് ഇരുകൂട്ടരെയും മാറ്റിയത്.
മദ്യപിച്ച് വിവാഹത്തിനെത്തിയവരാണ് വഴക്കുണ്ടാക്കിയതെന്നാണ് ആരോപണം. സംഭവത്തില്‍ ഏഴ് പേര്‍ക്കെതിരെ പൊലീസ് കേസെടുത്തു. ആര്യങ്കാവ് സ്വദേശിനിയാണ് വധു. വരന്‍ കടയ്ക്കല്‍ സ്വദേശിയും.
ബന്ധുക്കള്‍ തമ്മില്‍ ഏറ്റുമുട്ടിയെങ്കിലും ഒന്നിച്ചു ജീവിക്കാനാണ് ഇവരുടെ തീരൂമാനം. ഇരുവരും വരന്റെ വീട്ടിലേക്ക് പോയി.
