വാ​ടാ​ന​പ്പിള്ളി പോലീസ് സ്റ്റേഷൻ ഏതു നിമിഷവും ഇടിഞ്ഞു വീഴാം;  ജനങ്ങൾക്ക് സുരക്ഷയൊരുക്കുന്ന പോലീസുകാരുടെ സുരക്ഷ അപകട ഭീഷണിയിൽ

ജ​ന​ങ്ങ​ളു​ടെ ജീ​വ​നും സ്വ​ത്തി​നും സം​ര​ക്ഷ​ണം ന​ൽ​കേണ്ട  പോലീസ്റ്റേഷൻ ഏതു നമിഷവും  ഇടിഞ്ഞു വീഴാം
കാ​ഞ്ഞാ​ണി: സീ​ലിം​ഗ് അ​ട​ർ​ന്നു വീ​ണ് അ​പ​ക​ടാ​വ​സ്ഥ​യി​ലാ​യ ഒ​രു പോ​ലീ​സ് സ്റ്റേ​ഷ​ൻ. അ​തി​നു​ള്ളി​ൽ ജ​ന​ങ്ങ​ളു​ടെ ജീ​വ​നും സ്വ​ത്തി​നും സം​ര​ക്ഷ​ണം ന​ൽ​കാ​ൻ രാ​പ്പ​ക​ലി​ല്ലാ​തെ അ​ധ്വാ​നി​ക്കു​ന്ന ഒ​രു കൂ​ട്ടം പോ​ലീ​സു​കാ​ർ.

അ​ടി​സ്ഥാ​ന സൗ​ക​ര്യ​ങ്ങ​ൾ ഇ​ല്ലാ​തെ​യും കാ​ല​പ്പ​ഴ​ക്കം ചെ​ന്ന് ത​ക​ർ​ന്നു​വീ​ണും തു​ട​ങ്ങി​യ കെ​ട്ടി​ട​ത്തി​ൽ ഭീ​തി​യി​ലാ​ണ് ഇ​വ​ർ. ജി​ല്ല​യി​ലെ ത​ന്നെ ഏ​റ്റ​വും ശോ​ച​നീ​യാ​വ​സ്ഥ​യി​ലാ​യ വാ​ടാ​ന​പ്പി​ള്ളി പോ​ലീ​സ് സ്റ്റേ​ഷ​ന്‍റെ ദു​ര​വ​സ്ഥ ഉ​ന്ന​ത ഉ​ദ്യോ​ഗ​സ്ഥ​ർ ക​ണ്ടി​ ല്ലെ​ന്നു ന​ടി​ക്കു​ക​യാ​ണെ​ന്ന് ആ​ക്ഷേ​പം ഉ​യ​രു​ന്നു.

മ​ഴ​ക്കാ​ല​ത്തു സീ​ലിം​ഗ് അ​ട​ർ​ന്നു താ​ഴെ​വീ​ണു പോ​ലീ​സു​കാ​ർ​ക്കു പ​രി​ക്കേ​റ്റി​രു​ന്നു. പി​ന്നീ​ട് പ​ഞ്ചാ​യ​ത്ത് അ​ധി​കൃ​ത​രും ജ​ന​പ്ര​തി​നി​ധി​ക​ളും ഇ​ട​പെ​ട്ടു ത​ളി​ക്കു​ളം സ്വ​ദേ​ശി​യു​ടെ ഉ​ട​മ​സ്ഥ​ത​യി​ൽ വാ​ടാ​ന​പ്പി​ള്ളി – തൃ​ശൂ​ർ റോ​ഡി​ൽ ന​ടു​വി​ൽ​ക്ക​ര​യി​ലെ സ്ഥ​ലം സൗ​ജ​ന്യ നി​ര​ക്കി​ൽ വാ​ങ്ങി.

പു​തി​യ പോ​ലീ​സ് സ്റ്റേ​ഷ​ൻ കെ​ട്ടി​ട്ട​ത്തി​ന്‍റെ ശി​ലാ​സ്ഥാ​പ​ന​വും ന​ട​ത്തി. എ​ന്നാ​ൽ, ആ ​സ്ഥ​ല​ത്തി​ന്‍റെ ആ​ധാ​ര​ത്തി​ൽ നി​ലം എ​ന്നു രേ​ഖ​പ്പെ​ടു​ത്തി​യ​തി​നാ​ൽ പ​ദ്ധ​തി ന​ട​പ്പി​ലാ​യി​ല്ല.ഇ​വി​ടെ ജോ​ലി ചെ​യ്യു​ന്ന പോ​ലീ​സു​കാ​ർ സ്ഥ​ല​പ​രി​മി​തി​മൂ​ലം വീ​ർ​പ്പു​മു​ട്ടി​യാ​ണു സ്റ്റേ​ഷ​ന​ക​ത്തു ജോ​ലി ചെ​യ്യു​ന്ന​ത്.

എ​സ്എ​ച്ച്ഒ​യ്ക്ക് ഇ​രി​ക്കാ​ൻ മാ​ത്ര​മാ​ണു പ്ര​ത്യേ​ക മു​റി​യു​ള്ള​ത്. സ​ന്ദ​ർ​ശ​ക​ർ​ക്കു​ള്ള വ​രാ​ന്ത​യി​ൽ മ​റ​വ​ച്ചു താ​ൽ​ക്കാ​ലി​ക കൗ​ണ്ട​ർ അ​ടി​ച്ചാ​ണു ര​ണ്ട് എ​സ്ഐ​മാ​ർ ഇ​രി​ക്കു​ന്ന​ത്. അ​തി​നാ​ൽ സ​ന്ദ​ർ​ശ​ക​രു​ടെ ഇ​രി​പ്പി​ടം കാ​ർ​പോ​ർ​ച്ചി​ന​ടു​ത്തേ​ക്കു മാ​റ്റി.

പോ​ലീ​സ് ഉ​ദ്യോ​ഗ​സ്ഥ​ർ​ക്കു ക്വാ​ർ​ട്ടേ​ഴ്സു​ക​ൾ ഇ​ല്ലെ​ന്ന​തും അ​ധി​കൃ​ത​രു​ടെ അ​നാ​സ്ഥ​യാ​ണ്. സ്ഥ​ലം​മാ​റി വ​രു​ന്ന ഉ​ദ്യോ​ഗ​സ്ഥ​ർ​ക്കു കു​ടും​ബ​ത്തെ താ​മ​സി​പ്പി​ക്കാ​ൻ വേ​ണ്ടി വ​ലി​യ നി​ര​ക്കി​ൽ വാ​ട​ക​വീ​ട് എ​ടു​ക്കേ​ണ്ടി വ​രു​ന്ന​താ​യി പ​റ​യു​ന്നു. ഏ​താ​നും പോ​ലീ​സു​കാ​ർ സ്റ്റേ​ഷ​നു മു​ക​ളി​ൽ ടെ​ന്‍റ് അ​ടി​ച്ചാ​ണു താ​മ​സി​ക്കു​ന്ന​ത്.

അ​ടി​യ​ന്ത​ര​മാ​യി സൗ​ക​ര്യ​ങ്ങ​ളോ​ടെ​യു​ള്ള പു​തി​യ കെ​ട്ടി​ടം പ​ണി​ത് ഏ​തു നി​മി​ഷ​വും നി​ലം​പ​തി​ക്കാ​വു​ന്ന സ്റ്റേ​ഷ​ൻ മാ​റ്റി​സ്ഥാ​പി​ച്ച് ഇ​വി​ടെ ജോ​ലി ചെ​യ്യു​ന്ന പോ​ലീ​സു​കാ​രെ​യും സ​ന്ദ​ർ​ശ​ക​രെ​യും സം​ര​ക്ഷി​ക്കാ​ൻ അ​ധി​കാ​രി​ക​ൾ ഉ​ണ​ർ​ന്നു പ്ര​വ​ർ​ത്തി​ക്ക​ണ​മെ​ന്നു നാ​ട്ടു​കാ​ർ ആ​വ​ശ്യ​പ്പെ​ട്ടു.