ദു​രി​തങ്ങൾ നേരിൽ കണ്ടറിയാൻ വിഡി സതീശൻ കുട്ടനാട്ടിൽ; സ്വാ​മി​നാ​ഥ​ൻ ക​മ്മീ​ഷ​ൻ റി​പ്പോ​ർ​ട്ടി​ലെ ശിപാർശ നടപ്പിലാക്കാത്തത് വെള്ളപ്പൊക്ക കെടുതി രൂക്ഷമാക്കുന്നു


മ​ങ്കൊ​മ്പ് : ജ​ലാ​ശ​യ​ങ്ങ​ളു​ടെ ആ​ഴം കൂ​ട്ടി സം​ഭ​ര​ണ ശേ​ഷി വ​ർ​ദ്ധി​പ്പി​ക്ക​ണ​മെ​ന്ന സ്വാ​മി​നാ​ഥ​ൻ ക​മ്മീ​ഷ​ൻ റി​പ്പോ​ർ​ട്ടി​ലെ ശിപാ​ർ​ശ നാ​ളി​തു വ​രെ​യാ​യി​ട്ടും ന​ട​പ്പി​ലാ​ക്കാ​ൻ സാ​ധി​ക്കാ​ത്ത​ത് വെ​ള്ള​പ്പൊ​ക്ക കെ​ടു​തി രൂ​ക്ഷ​മാ​ക്കു​ന്നു​വെ​ന്ന് പ്ര​തി​പ​ക്ഷ നേ​താ​വ് വി.​ഡി.​സ​തീ​ശ​ൻ.

കു​ട്ട​നാ​ട്ടി​ലെ വെ​ള്ള​പ്പൊ​ക്ക ദു​രി​തം അ​നു​ഭ​വി​ക്കു​ന്ന പ്ര​ദേ​ശ​ങ്ങ​ൾ സ​ന്ദ​ർ​ശി​ക്കു​ക​യാ​യി​രു​ന്നു അ​ദ്ദേ​ഹം.​നി​ല​വി​ലു​ള്ള റി​പ്പോ​ർ​ട്ടി​ൽ പ​റ​യു​ന്ന കാ​ര്യ​ങ്ങ​ൾ ന​ട​പ്പി​ലാ​ക്കാ​തെ പു​തി​യ പ​ഠ​ന റി​പ്പോ​ർ​ട്ടി​നു കാ​ത്തി​രി​ക്കാ​നു​ള്ള നീ​ക്കം അ​പ​ക​ട​മാ​ണ്. കു​ട്ട​നാ​ടി​നെ ക​ര​ക​യ​റ്റാ​നു​ള്ള പ​ദ്ധ​തി​ക​ൾ​ക്ക് പ്ര​തി​പ​ക്ഷം ക്രി​യാ​ത്മ​ക പി​ന്തു​ണ ന​ൽ​കും.

വ​കു​പ്പു​ക​ൾ ത​മ്മി​ലു​ള്ള ഏ​കോ​പ​ന​മി​ല്ലാ​യ്മ പ​രി​ഹ​രി​ക്ക​ണം. ദീ​ർ​ഘ​കാ​ല പ​ദ്ധ​തി​ക​ൾ​ക്ക് സ​മ​യ​ക്ര​മം ഉ​ണ്ടാ​ക്ക​ണം. അ​ടി​യ​ന്തര​മാ​യി നി​ർ​വ​ഹി​ക്കേ​ണ്ട പ​ദ്ധ​തി​ക​ൾ​ക്ക് മു​ൻ​ഗ​ണ​നാ​ക്ര​മം നി​ശ്ച​യി​ക്ക​ണം. എ-​സി ക​നാ​ൽ പ​ള്ളാ​ത്തു​രു​ത്തി വ​രെ തു​റ​ക്കു​ക​യും ആ​ഴം കൂ​ട്ടു​ക​യും ചെ​യ്യ​ണ​മെ​ന്നും പ്രതിപക്ഷ നേതാവ് ആ​വ​ശ്യ​പ്പെ​ട്ടു.

ഉ​ച്ച​ക​ഴി​ഞ്ഞു ര​ണ്ടോ​ടെ കൈ​ന​ക​രി​യി​ൽ എ​ത്തി​യ അ​ദ്ദേ​ഹം തു​ട​ർ​ച്ച​യാ​യി മ​ട​വീ​ഴ്ച​യു​ണ്ടാ​കു​ന്ന ക​ന​കാ​ശേ​രി, മീ​ന​പ്പ​ള്ളി പാ​ട​ശേ​ഖ​ര​ങ്ങ​ൾ സ​ന്ദ​ർ​ശി​ച്ചു. തു​ട​ർ​ന്ന് പു​ളി​ങ്കു​ന്നി​ലെ​ത്തി​യ അ​ദ്ദേ​ഹം താ​ലൂ​ക്കാ​ശു​പ​ത്രി​യു​ടെ ശോ​ച​നീ​യാ​വ​സ്ഥ നേ​രി​ൽ​ക്ക​ണ്ടു. തു​ട​ർ​ന്ന് കി​ട​ങ്ങ​റ​യ്്ക്കു സ​മീ​പം എ​സി ക​നാ​ലും സ​ന്ദ​ർ​ശി​ച്ചു.

മു​ൻ ഡി​സി​സി പ്ര​സി​ഡ​നന്‍റു​മാ​രാ​യ എം.​ലി​ജു, എ. ​എ. ഷു​ക്കൂ​ർ, കോ​ൺ​ഗ്ര​സ് നേ​താ​ക്ക​ളാ​യ കെ.​പി.​ശ്രീ​കു​മാ​ർ , സ​ജി ജോ​സ​ഫ്, സി.​വി രാ​ജീ​വ്, കെ.​ഗോ​പ​കു​മാ​ർ, പ്ര​താ​പ​ൻ പ​റ​വേ​ലി, ജെ.​ടി. രാം​സേ , പ്ര​മോ​ദ് ച​ന്ദ്ര​ൻ, ജോ​സ​ഫ് ചേ​ക്കോ​ട​ൻ, വി.​കെ. സേ​വ്യ​ർ തു​ട​ങ്ങി​യ​വ​രും പ്ര​തി​പ​ക്ഷ നേ​താ​വി​നെ അ​നു​ഗ​മി​ച്ചു.

Related posts

Leave a Comment