നെന്മാറ ടൗ​ണി​ൽ ഗ​താ​ഗ​ത​ക്കു​രു​ക്ക് രൂ​ക്ഷം; ബ​ദ​ൽ ക​നാ​ൽ ബ​ണ്ട് റോ​ഡ് യാ​ഥാ​ർ​ത്ഥ്യ​മാ​ക്ക​ണമെന്ന ആവശ്യം ശക്തമാകുന്നു

നെന്മാ​റ: നെന്മാറ​യി​ലെ യാ​ത്രാക്കു​രു​ക്ക​ഴി​ക്കാ​ൻ പോ​ത്തു​ണ്ടി ക​നാ​ൽ ബ​ണ്ട് റോ​ഡ് യാ​ഥാ​ർ​ത്ഥ്യ​മാ​ക്ക​ണ​മെ​ന്ന ആ​വ​ശ്യം ശ​ക്ത​മാ​യി. ഗ​താ​ഗ​ത​ക്കു​രു​ക്കി​ന് പ​രി​ഹാ​ര​മാ​യി ബ​ദ​ൽ​പാ​ത വേ​ണ​മെ​ന്ന ആ​വ​ശ്യം നെന്മാ​റ​യി​ൽ ഇ​നി​യും ന​ട​പ്പി​ലാ​യി​ല്ല. മം​ഗ​ലം-​ഗോ​വി​ന്ദാ​പു​രം സം​സ്ഥാ​ന​പാ​ത​യി​ലെ പ്ര​ധാ​ന ക​വ​ല​യാ​യി​ട്ടു കൂ​ടി​യാ​ണ് പ​രി​ഹാ​ര ന​ട​പ​ടി​ക​ൾ ഉ​ണ്ടാ​വാ​ത്ത​ത്.

ര​ണ്ടു വ​ർ​ഷം​മു​ന്പ് പ്ര​ഖ്യാ​പി​ച്ച നെന്മാറ ബൈ​പാ​സി​ന്‍റെ പ്രാ​രം​ഭ ന​ട​പ​ടി​ക​ൾ പോ​ലും ഇ​നി​യു​മാ​യി​ല്ല. ഹ​യ​ർ സെ​ക്ക​ൻ​ഡ​റി സ്കൂ​ളു​ക​ൾ ഉ​ൾ​പ്പെ​ടെ 13 വി​ദ്യാ​ഭ്യാ​സ സ്ഥാ​പ​ന​ങ്ങ​ളാ​ണ് നെന്മാറ​യി​ലു​ള്ള​ത്. രാ​വി​ലെ​യും വൈ​കു​ന്നേ​ര​വും സ്കൂ​ൾ വി​ടു​ന്ന സ​മ​യ​ത്താ​ണ് കൂ​ടു​ത​ലും ഗ​താ​ഗ​ത​ക്കു​രു​ക്കു​ണ്ടാ​കു​ന്ന​ത്.

ഈ ​സ​മ​യ​ത്ത് കാ​ൽ​ന​ട​യാ​ത്ര​പോ​ലും ദു​രി​ത​ത്തി​ലാ​ണ്. നെന്മാറ മു​ക്കു​മു​ത​ൽ വ​ല്ല​ങ്ങി ബൈ​പ്പാ​സ് വ​രെ​യാ​ണ് കൂ​ടു​ത​ലും യാ​ത്രാ​ദു​രി​ത​മാ​കു​ന്ന​ത്.എ​ന്നാ​ൽ ക​വ​ല​യോ​ട് ചേ​ർ​ന്നു​ള്ള പോ​ത്തു​ണ്ടി ജ​ല​സേ​ച​ന ക​നാ​ൽ ബ​ണ്ട് റോ​ഡ് ടാ​റിം​ഗ് ന​ട​ത്തി ഗ​താ​ഗ​ത​യോ​ഗ്യ​മാ​ക്കി​യാ​ൽ വി​ദ്യാ​ർ​ഥി​ക​ൾ​ക്കും ചെ​റു​വാ​ഹ​ന​ങ്ങ​ൾ​ക്കും ഇ​തി​ലൂ​ടെ ക​ട​ന്നു​പോ​കാ​ൻ ക​ഴി​യും.

അ​യി​നം​പാ​ടം മു​ത​ൽ നെന്മാറ ക്രി​സ്തു​രാ​ജാ ദേ​വാ​ല​യ​ത്തി​നു പി​റ​കി​ലൂ​ടെ ബ​സ് സ്റ്റാ​ൻ​ഡി​ന്‍റെ വ​ശ​ത്ത് വ​ന്നു​ചേ​രു​ന്ന ര​ണ്ട​ര കി​ലോ​മീ​റ്റ​ർ ദൂ​ര​ത്തി​ലു​ള്ള ക​നാ​ലി​ൽ ഇ​പ്പോ​ൾ മ​ണ്‍​പാ​ത മാ​ത്ര​മാ​ണു​ള്ള​ത്. മ​ണ്‍​പാ​ത ടാ​റിം​ഗ് ന​ട​ത്തികു​രു​ക്ക് പ​രി​ഹ​രി​ക്കാ​നു​ള്ള ന​ട​പ​ടി​യു​ണ്ടാ​ക​ണ​മെ​ന്നാ​വ​ശ്യം ശക്തമാണ്.