പോ​ലീ​സ് നി​ഷ്ക്രി​യ​മെ​ന്ന് നാ​ട്ടു​കാ​ർ; അന്വേഷണം ഊർജിതമാക്കി മോഷ്ടാക്കളെ ഉ​ട​ൻ പി​ടി​കൂടുമെുന്ന് പോ​ലീ​സ്

വ​ട​ക്കാ​ഞ്ചേ​രി: വ​ട​ക്കാ​ഞ്ചേ​രി​യി​ലും സ​മീ​പ പ്ര​ദേ​ശ​ങ്ങ​ളി​ലും മോ​ഷ​ണം വ​ർ​ധി​ച്ചി​ട്ടും പോ​ലീ​സ് നി​ഷ്ക്രി​യ​മെ​ന്ന് നാ​ട്ടു​കാ​ർ. എ​ന്നാ​ൽ അ​ന്വേ​ഷ​ണം ഊ​ർ​ജി​ത​മാ​ക്കി​യ​താ​യും പ്ര​തി​ക​ളെ ഉ​ട​ൻ പി​ടി​കൂ​ടു​മെ​ന്നും വ​ട​ക്കാ​ഞ്ചേ​രി സി​ഐ പി.​എ​സ്. സു​രേ​ഷ് അ​റി​യി​ച്ചു. എ​ങ്ക​ക്കാ​ട്, മ​ങ്ക​ര, മാ​രാ​ത്ത്കു​ന്ന്, ഊ​ത്രാ​ളി​ക്കാ​വ് പ​രി​സ​രം എ​ന്നി​വി​ട​ങ്ങ​ളി​ൽ എ​ട്ടോ​ളം വീ​ടു​ക​ളി​ലാ​ണ് ക​ഴി​ഞ്ഞ​ദി​വ​സം മോ​ഷ​ണ പ​ര​ന്പ​ര അ​ര​ങ്ങേ​റി​യ​ത്.

തി​രു​വോ​ണം വാ​രി​യ​ത്ത് രാ​ജ​ല​ക്ഷ്മി​യു​ടെ വീ​ട്ടി​ൽ​നി​ന്ന് 12000 രൂ​പ മോ​ഷ്ടാ​ക്ക​ൾ ക​വ​ർ​ന്നു. ഇ​വ​രു​ടെ അ​യ​ൽ​വാ​സി​യാ​യ കാ​ക്ക​തു​രു​ത്തി​യി​ൽ മ​ത്താ​യി​യു​ടെ വീ​ട്ടി​ൽ​നി​ന്ന് സ്കൂ​ട്ട​ർ ക​വ​ർ​ന്നെ​ങ്കി​ലും സ​മീ​പ​ത്ത് ഉ​പേ​ക്ഷി​ച്ച​നി​ല​യി​ൽ ക​ണ്ടെ​ത്തി.

പൂ​ക്കു​ന്ന​ത്ത് വീ​ട്ടി​ൽ കൃ​ഷ്ണ​ദാ​സി​ന്‍റെ വീ​ടി​ന്‍റെ പി​ൻ​വാ​തി​ൽ ത​ക​ർ​ത്ത് അ​ക​ത്ത് ക​യ​റി​യ മോ​ഷ്ടാ​ക്ക​ൾ അ​ക​ത്തെ റൂ​മി​ന്‍റെ വാ​തി​ൽ ത​ക​ർ​ക്കു​ന്ന​തി​നി​ടെ ശ​ബ്ദം കേ​ട്ട് വീ​ട്ടു​കാ​ർ ഉ​ണ​ർ​ന്ന​തോ​ടെ തൊ​ട്ടു​പി​റ​കി​ലു​ള്ള റെ​യി​ൽ പാ​ളം വ​ഴി ഓ​ടി ര​ക്ഷ​പ്പെ​ടു​ക​യാ​യി​രു​ന്നു.

തു​ട​ർ​ന്ന് മി​നി​റ്റു​ക​ൾ​ക്ക​കം പൂ​ക്കു​ന്ന​ത്ത് വി​ജ​യ​ന്‍റെ വീ​ട്ടി​ലെ​ത്തി​യ സം​ഘം സ​മാ​ന​രീ​തി​യി​ൽ വീ​ടി​ന്‍റെ വാ​തി​ൽ ത​ക​ർ​ക്കു​ക​യും അ​ല​മാ​ര​യി​ൽ സൂ​ക്ഷി​ച്ചി​രു​ന്ന സാ​ധ​ന​സാ​മ​ഗ്രി​ക​ൾ വാ​രി​വ​ലി​ച്ചി​ടു​ക​യും ചെ​യ്തു. ഇ​വി​ടെ​നി​ന്ന് ഒ​ന്നും ന​ഷ്ട​പ്പെ​ട്ടി​ട്ടി​ല്ലെ​ന്നു വീ​ട്ടു​കാ​ർ പ​റ​ഞ്ഞു. പി​ന്നീ​ട് മോ​ഷ്ടാ​ക്ക​ൾ കു​ന്ന​ത്തു​ള്ളി ര​വീ​ന്ദ്ര​ന്‍റെ വീ​ടി​ന്‍റെ വാ​തി​ൽ ത​ക​ർ​ത്തെ​ങ്കി​ലും ഒ​ന്നും ന​ഷ്ട​പ്പെ​ട്ടി​ല്ല.

ത​ളി​യി​ൽ​നി​ന്ന് ക​വ​ർ​ന്ന ക​ണ്ണ​ന്‍റ ബൈ​ക്ക് തൃ​ശൂ​ർ- ഷൊ​ർ​ണൂ​ർ സം​സ്ഥാ​ന​പാ​ത​യി​ൽ വാ​ഴ​ക്കോ​ട് ഫ്ളൈ​വെ​ൽ വ​ള​വി​ൽ മോ​ഷ്ടാ​ക്ക​ൾ ഉ​പേ​ക്ഷി​ച്ചു. പ​ട്രോ​ളിം​ഗ് ന​ട​ത്തു​ക​യാ​യി​രു​ന്ന പോ​ലീ​സ് സം​ഘ​ത്തി​ന്‍റെ മു​ന്നി​ൽ ബൈ​ക്കി​ലെ​ത്തി​യ മോ​ഷ്ടാ​ക്ക​ൾ വ​ന്നു​പ്പെ​ട്ടെ​ങ്കി​ലും ബൈ​ക്ക് ഉ​പേ​ക്ഷി​ച്ച് മൂ​ന്നു​പേ​ർ ഓ​ടി​ര​ക്ഷ​പ്പെ​ടു​ക​യാ​യി​രു​ന്നു.

ക​ഴി​ഞ്ഞ ദി​വ​സം മ​ങ്ക​ര അ​ബ്ദു​ള്ള റോ​ഡി​ലു​ള്ള അ​യി​ഷ​യു​ടെ വീ​ട്ടി​ൽ​നി​ന്ന് ഉ​റ​ങ്ങി​ക്കി​ട​ന്നി​രു​ന്ന ഒ​ന്ന​ര വ​യ​സു​കാ​ര​ന്‍റെ മാ​ല​യും അ​ര​ഞ്ഞാ​ണ​വും മോ​ഷ്ടി​ച്ച​തി​നു തൊ​ട്ടു​പി​ന്നാ​ലെ​യാ​ണ് ക​ഴി​ഞ്ഞ ദി​വ​സം രാ​ത്രി​യി​ലെ മോ​ഷ​ണ​ശ്ര​മ​ങ്ങ​ൾ.