ന്യൂയോർക്ക്: ന്യൂയോർക്കിലെ ഗുരുദ്വാരയിൽ പ്രാർഥനയ്ക്കെത്തിയ ഇന്ത്യൻ അംബാസഡർ തരൺജിത് സിംഗ് സന്ധുവിനെ വളഞ്ഞ് ഖലിസ്ഥാൻ അനുകൂലികൾ.
ഖലിസ്ഥാൻ നേതാവ് ഹർദീപ് സിംഗ് നിജ്ജാറിന്‍റെ കൊലപാതകത്തെക്കുറിച്ച് ഖലിസ്ഥാൻ അനുകൂലികൾ ബഹളമുണ്ടാക്കി.
നിജ്ജാറിന്‍റെ കൊലപാതകത്തിനു പിന്നിൽ സന്ധുവാണെന്ന് പ്രതിഷേധക്കാർ ആരോപിച്ചു. ഇതിന്‍റെ വീഡിയോ സമൂഹമാധ്യമങ്ങളിൽ പ്രചരിക്കുന്നുണ്ട്.
ന്യൂയോർക്കിലെ കോൺസൽ ജനറൽ രൺധീർ ജയ്സ്വാൾ, ഡെപ്യൂട്ടി കോൺസൽ ജനറൽ വരുൺ ജെഫ് എന്നിവർക്കൊപ്പമാണ് ലോംഗ് ഐലൻഡിലെ ഗുരുദ്വാരയിൽ സന്ധു പ്രാർഥനയ്ക്കെത്തിയത്.
